What Can the Bible Teach Us?​—Te Auala e Fakaaoga i ei

E tai ‵pau eiloa te tusi ko te Teach Us mo te Akoakoga a te Tusi Tapu. A te avā mea fai galuega konei e fakaaoga mo fai akoakoga e ‵pau eiloa te munatonu e akoako mai ei penā foki mo te fakasologa o mea i ei. Kae e fakaaoga i te tusi ko te Teach Us a pati e faigofie ke malamalama i ei kae faigofie foki o fakasakosako. Ne ‵lomi mō tino kolā e mafai o faigata o malamalama i te tusi ko te Akoakoga a te Tusi Tapu. E maua i te tusi ko te Teach Us a fakamatalaga mai lalo kolā e fakafaigofie mai ei a tugapati mo manatu e maua i loto te mataupu, kae ko seai ne mataupu fakaopoopo i ei. A mataupu katoa ko seai ne fesili i te kamataga io me ne fesili i te pokisi. Kae fakaoti ki fakamatalaga toe‵toe o Bible truths kolā e maua i loto i te mataupu. E pelā loa mo te tusi ko te Akoakoga a te Tusi Tapu, a te tusi ko te Teach Us e mafai o ofo atu i so se taimi faitalia me se ‵tau o ofo atu i te masina tenā. E mafai pefea o fakaaoga ne tatou a vaega tu‵kese o te tusi ko te Teach Us i taimi e fai ei se akoga faka-te-Tusi Tapu?

FAKAMATALAGA TOE‵TOE: Mō te tokoukega, a te faiga masani i akoga faka-te-Tusi Tapu, ko te faitau te palakalafa kae fai a fesili i te tusi ko te Akoakoga a te Tusi Tapu, ne fia‵fia malosi ki ei a tino. Kae kafai se tino e se iloa ‵lei ne ia te ‵gana kae e se iloa foki o fai‵tau faka‵lei, i te feitu tena, e mafai o filifili ne koe ke fakaaoga te tusi ko te Teach Us. Ko mafai ei o fakaaoga a fakamatalaga toe‵toe i mataupu e pelā me se fakavae o te akoga kae ke fakamalosi a te tino akoga ke faitau a te mataupu i a ia eiloa. A Bible truth takitasi e mafai o kamata ei se akoga telā e 15 minute fua. E tiga eiloa e se aofia i fakamatalaga toe‵toe a manatu katoa i loto te mataupu, e ‵tau eiloa mo te faiakoga o fakatoka faka‵lei kae mafaufau ki te manakoga o te tino akoga. Kafai e kamata te akoga mai te mataupu, e mafai o fakaaoga a fakamatalaga toe‵toe ke toe faka‵foki ei a manatu tāua i te mataupu.

FAKAMATALAGA MAI LALO: A tugapati mo manatu e maua i fakamatalaga mai lalo e fakasolo faka‵lei e pelā eiloa mo fakasologa i loto i te mataupu. E mafai o fakaiku aka ne te faiakoga ke sau‵tala ki fakamatalaga mai lalo i te tusi ko te Teach Us i te taimi o te akoga io me ikai.