Ne Tauloto ne Iesu “te Olaga Fakalogo Muna”

A Iesu ne fakalogo faeloa ki a Ieova. (Ioa. 8:29) Kaia la ne fai mai ei a te Tusi Tapu me: “Ne tauloto ne ia te olaga fakalogo muna mai mea ne logoˋmae a ia i ei”?—Epe. 5:8.

I tena nofoga i te lalolagi, ne fepaki a Iesu mo tulaga kolā ne seki fepaki eiloa mo ia i te lagi. Ne puti aka a ia ne mātua aˋlofa fakamaoni ki a Ieova kae e se ˋlei katoatoa. (Luka 2:51) Ne logoˋmae a ia i lima o takitaki lotu sē ˋlei mo pule o malo fai mea sē ˋtonu. (Mata. 26:59; Male. 15:15) E se gata i ei, “ne fakamalalo ne ia a ia eiloa kae ne fakalogo foki ke oko eiloa ki te mate,” se mate fakalogoˋmae.—Fili. 2:8.

Ne tauloto ne Iesu mai i mea konei ke iloa ne ia o fakalogo i se auala telā ne seki tauloto ne ia i te lagi. Tenā ne mafai ei o fai a ia mo fai se Tupu mo se Faitaulaga Sili ˋlei katoatoa telā e malamalama fakaˋlei i a tatou. (Epe. 4:15; 5:9) Ne gasolo o tāua kae aoga malosi a Iesu ki a Ieova mai tua o te taulotoga ne ia ke iloa o fakalogo mai mea ne logoˋmae a ia i ei. E mafai foki o tāua malosi tatou ki a Ieova kae aoga foki ke fai so se galuega e tuku mai ne ia ki a tatou, māfai e tumau tatou i te fakaˋlogo mai lalo o tulaga faigaˋta.—Iako. 1:4.