TE ʼU PESALEMO

1 Manuʼia te tagata ʼae ʼe mole mulimuli ki te tokoni ʼa te kau agakovi,

ʼAe ʼe mole tuʼu ʼi te ala ʼo te kau agahala,+

Pea ʼe mole heka ʼi te hekaʼaga ʼo te kau vava.+

 2 Kae ʼe fiafia ia ʼi te lao ʼa Sehova,+

Pea ʼe ina lau leʼo veliveli* Tana lao ʼi te ʼaho mo te po.+

 3 ʼE hage anai ko he fuʼu ʼakau ʼe to ovi ki he ʼu tafega vai,

Ko he fuʼu ʼakau ʼe fua moka hoko te taʼukai,

Pea ʼe mole fefe ʼona lau.

 4 ʼE mole feia te kau agakovi,

ʼE natou hage ko te kiliʼi fulumeto ʼae ʼe viligia ʼi te matagi.

 5 Koia ʼe mole tutuʼu anai te kau agakovi moka fakamauʼi natou,+

Pea ʼe mole tutuʼu anai te kau agahala ʼi te lotolotoiga ʼo te kau faitotonu.+

 6 ʼE iloʼi e Sehova te ala ʼo te kau faitotonu,+

Kae ko te ala ʼo te kau agakovi ʼe pulihi anai ia.+

2 He koʼe ʼe gatutu te ʼu puleʼaga,

Pea mo muhumuhu* te hahaʼi ki he meʼa noa?+

 2 ʼE malaga ake te ʼu hau ʼo te kele

Pea ʼe fakatahitahi* te hahaʼi maʼu tuʼulaga+

Ke natou fakafeagai kia Sehova pea mo tana fakanofo.*+

 3 ʼE natou ui: “Tou motuhi te ʼu seini,

Pea ke tou veteki ʼonā maea!”

 4 ʼE kata anai ia Ia ʼae ʼe ʼafio ʼi te lagi,

ʼE vaʼi anai natou e Sehova.

 5 ʼI te temi ʼaia, ʼe palalau anai kia natou ʼi tona hauhau,

Pea ʼe natou matataku anai ʼuhi ko te kovi ʼo tona hauhau,

 6 ʼI tana ui ʼae: “Kua au fakanofo toku hau+

ʼI Sione,+ toku moʼuga taputapu.”

 7 ʼE au fakaha anai te lao ʼa Sehova.

Neʼe ina ui mai: “Ko koe toku ʼalo,+

Pea kua au liliu ʼi te ʼaho nei ko tau tamai.+

 8 Kapau ʼe ke kole mai, ʼe au foaki atu anai te ʼu puleʼaga ko hou tofiʼa,

Pea ʼe ke maʼu anai te ʼu potu taupotu ʼo te kele.+

 9 ʼE ke maumauʼi anai natou ʼaki he tokotoko ukamea,+

ʼEi, ʼe ke maumauʼi anai natou ohage ko he ipu kele.”+

10 Koia ʼi te temi nei, ʼu hau, ke kotou fakasiosio poto.

Pea ke kotou tali te fakatonutonu,* ʼu tuʼi fakamau ʼo te kele!

11 Kotou tauhi mo manavasiʼi kia Sehova,

Kotou fakafiafia mo tekelili ʼi ʼona muʼa.

12 Kotou fakaʼapaʼapa* ki te ʼalo,+ naʼa ita te ʼAtua*

Pea mo kotou mamate ai,*+

Koteʼuhi ʼe ita vave.

 3 Kae ko koe Sehova ko he meʼa tali tau ʼi ʼoku tafaʼaki,+

Mo toku kololia,+ ko koe ʼae ʼe ke lagaʼi ake toku ʼulu.+

 4 ʼE au pauʼi leʼo lahi anai kia Sehova,

Pea ʼe ina tali mai anai mai tona moʼuga taputapu.+ (Sela)

 5 ʼE au takoto anai pea ʼe au moe anai.

ʼE au ʼala ake anai ʼi te fimalie,

He ʼe lagolago mai pe ia Sehova kia au.+

 6 ʼE mole au mataku ki te toko lauʼi hogofulu afe hahaʼi

ʼAe ʼe fakafeagai mai kia au mai te ʼu potu kehekehe.+

ʼE ke hoka anai ʼoku fili fuli ʼi ʼonatou kaugao.

