Masu Oopacerya a Nuulumo na Muluku

Biibiliya, ookhalana ihapari aahiiso moolumo a Muluku annikhaliherya olelo-va. Nave, Biibiliya onninooniherya moota wookhalana okumi wooloka ni moota woomusiveliha Muluku. Nave-tho, onnaakhula makoho ala anittharelana:

1 Muluku ti pani?
2 Munrowa omusuwela sai Muluku?
3 Ti pani omulempe Biibiliya?
4 Niireke Biibiliya onnivarihana ni siensia?
5 Ihapari xeeni Biibiliya onihimya awe?
6 Itthu xeeni Biibiliya aalavunle awe khalai ene omuhimyaka Mesiya?
7 Itthu xeeni Biibiliya aahimyale awe saarowa wiiraneya mahiku ala?
8 Niireke Muluku toniwiiriha apinaatamu ohaawa?
9 Xeeni apinaatamu anihaawa aya?
10 Etthu xeeni Biibiliya onileiherya awe ohoolo?
11 Exeeni eniiraneya okathi mutthu onikhwa awe?
12 Exeeni ninlipelela ahu enrowa owiiraneela ale akhwiiye?
13 Exeeni Biibiliya onihimya awe sa ovara muteko?
14 Muthokoreryeke sai itthu sirina anyu?
15 Munrowa ophwanya sai ohakalala?
16 Exeeni enrowa wookhaliheryani ohitepa oxanka?
17 Biibiliya onrowa okhaliherya sai etthoko anyu?
18 Munrowa omwaattamela sai Muluku?
19 Iliivuru siri mbiibiliyani sinihimya exeeni?
20 Mpakeke exeeni okathi munimusoma anyu Biibiliya?

MOOTA WOOPHWANYA IVERSIIKULU SA BIIBILIYA

Biibiliya orina iliivuru 66 saamukhaani. Owo ookawanyiwa ipantte piili: Soolempwa sa Eheeperi ni Aramaiko (“Wataana wa Khalai”); nave Soolempwa sa Ekereku (“Wataana wa Naanano”). Khula eliivuru ya Biibiliya yookhalana ikapiitulu ni iversiikulu. Okathi eniromoliwa aya yoolepa, nummuru noopacerya ninhimmwa ekapiitulu, nto nummuru wala mammaru anittharelana enihimmwa eversiikulu wala iversiikulu. Mwa ntakiheryo, Maphattuwelo 1:1, enihimmwa eliivuru ya Maphattuwelo ekapiitulu 1, eversiikulu 1.