Isaya
30 “Ngongo yomãla va huka,”+ oco Yehova a popia,
“Vana va tẽlisa asokiyo avo muẽle okuti ange haoko,+
Vana va linga ukamba* okuti, ka va songuiwa lespiritu liange poku ci linga,
Kuenje va vokiya ekandu kekandu.
2 Ovo va lokila Kegito,+ pole, ka va ndi kũlĩhĩsa,*+
Oco va sande eteyuilo lia Fareo*
Kuenda oku tilila vulembo wo Egito!
3 Pole, eteyuilo lia Fareo kokuene li ka kala esunga liosõi,
Kuenda ocitililo culembo wo Egito, ci koka esumuo.+
4 Momo, olombuale viaye vi kasi ko Coana,+
Kuenda olonumĩwa viaye via pitĩla ko Hanesi.
5 Vosi yavo va ka kutisiwa osõi
Lomanu vana ka va kuete esilivilo kokuavo,
Vana ka va kuatisa kuenda ka va kuete esilivilo,
Va koka lika osõi kuenda esepu.”+
6 Esapulo limue liatiamẽla kovinyama vio kombuelo:
Poku pitahãla ofeka yesumuo kuenda yohali,
ofeka yohosi, ohosi yi koma,
Onombo kuenda onyõha yi palãla,
Ovo vambata ovokuasi avo koñoño yovimbulu
Kuenda okulia kuavo koñoño yolongamelo viavo.
Pole, ovina viaco ka vi ka kuatisa omanu.
7 Momo, ekuatiso lio Egito ka li kuete esilivilo.+
Eli olio esunga lieci ndo tukuila siti: “Rahava,+ una o tumãla ño okuti ka lingi cimue.”
8 “Cilo kuende, eci, ci soneha vevaya limue kovaso avo,
Kuenda ci soneha velivulu limue,+
Oco kovaso yoloneke ci kale
Nduvangi umue wotembo ka yi pui.+
9 Momo ovo omanu vamue va sina,+ omãla olohembi,+
Omãla vamue okuti, ka va yongola oku yevelela ocihandeleko* ca Yehova.+
10 Ovo va sapuila vakuavinjonde vati: ‘Ka va lete,’
Kuenda ku vakuavinjonde vati: ‘Ka vu ka tu sapuili ovinjonde viocili.+
Tu sapuili ovina vi sanjuisa;* sapuli ovinjonde viesanda.+
11 Tinduki vonjila; kali ocipãla lonjila.
Liwekipo oku tu sapuila catiamẽla ku Suku Una o Kola wa Isareli.’”+
12 Omo liaco, ca popia Una o Kola wa Isareli ceci hati:
“Omo okuti vu likala ondaka eyi+
Kuenda vu kolela koku nyana kuenda kuhembi
Kuenje vu kolela kokuavio,+
13 Ekandu eli kokuene li ka kala ndocimbaka cimue ca toka,
Ndocimano cimue ca lepa ci laika oku kupuka.
Oco, ci ka kupuka lonjanga vocipikipiki.
14 Oco, ci ka nyãnyuiwa ndesanga limue linene liukuakutalavaya lotuma,
Li nyãnyuiwa liosi okuti pokati kovinimbu vialio, ka pa siala ociwala lacimue
Oco vopilepo ondalu piko
Ale oku upa ovava vocisimo cimue.”*
15 Ca popia Ñala Tõlo Yehova, Una o Kola wa Isareli ceci hati:
“Nda wa tiuki kokuange loku puyuka, vu ka popeliwa;
Vu ka kuata ongusu nda vu tula utima kuenda oku kuata ekolelo.”+
Pole, ene ka wa taveli.+
16 Pole, ene wa popi hoti: “Sio, tu ka tila lolokavalu!”
Eli olio esunga lieci ene vu ka tilila.