ʼE ke fasifasiʼi anai te ʼu nifo ʼo te kau agakovi.+

 3 Ke kotou iloʼi ʼe makehe anai te aga ʼa Sehova ki tana tagata agatonu.*

ʼE logo anai ia Sehova moka au pauʼi.

 5 Kotou momoli te ʼu sakilifisio ʼo te faitotonu,

Pea mo tuku takotou falala kia Sehova.+

 7 Neʼe ke tuku ki toku loto he fiafia ʼe lahi age

ʼI te fiafia ʼo natou ʼae ʼe natou tanaki te fulumeto mo natou ʼae ʼe lahi tanatou vino foʼou.

 8 ʼE au takoto anai ʼo moe ʼi te fimalie,+

Koteʼuhi ko koe tokotahi pe Sehova, ʼae ʼe ke fakanofo au ʼi te tokalelei.+

5 Sehova e, fakalogo mai ki ʼaku palalau.+

Tokagaʼi ʼaku lauga.

 2 Tokagaʼi taku kole tokoni,

Siʼoku Hau, siʼoku ʼAtua, he ʼe ko koe ʼae ʼe au faikole ki ai.

 3 Sehova e, ʼe ke logo anai ki toku leʼo ʼi te uhu.+

ʼI te uhu, ʼe au fakaha atu anai taku hoha+ pea ʼe au nofo anai ʼo talitali.

 4 ʼE mole ko koe ko he ʼAtua ʼe ina leleiʼia te agakovi.+

ʼE mole feala ke nofo he tahi ʼe agakovi mo koe.+

ʼE ke fehiʼa kia natou fuli ʼae ʼe natou fai te ʼu meʼa ʼae ʼe kovi.+

 6 ʼE ke matehi anai ia natou ʼae ʼe natou tala ni loi.+

 7 Kae ʼe au ulu anai ki tou fale,+ ʼuhi ko te lahi ʼo tou ʼofa agatonu.+

ʼE au tulolo anai ʼo haga ki tou fale lotu* taputapu, ʼuhi ko te lahi ʼo taku manavasiʼi kia te koe.+

 8 Sehova e, takitaki au ʼi tau faitotonu, ʼuhi ko ʼoku fili.

Fakamaʼa tou ala ʼo toʼo ia meʼa fuli ʼe fakatupu tukia kia au.+

 9 ʼE mole moʼoni ʼanatou palalau,

ʼE natou agakaka pe,

Ko ʼonatou gutu ʼe hage ko he ʼu fale maka ʼe tuku ava,

ʼE natou palalau fakaoloolo.+

10 Kae ʼe tala anai e te ʼAtua ʼe natou lakahala.

ʼE natou fetoki pe anai ʼuhi ko ʼanatou fakatuʼutuʼu kaka.+

Ke kapu natou ʼuhi ko te lahi ʼo ʼanatou talagataʼa,

Koteʼuhi neʼe natou agatuʼu kia te koe.

11 Kae ʼe fiafia anai ia natou fuli ʼae ʼe fenonoʼi ia te koe,+

ʼE natou kalaga fakafiafia tuʼumaʼu anai.

ʼE mole ke fakagafua anai ke fakaovi he tahi kia natou,

Ko koe ko he matapuna ʼo te fiafia kia natou ʼae ʼe ʼoʼofa ki tou huafa.

12 Sehova e, ʼe ke tapuakiʼi anai te kau faitotonu.

ʼE hage anai tou ʼofa kia natou ko honatou meʼa tali tau lahi.+

6 Sehova e, ʼaua naʼa ke fakatonutonuʼi au ʼuhi ko tou ita,

Pea ʼaua naʼa ke akonakiʼi au ʼuhi ko tou hauhau.+

 3 ʼEi, ʼe au manavahe ʼaupito,+

Sehova e, ʼe au fehuʼi atu: ʼe hoko atu anai ʼo kaku ki ʼafea?+

 4 Sehova e, toe liliu mai ʼo haofaki au.+

Haofaki au ʼuhi ko tou ʼofa agatonu.+

 5 ʼI te mate ʼe mole fai he palalau ʼo ʼuhiga mo* koe.

