Nea Yɛbɛka Afa Yɛn Nsɛmma Nhoma Ho

The Watchtower September 1

“Ɛtɔ mmere bi a, nkurɔfo yɛ nneɛma bɔne esiane ɔsom ho mmɔdenbɔ a ɛnteɛ a wɔwɔ nti. Wususuw sɛ dɛn na ɛdaadaa wɔn ma wɔyɛ saa? [Twɛn ma ommua.] Hwɛ nea Bible no hyɛ yɛn nkuran sɛ yɛnyɛ. [Kenkan 1 Yohane 4:1.] Asɛm a ɛwɔ ha yi kyerɛkyerɛ nea enti a ehia sɛ yɛde yɛn gyidi toto nea Onyankopɔn Asɛm ka ho.” Fa asɛm a ɛwɔ kratafa 10 no kyerɛ no.

Awake! September

Kenkan Mateo 5:39. Afei ka sɛ: “So na Yesu kyerɛ sɛ sɛ obi yɛ bɔne tia yɛn a, yɛnnka ho hwee? [Twɛn ma ommua.] Asɛm yi ma yehu nea Bible ka fa sɛnea yebetwitwa agye yɛn ho na yɛahwehwɛ ahobammɔ wɔ mmara kwan so ho asɛm.” Fa asɛm a ɛwɔ kratafa 10 no kyerɛ no.

The Watchtower October 1

“Wɔ wiase nyinaa no, nnipa a wɔwɔ ɔsom ahorow mu bɔ mpae. Wususuw sɛ Onyankopɔn tie mpaebɔ? [Twɛn ma ommua.] Bible no hyɛ yɛn nkuran sɛ yɛmmɔ mpae. [Kenkan Filipifo 4:6, 7.] Nsɛmmisa ason bi wɔ hɔ a nkurɔfo taa bisa fa mpaebɔ ho, na nsɛmma nhoma yi fi Bible mu de ho mmuae ma.”

Awake! October

“Yɛtaa te sɛ awarefo di wɔn ahokafo huammɔ, na saa ara na amanyɔfo ne afoforo nso di nkurɔfo huammɔ. So ɛyɛ den sɛ yebenya nnipa a wodi nokware? [Twɛn ma ommua.] Nnipa pii susuw sɛ kyerɛwsɛm yi renya ne mmamu. [Kenkan 2 Timoteo 3:1-5.] Nsɛmma nhoma yi kyerɛ baabi a yebetumi ahu nnipa a wodi nokware nnɛ.”