“Kuenda tu ka endela kolokavalu vi lupuka calua!”+
Omo liaco, vana va kasi oku vu lupuisi va ka lupukavo calua.+
17 Ci soka ohulukãi yi ka luluma omo lioku saluisiwa lomunu umosi;+
Omo lioku saluisiwa lomanu vatãlo, ene vu ka tila
Toke eci vana va supa kokuene va ka linga ndongunji kosungu yomunda,
Ndombueti yondimbukiso kowulu.+
18 Pole, Yehova o kevelela lepandi oco a lekise kokuene ohenda,+
Kuenda eye o ka katuka oco a lekise ocikembe kokuene.+
Momo Yehova, eye Suku yesunga.+
Va sumũlũha vosi vana vamamako oku kevelela kokuaye.+
19 Eci omanu va ka tunga vo Siono kuenda vo Yerusalãi,+ ene ka vu ka lila.+ Eye o ka lekisa muẽle ohenda kokuene eci vu ka pinga lolukandi ekuatiso; eye o ka vu tambululi eci a ka ci yeva.+ 20 Ndaño okuti, Yehova o ko wĩhi ombolo yohali kuenda ovava lonjila yimue yelambalalo,+ Ulongisi wove wa Velapo ka ka li salamisa vali kuenda ove o ka mola Ulongisi wove wa Velapo+ lovaso ove muẽle. 21 Kuenje ci kaile okuti wendeli kondio ale wendeli kepĩli, ovatũi ene a ka yeva ondaka yimue konyima yene yokuti: “Eyi oyo onjila.+ Endelimo.”+
22 Kuenje ene vu ka vĩhisa opalata ya lañiwa voviñumañuma viene via songiwa kuenda ulu wa lañiwa voviñumañuma viene viutale.+ Ove o ka vinasi ndonanga yimue ya vĩhisiwa losonde yukãi o kasi kocituwa caye kuenda o ka vi sapuila okuti: “Kuendi!”*+ 23 Kuenje eye o ka nena ombela kombuto ene wa kũli posi+ kuenda ombolo yina osi yima yi ka kala yiwa haiyo yi ka lua.*+ Keteke liaco, oviunda viavo vi ka lisiwila kovitumãlo vinene.+ 24 Kuenje olongombe kuenda ovimbulu vina vi lima osi, vi ka lia okulia kuwa kua tengiwa okuti kua tepiwa kowangu lopa kuenda longalufu. 25 Kuenje kolomunda viosi via lepa kuenda koviwulu viosi via lepa, ku ka kala olondui kuenda olono viovava+ keteke lioku pondiwa eci olosapalalo vi ka kupuka. 26 Ocinyi cosãi ya linga ongalo, ci ka kala ndocinyi cekumbi; kuenda ocinyi cekumbi ci ka pama olonjanja epanduvali,+ ndocinyi coloneke epanduvali, keteke eci Yehova a ka kuta apute* vomanu vaye+ kuenda eci a ka sakula apute eye a koka.+
27 Tali! Onduko ya Yehova yi kasi oku iya oku tunda kupãla,
Lonyeño yaye yalua kuenda alende a tekãva.
Omẽla waye weyukisiwa lonyeño,
Kuenda elimi liaye li kasi ndondalu yi nyõla.+
28 Espiritu* liaye li sokisiwa letande limue liovava li pitĩla toke vosingo,
Oco olofeka vi sakumuĩwe vusalo wenyõleho;*
Kuenda omanu va ka kapiwa olelia+ kovimẽla viavo vina vi va yapuisa.
29 Pole, ene vu ka imba ocisungo cimue ndeci ci imbiwa kuteke
Eci vu lipongiyila* ocipito cimue,+
Kuenda ovitima viene vi ka sanjuka
Ndomunu umue enda lolumbendo*
Wa loña komunda ya Yehova, Handa ya Isareli.+
30 Yehova o ka yevalisa ondaka yaye yulamba+
Kuenda o ka situlula okuokuo kuaye+ ku ka loka lonyeño yalua,+
Lulienge wondalu yi nyõla,+
32 Oku vetiwa kuosi Yehova a ka nena ko Asuria
Lombueti yaye yekangiso
Ku ka kuamiwa loku sikiwa kuolopandelu kuenda kuolohalupa+
Osimbu eye a va veta lokuokuo kuaye poku va katukila kuyaki.+
Eye wa longisa kuenda wa sanjavisa ocitumãlo colohũi,
Londalu yalua kuenda olohũi.
Oku fuima kua Yehova ku sokisiwa ndolui luofuofuo,
Ku ka mĩha o Tofete.