Salamo

 2 A horoi maitai ia ˈu i ta ˈu hapa,+

E a tamâ ia ˈu i ta ˈu hara.+

 3 Ua ite maitai hoi au i ta ˈu mau hapa,

E tei mua noa ta ˈu hara ia ˈu.*+

 4 Ua hara vau ia oe, ia oe na mua roa.*+

Ua rave au i te mea ino i mua ia oe.+

E parau-tia ïa ta oe ia paraparau oe

E mea tano oe ia haava oe.+

 5 Inaha, ua fanauhia vau e te hapa,

E taata hara vau mai te taime mai â i hapû ai to ˈu metua vahine ia ˈu.+

 6 Inaha, mea au na oe i te parau mau i roto i te aau.+

A haapii mai i to ˈu aau i te paari mau.

 7 A tamâ ia ˈu i ta ˈu hara i te hisopa, ia mâ roa vau.+

A horoi ia ˈu ia uouo aˈe au i te hiona.+

 8 Ia faaroo vau i te umere e te oaoa rahi

Ia oaoa hoi te mau ivi ta oe i faahuˈahuˈa.+

 9 A fariu ê* i to aro i ta ˈu mau hara,+

E a faaore i ta ˈu mau hapa atoa.+

10 A faatupu i te hoê aau viivii ore i roto ia ˈu, e te Atua e,+

E a tuu i te hoê feruriraa apî+ e te aueue ore i roto ia ˈu.

11 Eiaha e tiavaru ia ˈu mai mua mai ia oe.

Eiaha e hopoi ê i to varua moˈa ia ˈu nei.

12 A horoa faahou mai i te oaoa mai i to oe faaoraraa mai ia ˈu.+

A tuu i roto ia ˈu i te hinaaro e faaroo ia oe.

13 E haapii au i te feia rave hara i to mau eˈa+

Ia hoˈi te feia rave hara ia oe ra.

14 A faaora ia ˈu i te hara a te haapohe taata,+ e te Atua e, te Atua o to ˈu faaoraraa,+

Ia faaite to ˈu arero i to parau-tia ma te oaoa.+

15 E Iehova, a faahamǎmǎ i to ˈu vaha

Ia parau vau i te arueraa na oe.+

16 Aita hoi oe e hinaaro ra i te tusia, ahani oia ra, ua pûpû atu ïa vau i te reira.+

Aita oe e mauruuru ra i te tusia taauahi.+

17 Te tusia ta te Atua e au, o te huru aau tatarahapa ïa.

Eita oe e patoi* i te hoê aau tatarahapa e te haehaa, e te Atua e.+

18 No to hamani maitai, a rave i te mea maitai no Ziona.

A faatia i te mau aua o Ierusalema.

19 E mauruuru ïa oe i te mau tusia o te parau-tia,

Te mau tusia taauahi e te mau tusia taatoa.

E e pûpûhia te mau puaatoro oni i nia i ta oe fata.+