Pesalemo
Pesalemo ʼa Tavite.
א [Alefa]
ב [Peta]
4 Ke ke fiafia lahi ia Sehova,
Pea ʼe ina fakahoko anai te ʼu fakaʼamu ʼo tou loto.
ג [Kimela]
6 ʼE ina fakaha anai tau faitotonu ohage ko te mafoa ʼo te ʼaho,
Pea mo ʼau gaue faitotonu ohage ko te sisiga ʼo te laʼa ʼi te hoʼata.
ד [Taleta]
ʼAua naʼa ke ita ki te tagata
ʼAe ʼe ina fakahoko ʼana fakatuʼutuʼu kovi.+
ה [He]
9 He ʼe pulihi anai te hahaʼi agakovi,+
Kae ko natou ʼae ʼe falala kia Sehova ʼe natou maʼu anai te kele.+
ו [Vave]
10 ʼE kei toe pe he kiʼi temi, pea ʼe mole toe maʼu anai te kau agakovi.+
ʼE ke sio anai ki tonatou nofoʼaga,
Kua natou pupuli.+
11 Kae ʼe maʼu anai e te kau agavaivai te kele,+
Pea ʼe natou fiafia anai ʼi te lahi ʼo te tokalelei.+
ז [Saini]
12 ʼE fai anai e te tagata agakovi he ʼu fakatuʼutuʼu kaka ki te tagata faitotonu,+
Pea ʼe gugu nifo ʼuhi ko ia.
13 Kae ʼe kataʼi anai ia ia e Sehova,
He ʼe Ina iloʼi ʼe hoko mai anai tona ʼaho.+
ח [Heti]
14 ʼE tohoʼi e te kau agakovi ʼanatou heleta pea mo teuteuʼi ʼanatou nahau
Ke natou matehi ia natou ʼae ʼe gaohi koviʼi pea mo te kau masisiva,
Pea mo tamateʼi ia natou ʼae ʼe natou fai te meʼa ʼae ʼe lelei.
15 Kae ʼe hukiʼi pe anai ʼonatou mafu ʼaki ʼanatou heleta.+
ʼE fasifasiʼi anai ʼanatou nahau.
ט [Teta]
16 ʼE lelei age ke siʼisiʼi he meʼa ʼe maʼu e te tagata faitotonu
ʼI he maʼu koloa ʼa ni hahaʼi agakovi kaugamalie.+
17 He ʼe fasifasiʼi anai te ʼu nima ʼo te kau agakovi,
Kae ʼe lagolago anai ia Sehova ki te kau faitotonu.
י [Iota]
18 ʼE iloʼi e Sehova te ʼu fihifihia ʼo te kau agatonu,
Pea ʼe heʼe gata anai tonatou tofiʼa.+
19 ʼE mole natou ufiufi anai ʼi te temi ʼo te malaʼia.
ʼI te temi ʼo te hoge, ʼe natou mahu anai ʼi te meʼa kai.
כ [Kafa]
20 Kae ʼe matematehi anai te kau agakovi.+
ʼE pulihi anai te ʼu fili ʼo Sehova ohage ko te puli ʼo te matalelei ʼo te ʼu koga meʼa lunaʼia.
ʼE natou pupuli anai ohage ko te kohu.
ל [Lameta]
21 ʼE toʼo maʼua te tagata agakovi pea ʼe mole ina huʼi,
Kae ʼe lotofoaki te tagata faitotonu pea mo manavaʼofa.+
22 ʼE maʼu anai te kele e te hahaʼi ʼae ʼe tapuakiʼi e te ʼAtua,
Kae ʼe pulihi anai ia natou ʼae ʼe Ina fakamalaʼia.+
מ [Mema]
נ [Nuna]
25 Neʼe au tupulaga kae ʼi te temi nei kua au matuʼa,
Kae neʼe heʼeki au sio kua liʼakina te tagata faitotonu,+
26 ʼE fia lotofoaki tuʼumaʼu,+
Pea ʼe feala ke fakaʼamu ʼana fanau ke tapuakiʼi natou.
ס [Sameke]
27 Fakamamaʼo mai te meʼa ʼae ʼe kovi pea ke fai te meʼa ʼae ʼe lelei,+
Pea ʼe ke maʼuli anai ʼo talu ai.
28 He ʼe ʼofa ia Sehova ki te faitotonu,
Pea ʼe mole ina liʼaki anai tana kau agatonu.+
ע [Aini]
פ [Pe]
צ [Sati]
32 ʼE lamalama e te tagata agakovi te tagata faitotonu,
ʼE ina kumi ke ina matehi.
33 Kae ʼe mole tuku anai e Sehova ia ia* ki ʼona nima,+
ʼE mole tukugakoviʼi anai ia ia moka fakamauʼi.+
ק [Kofi]
34 Falala kia Sehova pea mo muliʼi tona ala,
Pea ʼe ʼofa anai kia koe ʼo foaki atu te kele.
Ka pulihi anai te kau agakovi,+ ʼe ke sio anai ki ai.+
ר [Lesa]
35 Neʼe au sio ki te tagata agakovi mo lotofefeka,
ʼE mafola ohage ko he fuʼu ʼakau failaulau ʼi he kele ʼe maʼuli lelei.+
ש [Sini]
37 Tokagaʼi te tagata agatonu,
Pea mo sio tuʼumaʼu ki te tagata faitotonu:+
ʼE tokalelei anai te ka haʼu ʼo te faʼahiga tagata ʼaia.+
38 Kae ʼe pulihi anai te kau talagataʼa fuli.
ʼE mole he ka haʼu ʼo te kau agakovi.+
ת [Tau]
40 ʼE tokoni anai ia Sehova mo haofaki natou.+
ʼE ina puipui anai natou mai te kau agakovi mo taupau ʼonatou maʼuli,
He ʼe natou fenonoʼi ia te ia.+