Nsɛm a Yebetumi Aka

De afi Bible adesua ase wɔ Memeneda a edi kan wɔ May mu

“Yɛwɔ asɛmmisa bi a ɛyɛ anika paa, na yɛpɛ sɛ wokyerɛ w’adwene wɔ ho. [Fa asɛmmisa a edi kan a ɛwɔ May 1 Ɔwɛn-Aban no akyi no kyerɛ no.] Wuhu asɛmmisa yi sɛn?” Twɛn ma ommua. Munsusuw asɛm a ɛwɔ asɛmmisa no ase ho; anyɛ yiye koraa no monkenkan kyerɛw nsɛm baako na munsusuw ho. Fa nsɛmma nhoma no ma no, na yɛ nhyehyɛe san kɔsra no na munsusuw asɛmmisa a edi hɔ no ho.

Ɔwɛn-Aban May 1

“Ɛnnɛ, ɛkame ayɛ sɛ daakye ho asɛm hia nkurɔfo paa. Sɛ wudwen daakye ho a, wuhu no sɛn? Wugye di sɛ daakye, ɛbɛyɛ yiye anaa ɛho asɛm haw wo? [Twɛn ma ommua. Afei kenkan kyerɛw nsɛm a ɛwɔ adaka a wɔato din “Nea Onyankopɔn Aka Afa Daakye Ho” no baako kyerɛ no.”] Onyankopɔn aka sɛ nneɛma bi besisi; nhoma yi bɛma woahu saa nneɛma no, na ɛbɛkyerɛ wo nea enti a ɛsɛ sɛ yenya ahotoso sɛ ɛbɛba.”

Nyan! May

“Yɛne nkurɔfo rebɔ nkɔmmɔ tiawa ama wɔahu nea ɛbɛboa wɔn ama woatew wɔn adwennwen so. Ɛnnɛ, wususuw sɛ adwennwen ahyɛ nnipa so sen bere biara a atwam anaa? [Twɛn ma ommua.] Nnipa pii de Bible mu afotu yi ayɛ adwuma ma aboa wɔn, enti wɔmmma adwennwen nhyɛ wɔn so. Emu baako ni. [Kenkan Mateo 6:34.] Nneɛma nnan bi wɔ hɔ a etumi de adwennwen ba, na Bible betumi aboa ama yɛadi so. Nhoma yi ma yehu nea Bible no ka.”

Monhyɛ no nsow: Nnipa a wɔn adwuma nti wonni adagyew ani begye asɛm yi ho.