Ko ai ʼae ka ina vikiʼi koe ʼi te Faitoka?*+

 6 Kua au gaʼegaʼe ʼi te lauga.+

Kua palapala toku moeʼaga ʼi te tagi po katoa,

ʼEi, ʼe palapala toku moeʼaga ʼi taku tagi.+

 7 Kua vaivai ʼoku mata ʼuhi ko toku lotomamahi.+

ʼE nenefu taku sio ʼuhi ko natou fuli ʼae ʼe natou gaohi koviʼi au.

 8 Kotou fakamamaʼo ia au, ia koutou fuli ʼae ʼe kotou fai te meʼa ʼe kovi,

He ʼe logo anai ia Sehova ki taku tagi.+

 9 ʼE logo anai ia Sehova ki taku kole tona ʼofa.+

Pea ʼe tali anai e Sehova taku faikole.

10 ʼE fakalainoaʼi anai ʼoku fili fuli mo lotomamahi,

ʼE natou holomuli fakafokifa anai he ʼe kua natou ufiufi.+

 2 Kapau ʼe mole ʼi ai he tahi ke ina haofaki au,

ʼE natou hae mo ʼave anai au ohage ko tona fai e he laione.+

 3 Sehova e, siʼoku ʼAtua, kapau neʼe au fai he hala,

Mo fai he aga ʼe heʼe faitotonu,

 4 Kapau neʼe au fai he meʼa ʼe kovi kia ia ʼae neʼe ina fai mai he meʼa ʼe lelei,+

Pe neʼe au kaihaʼa toku fili kae neʼe mole ʼi ai hona tupuʼaga,*

 5 Ke tuli au e hoku fili pea ke ina maʼu au,

Ke ina liʼaki au ki te kele pea mo malamalaki au,

Pea ke ina pulihi toku kololia ʼi te efu. (Sela)

 6 Sehova e, tuʼu ake ʼuhi ko tou hauhau,

ʼO fakafeagai ki ʼoku fili ʼae ʼe iita kia au,+

Ke ke ʼala ake ʼuhi ko au pea mo fakatotonu ke fakahoko te faitotonu.+

 7 Ke ʼa takai koe e te ʼu puleʼaga,

Pea ʼe ke fakafeagai anai kia natou mai ʼoluga.

Sehova e, fakamauʼi au ʼo mulimuli pe ki taku faitotonu

Pea mo taku agatonu.+

Kae fakatuʼu maʼu te kau faitotonu,+

He ʼe ko koe ko te ʼAtua ʼe faitotonu,+ ʼe ke sivi te ʼu loto+ mo te ʼu manatu loloto.+

11 Ko te ʼAtua ʼe ko he Tuʼi Fakamau faitotonu,+

Pea ʼe fakaha e te ʼAtua ʼana fakamau ʼi te ʼaho fuli.

12 Kapau ʼe mole fakahemala he tahi,+ ʼe fakamasila e te ʼAtua tana heleta,+

ʼE ina teuteuʼi tana nahau ʼo fanahi.+

13 ʼE ina teuteuʼi ʼana mahafu fakatupu mate,

Mo fakaulo te meʼa masila ʼo ʼana kauʼi nahau.+

14 Kotou sioʼi ia ia ʼae ʼe agakovi,

ʼE ina fakahoko te malaʼia pea mo fakatupu te kaka.+

15 ʼE ina keli he luo ʼo loloto ʼosi,

Kae ʼe to pe ia ki te luo ʼae neʼe ina keli.+

16 ʼE to pe anai kia ia te malaʼia ʼae neʼe ina fakahoko,+

ʼE ina kai pe anai ia tana agakovi.

17 ʼE au vikiʼi anai ia Sehova ʼuhi ko tana faitotonu,+

ʼE au hiva anai ni fakavikiviki* ki te huafa ʼo Sehova+ te Maʼoluga.+

8 Sehova e, siʼomatou ʼAliki, ʼi taulekaleka leva ʼo tou huafa ʼi te kele katoa!

ʼE toe maʼoluga age tou taulekaleka ʼi te ʼatu lagi!*+

 2 ʼUhi ko ʼou fili,

Neʼe ke fakaha tou malohi ʼaki te ʼu palalau ʼa te ʼu tamaliki pea mo te ʼu toe ʼae ʼe kei meamea,+

ʼO fakalogologo ai te fili pea mo ia ʼae ʼe lagavaka.

