Ɔsom Nhyiam Nhyehyɛe

Dapɛn a Efi Ase January 10

Dwom 223

10 min: Asafo mu nkaebɔ. Yɛn Ahenni Som mu Nkaebɔ Ahorow a wɔapaw. Sɛ nyansahyɛ a wɔde ama wɔ kratafa 8 hɔ no fata mo asafo no asasesin no a, fa yɛ sɛnea yɛde January 1 Ɔwɛn-Aban anaa January 8 Engiresi Nyan! bɛma ho ɔyɛkyerɛ.

15 min: “Wɔde Gyidi Nsɛm no Ayɛn Yɛn.”a Kenkan kyerɛw nsɛm a wɔatwe adwene asi so no na munsusuw ho sɛnea bere bɛma kwan.

20 min: Dɛn na Ehia na Obi Atumi Anya Bible Adesua? Ɔpanyin bi di anim ma nnipa baanu anaa baasa a wotumi yɛ Bible adesua bɔ nkɔmmɔ. Wosusuw akwan a etu mpɔn a wotumi fa so fi Bible adesua ase ho: (1) Bɔ mpae srɛ Yehowa mmoa. (2) Nya asɛnka adwuma no afã horow mu kyɛfa daa fa hwehwɛ anigyefo. (3) Yɛ anigyefo nyinaa ho kyerɛwtohɔ a adwene ne sɛ wobɛsan akɔ hɔ. (4) Yɛ sankɔhwɛ ntɛm ara. (5) Bere biara a obi bɛkyerɛ asɛm no ho anigye no, yɛ adesua ho nhyehyɛe. (Hwɛ asɛmti ketewa “Bible Adesua Ase a Wubefi,” a ɛwɔ February 15, 1996, Ɔwɛn-Aban, kratafa 20 mu no.) (6) Hyɛ ahotoso a wutumi de kyerɛkyerɛ no mu den denam nyansahyɛ ahorow anan a wɔde ama wɔ August 1, 1984 Engiresi Ɔwɛn-Aban no kratafa 13-17 a wode bedi dwuma no so.

Dwom 212 ne mpaebɔ a wɔde wie.

Dapɛn a Efi Ase January 17

Dwom 34

10 min: Asafo mu nkaebɔ.

15 min: Mmabun—So Morenya Nkɔso Wɔ Honhom Mu? Ɔkasa a ɔpanyin ma a egyina April 1, 2003, Ɔwɛn-Aban, kratafa 8-10 so. Ka botae horow a wobetumi adu ho no bi ho asɛm, na hyɛ mmabun no nkuran ma wɔn ankasa mfa honhom fam botae horow pɔtẽẽ bi nsisi wɔn ani so.

20 min: “Bible Adesua a Etu Mpɔn a Yɛbɛyɛ—Ɔfã 5.”b Ma ɔdawurubɔfo bi a ne ho akokwaw wɔ Bible adesuayɛ mu ne ɔdawurubɔfo a ɔyɛ ɔfoforo nsusuw ɔkwan a wɔbɛfa so akwati afiri a wɔaka ho asɛm wɔ nkyekyɛm 4-5 no ho.

Dwom 78 ne mpaebɔ a wɔde wie.

Dapɛn a Efi Ase January 24

Dwom 163

10 min: Asafo mu nkaebɔ. Sikasɛm ho amanneɛbɔ. Munsusuw adaka a emu asɛm ne, “Video Dwumadi Ahorow a ɛwɔ DVD So” no ho tiawa.

10 min: Asɛmmisa Afã. Ɔkasa.

25 min: “Sɛnea Yɛde Nhoma Ma ho Nhwɛso a Yɛde Bedi Dwuma.”c Fa nsɛmmisa a wɔde ama no di dwuma. Ka kyerɛ wɔn sɛ, krataa a ɛhyɛ ɔsram yi Yɛn Ahenni Som mu kratafa 3-5 no kura nsɛm a yebetumi aka de nhoma ama. Fa krataa a ɛhyem yi sie na wode adi dwuma afe mũ no nyinaa. Bere a moasusuw asɛm yi ho awie no, munsusuw sɛnea yebetumi de Bɛn Yehowa nhoma no ama wɔ adapɛn abien a edi kan wɔ February mu no ho. Yɛ ɔyɛkyerɛ abien. Wobetumi de sɛnea yɛde nhoma ma ho nhwɛso a ɛwɔ kratafa 3 no adi dwuma anaa wɔafa akwan afoforo a etu mpɔn wɔ mo asasesin no mu so.

Dwom 200 ne mpaebɔ a wɔde wie.

Dapɛn a Efi Ase January 31

Dwom 157

10 min: Asafo mu nkaebɔ. Kae adawurubɔfo ma wɔmfa January asɛnka akontaabu mma. Sɛ nyansahyɛ a wɔde ama wɔ kratafa 8 hɔ no fata mo asafo no asasesin no a, fa yɛ sɛnea yɛde January 15 Ɔwɛn-Aban ne January 22 Engiresi Nyan! bɛma ho ɔyɛkyerɛ. Mubetumi afa akwan foforo a ɛfata so de ama. Wɔ ɔyɛkyerɛ no biako mu no, kyerɛ sɛnea wɔde nsɛmma nhoma ma obusuani bi a ɔnyɛ Ɔdansefo.

15 min: Asafo mu ahiade.

20 min: Wohwehwɛ Kyerɛwnsɛm no mu Daa? Ɔkasa ne atiefo nkɔmmɔbɔ a egyina Kyerɛwnsɛm no mu a Wobɛhwehwɛ Daa—2005 de no so. Munsusuw hia a ehia sɛ yɛde simma kakra bi hwehwɛ kyerɛwsɛm no ne emu nkyerɛkyerɛmu mu da biara no ho. Di kan yɛ nhyehyɛe ma onua biako anaa anuanom baanu nka nhyehyɛe a wɔayɛ a wɔde susuw kyerɛwsɛm no ho ne sɛnea wɔanya so mfaso no nkyerɛ. Munsusuw 2005 afe asɛm no ho tiawa mfa nwie.

Dwom 184 ne mpaebɔ a wɔde wie.

Dapɛn a Efi Ase February 7

Dwom 97

10 min: Asafo mu nkaebɔ.

15 min: Boa Wɔn a Wɔyɛ Afoforo ma Wonsua sɛ Wɔbɛdɔ Nyankopɔn ne Wɔn Yɔnko. Ɔkasa a egyina July 1, 2004, Ɔwɛn-Aban, kratafa 16, nkyekyɛm 7-9 so. Si sɛnea asafo no muni biara betumi aboa wɔn a wɔyɛ afoforo ma wɔabɛyɛ Kristo asuafo no so dua.

20 min: Yehowa Mfa Adepa Biara Nkame Yɛn. (Dw. 84:11) Bisabisa anuanom mmarima ne mmea kakra bi a wɔakɔ so adi nokware wɔ sɔhwɛ mu no nsɛm. Nsɛnnennen bɛn na wɔahyia? Dɛn na aboa ma wɔagyina? Anigye ne mfaso bɛn na wɔanya?

Dwom 104 ne mpaebɔ a wɔde wie.

[Ase hɔ nsɛm]