Ишаё

35 Саҳро ва қақраган ер қувонади+,

Дашт-биёбон шодланиб, заъфарон каби гуллайди+.

 2 Ҳа, у гуллаб-яшнайди+,

У севиниб, қувончдан хитоб қилади.

Ливаннинг ҳашамати унга тақдим этилади+,

Кармил+ ва Шароннинг+ шуҳрати унга берилади.

 3 Бўшашган қўлларни,

Қалтираган тиззаларни мустаҳкамланг+.

Мана, Худойингиз интиқом учун,

Қасос олиш учун келмоқда+.

 5 Ўшанда кўрларнинг кўзлари очилади+,

Карларнинг қулоқлари эшитади+.

 6 Чўлоқ одам кийик каби сакрайди+,

Соқовнинг тили қувонч ила хитоб қилади+.

Саҳрода булоқлар қайнаб чиқади,

Дашту биёбонда сойлар оқади.

 7 Қақраган ер қамишли кўлга,

Қақшаган ер чашмалар диёрига айланади+.

Чиябўрилар уясида, улар ором олган жойда+

Ўт-ўлан, қамиш ва папирус ўсади.

 8 У ердан катта йўл ўтади+,

Бу йўл «Муқаддаслик йўли» деб аталади.

Лойиқларгина ундан юради,

Аҳмоқ одам бу йўлга адашиб кириб қолмайди.

 9 Бу йўлда шер ҳам,

Йиртқич ҳайвон ҳам бўлмайди.

Улар бу йўлда учрамайди+,

Тўлов эвазига сотиб олинганлар юради, холос+.

Шод-хуррамлик ва севинч уларни қамрайди,

Қайғу-алам ва оҳу нола йўққа чиқади+.