 3 Ka au sio ki te ʼatu lagi, te ʼu gaue ʼo ʼou nima,

Te mahina mo te ʼu fetuʼu ʼae neʼe ke teuteuʼi,+

 4 ʼE au ui ai: “Kotea te ʼuhiga ʼo te tagata ke tupu ai hau manatuʼi ia ia,

Mo te foha ʼo te tagata ke tupu ai hau tokaga ki ai?”+

 5 Neʼe ke tuku ia ia ke malalo ifo ʼi te kau ʼaselo,

Neʼe ke fakapale ia ia ʼaki te kololia mo te taulekaleka.

 6 Neʼe ke fakanofo ia ia ke pule ki te ʼu gaue ʼo ʼou nima.+

Neʼe ke tuku ia meʼa fuli ki ʼona lalo vaʼe:

 7 Te faga ovi mo te faga pipi fuli,

ʼO feia mo te ʼu manu ʼo te vao,+

 8 Mo te ʼu manulele, mo te ʼu ika ʼo te tai,

Pea mo meʼa fuli ʼae ʼe taka ʼi te ʼu ala ʼo te tai.

9 Sehova e, ʼe au fia vikiʼi koe ʼaki toku loto katoa,

ʼE au fia fakamatala ʼau gaue fakaofoofo fuli.+

 2 ʼAtua Maʼoluga e, ʼe au fia fakafiafia ʼo ʼuhiga mo koe,

ʼE au fia hiva ni fakavikiviki* ki tou huafa!+

 3 Ka holomuli anai ʼoku fili,+

ʼE natou tukia anai mo mamate ʼi ʼou muʼa.

 4 ʼE ke haofaki au mo fakahoko te faitotonu,

ʼE ke ʼafio ʼi tou hekaʼaga fakahau mo fakamau ʼi te faitotonu.+

 5 Neʼe ke fakatonutonuʼi te ʼu puleʼaga+ mo matehi te kau agakovi,

Neʼe ke molehi ʼonatou higoa ʼo talu ai.

 6 Kua pulinoa ʼosi te ʼu fili,

Neʼe ke taʼaki ʼonatou kolo,

Pea ʼe mole toe manatuʼi anai ia natou.+

 7 Kae ʼe ʼafio ia Sehova ʼo talu ai,+

ʼE tuʼu maʼu tona ʼafioʼaga moʼo fakahoko te faitotonu.+

 8 ʼE ina fakamauʼi anai te kele katoa ʼaki te faitotonu,+

ʼE ina fakahoko anai ni fakamau ʼe faitotonu ʼo ʼuhiga mo te ʼu puleʼaga.+

 9 ʼE ko he nonoʼaga moʼoni anai ia Sehova kia ia ʼae ʼe gaohi koviʼi,+

He nonoʼaga moʼoni ʼi te temi ʼo te mamahi.+

10 ʼE falala anai kia te koe ia natou ʼae ʼe natou iloʼi tou huafa,+

Sehova e, ʼe mole ke liʼaki anai ʼi he temi ia natou ʼae ʼe natou kumi ia koe!+

11 Kotou hiva ni fakavikiviki kia Sehova, ʼae ʼe ʼafio ʼi Sione,

Kotou fakaha ʼana gaue ki te hahaʼi.+

12 ʼE ina manatuʼi anai ia natou ʼae neʼe gaohi koviʼi pea ʼe lagavaka anai ʼo ʼuhiga mo tonatou toto,+

ʼE mole ina galoʼi anai ʼanatou kalaga.+

13 Sehova e, fakaha mai tou ʼofa, sio ki te mamahi ʼae ʼe fakahoko e natou ʼae ʼe fehihiʼa mai kia au,

Ia koe ʼae ʼe ke fakahake ake au mai te ʼu matapa ʼo te mate.+

14 Pea ʼe au kalagaʼi anai ʼau gaue ʼae ʼe tuha mo ni fakavikiviki,

ʼI te ʼu matapa ʼo te taʼahine ʼo Sione,+

15 Neʼe fetoki te ʼu puleʼaga ʼi te luo ʼae neʼe natou keli,

Neʼe ʼefihia ʼonatou vaʼe ʼi te kupega ʼae neʼe natou fufu.+

17 ʼE holomuli anai te kau agakovi ʼo kaku ki te Faitoka,*

Ko te potu ʼaia ʼe olo anai ki ai te ʼu puleʼaga fuli ʼae ʼe natou galoʼi te ʼAtua.

18 Kae ʼe mole galoʼi anai te kau masisiva ʼo talu ai,+

Pea ʼe mole pulihi anai ʼo talu ai te ʼamanaki ʼa te kau agavaivai.+

20 Sehova e, fakamatakuʼi ia natou,+

Ke iloʼi e te ʼu puleʼaga ʼaia ko natou pe ko ni tagata. (Sela)

 2 ʼE tuli e te tagata agakovi mo fiameʼalahi ia ia ʼae ʼe gaohi koviʼi,+

Kae ʼe fua kovi pe anai kia ia ʼana fakatuʼutuʼu kaka.+

 3 ʼE fiameʼameʼa te agakovi ʼuhi ko ʼona holi,+

Pea ʼe ina vikiʼi ia ia ʼae ʼe manumanū.*

נ [Nuna]

ʼE mole fakaʼapaʼapa kia Sehova.

 4 ʼI tona fiameʼalahi, ʼe mole kumi e te agakovi te ʼAtua,

ʼE manatu pe ia ʼe mole he ʼAtua.+

 5 ʼE lava lelei ia meʼa fuli ʼae ʼe ina fakahoko,+

Kae ʼe mole mahino ia ki ʼau fakamau,+

ʼE ina meʼa noaʼi ʼona fili fuli.

 6 ʼE ina ui ʼi tona loto: “ ʼE mole au tukia anai ʼi he temi.

ʼE mole hoko anai he malaʼia kia au,

Mai he taʼiake ki he tahi taʼiake.”+

 7 ʼE fonu tona gutu ko te faitutuku, mo te loi, pea mo te fakamataku.+

ʼI tona ʼalelo, ʼe ko te malaʼia mo te meʼa ʼae ʼe fakatupu mamahi.+

 8 ʼE nono ʼo ovi ki te ʼu kiʼi kolo, ʼo talitali ke ina ʼohofi he tahi.

ʼI tona nonoʼaga, ʼe ina faigaʼi ke ina matehi ia ia ʼae neʼe mole ina fai he meʼa ʼe kovi.+

10 Kua laliki ia ia pea ʼe liʼaki ki te kele.

ʼE ina puke te kau fakaʼofaʼofa ʼi ʼona pasikuku.

ʼE haga atu kia te koe ia ia ʼae ʼe fakaʼofaʼofa.+

Ko koe ʼae ʼe tokoni kia ia ʼae ʼe hala mo tamai.+

15 Fasiʼi te nima ʼo te tagata agakovi.+

Koia ka ke kumi la tana agakovi,

ʼE kua puli ia.

18 ʼE ke fakahoko anai te faitotonu ki te ʼu fanau hala mo tamai mo natou ʼae ʼe mafasia,+

Ke mole toe fakamatakuʼi ia natou e te tagata.+

 2 Koʼeni ʼe teuteuʼi e te kau agakovi ʼanatou nahau.

ʼE natou ʼai ʼanatou kauʼi nahau ki te kauʼi filo,

Ke natou fana mai te fakapoʼuli ia natou ʼae ʼe faitotonu ʼonatou loto.

 3 Kotea ʼae ʼe feala ke fai e te kau faitotonu,

Moka maumauʼi te ʼu fakatafito ʼo te faitotonu?”*

 5 ʼE sivi e Sehova te tagata faitotonu mo te tagata agakovi.+

ʼE fehiʼa ki he tahi pe ʼe ina leleiʼia te agamalohi.+

 6 ʼE ina fakatuʼu anai ni hele ki te kau agakovi.

Ko tonatou vahe ko te afi, mo te sulifa+ pea mo te matagi vela.

12 Sehova e, haofaki au, he ʼe mole kei ʼi ai he tagata agatonu.

Kua pupuli te kau agatonu ʼi te lotolotoiga ʼo te hahaʼi.

 2 ʼE feloiʼaki te hahaʼi.

ʼE natou palalau fakaoloolo pea ʼe kaka ʼonatou loto.+

 3 ʼE pulihi anai e Sehova ia natou fuli ʼae ʼe gutukaka,

Mo palalau fiameʼameʼa,+

 4 Ia natou ʼae ʼe natou ui: “ ʼE matou malo anai ʼuhi ko ʼomatou gutu.

ʼE matou palalau faʼifaʼitaliha.

Ko ai anai tomatou pule?”+

 5 ʼE ui e Sehova: “ ʼE au tuʼu ake anai,

He ʼe gaohi koviʼi te kau fakaʼofaʼofa,

He ʼe lauga te kau masisiva.+

 6 Ko te ʼu folafola ʼa Sehova ʼe maʼa.+

ʼE hage ia ko he siliva maʼa, neʼe fakamaʼa tuʼa fitu ʼi he gutuʼumu kele.*

 7 Sehova e, ʼe ke tokaga anai kia natou.+

ʼE ke puipui anai ia natou fuli mai te taʼiake ʼaia ʼo talu ai.

 8 ʼE taka faʼifaʼitaliha te kau agakovi,

He ʼe faigaʼi e te ʼu foha ʼo te tagata ke mafola te aga fakalialia.+

 2 ʼE kaku anai ki ʼafea taku lotohoha,

Mo toku lotomamahi ʼi te ʼaho fuli?

Fakamalamaʼi ʼoku mata ke mole au moe ʼi te mate,

 4 Ke mole ui e toku fili: “Neʼe au malo ia ia!”

 5 Kae kia au ʼe au falala ki tou ʼofa agatonu.+

ʼE fiafia anai toku loto ʼi tau haofaki.+

ʼE kaka ʼanatou gaue pea ʼe fakalialia ʼanatou aga.

ʼE mole he tahi ʼe ina fai te meʼa ʼae ʼe lelei.+

 2 ʼE sioʼi e Sehova te ʼu foha ʼo te tagata mai te lagi,

ʼO vakaʼi pe ʼe ʼi ai he tahi ʼe fakasiosio poto, mo ina kumi ia Sehova.+

 3 Neʼe natou mavae fuli mai te ala ʼae ʼe totonu.+

ʼE natou agakaka fuli.

ʼE mole he tahi ʼe ina fai te meʼa ʼae ʼe lelei,

ʼE mole pe la he foʼi tokotahi.

 5 Kae ʼe natou matataku ʼaupito anai,+

He ʼe nofo ia Sehova mo te taʼiake ʼo te kau faitotonu.

 6 Kau agakovi, ʼe kotou faigaʼi ke to noa te ʼu fakatuʼutuʼu ʼo ia ʼae ʼe veliveli,

Kae ko tona nonoʼaga ko Sehova.+

Ke fakafiafia ia Sakopo, ke fiafia ia Iselaele,

Moka toe fakaliliu mai e Sehova tana hahaʼi mai te maʼuli popula!

 2 Ko ia ʼae ʼe agatonu,+

ʼAe ʼe faitotonu,+

Mo fakaha te moʼoni ʼi tona loto.+

 3 ʼE mole ina fai ni fasituʼu,+

ʼE mole ina fai he meʼa ʼe kovi ki tona tatau,+

Mo laukovi ki* ʼona kaumeʼa.+

 4 ʼE lituʼa kia ia ʼae ʼe aga fakalialia,+

Kae ʼe fakaʼapaʼapa kia natou ʼae ʼe manavasiʼi kia Sehova.

 5 ʼE mole ina kumi he tupu ʼo tana falā,+

Pea ʼe mole ina tali he meʼa ʼofa moʼo tukugakoviʼi ʼo ia ʼae neʼe mole ina fai he meʼa ʼe kovi.+

 3 ʼE au maʼu he fiafia lahi ia natou ʼae ʼe tuha ke fakaʼapaʼapaʼi,

Te kau maʼoniʼoni ʼo te kele.”+

ʼE mole au liligi anai ʼi he temi ʼonatou molaga toto,

Pea ʼe mole puʼaki anai e toku gutu ʼonatou higoa.+

ʼE mahu te fiafia ʼi ʼou tafa.+

Ko ia ʼae ʼe nofo ʼi tou toʼomataʼu, ʼe manuʼia ʼo talu ai.

17 Sehova e, fagono mai ki taku tagi ʼo ʼuhiga mo te faitotonu.

Tokagaʼi taku kole tokoni.

Fagono ki taku faikole fakamalotoloto.+

 2 Fakahoko he fakamau faitotonu ʼo ʼuhiga mo au.+

ʼOfa pe ke sio ʼou mata ki te faitotonu.

 3 ʼE ke sivisivi toku loto, ʼe ke vakavakaʼi au ʼi te poʼuli,+

ʼE ke fakamaʼa toku loto.+

Neʼe ke iloʼi ai neʼe mole au fakatuʼutuʼu ke au fai he meʼa ʼe kovi,

Pea ʼe mole au lakahala anai ʼi ʼaku palalau.

 4 ʼE mole au hage ko ʼihi,

ʼE mole au haʼele ʼi te ʼu ala ʼo te tagata agakovi, ʼo mulimuli pe ki ʼau folafola.+

 5 ʼOfa pe ke au haʼele tuʼumaʼu ʼi ʼou ala,

Ke mole tukia ʼoku vaʼe.+

 7 Fakaha mai tou ʼofa agatonu ʼi hona aluʼaga fakaofoofo,+

Ia koe ʼae ʼe ke haofaki natou ʼae ʼe kumi nonoʼaga ʼi tou toʼomataʼu

Mai ia natou ʼae ʼe agatuʼu kia te koe.

 8 Puipui au ohage ko ʼou kanoʼi mata,+

Fakamalumaluʼi au ʼi ʼou lalo pakakau.+

 9 Haofaki au mai te kau agakovi ʼae ʼe natou tauʼi au,

Mai te ʼu fili ʼae ʼe natou ʼa takai au ke natou matehi au.+

10 Kua natou liliu ʼo lotofefeka,

ʼE natou palalau fiameʼameʼa.

11 ʼI te temi nei, kua natou ʼa takai matou,+

ʼE natou lamalama he faigamalie ke natou fakatukiaʼi matou.

12 ʼE hage te fili ko he laione kua tokalelei ke ina kai he manu,

Ko he laione mui ʼe nono ke ina ʼohofi he manu.

13 Sehova e, tuʼu ake ʼo tauʼi ia ia+ pea ke ke malo ia ia.

Haofaki au mai te agakovi ʼaki tau heleta.

14 Sehova e, ʼaki tou nima, haofaki au

Mai te ʼu tagata ʼo te malama ʼaeni, ʼae ʼe natou maʼu tonatou vahe ʼi te maʼuli ʼaeni,+

Ia natou ʼae ʼe makokona ʼi te ʼu meʼa lelei ʼae ʼe ke foaki age,+

Pea ʼe natou tuku he tofiʼa ki ʼonatou foha kaugamalie.

15 Kae ko au ʼe au sio anai ki tou fofoga ʼi te faitotonu.

ʼE au fiafia ʼaupito ʼi taku ʼala ake ʼi ʼou tafa.+

Ko toku ʼAtua ʼe ko toku ʼutu,+ pea ʼe au hola ki ai,

Ko taku meʼa tali tau pea mo toku fakamaʼuli malohi,* mo toku nonoʼaga.*+

 3 ʼE au pauʼi kia Sehova, ʼae ʼe tuha mo te fakavikiviki,

Pea ʼe ina haofaki anai au mai ʼoku fili.+

 4 Neʼe haʼihaʼi au e te ʼu maea ʼo te mate.+

Neʼe fakamatakuʼi au e ni tagata ʼe mole honatou ʼuhiga, ʼe natou hage ko he vai tafe ʼe tafe malohi.+

 5 Neʼe haʼihaʼi au e te ʼu maea ʼo te Faitoka.*

Neʼe tuku e te mate he hele ʼi ʼoku muʼa.+

 6 ʼI toku mamahi, neʼe au pauʼi kia Sehova,

Neʼe au tagi tuʼumaʼu ki toku ʼAtua.

Neʼe logo ki toku leʼo mai tona fale lotu,+

Pea mo taku kalaga ʼae ke tokoni mai.+

 7 Pea neʼe kamata galulu te kele.+

Neʼe gaugaue te ʼu fakatafito ʼo te ʼu moʼuga

Mo galulu ʼuhi ko tona hauhau.+

 8 Neʼe haʼu mai ʼona poga ihu he kohu,

Pea neʼe haʼu mai tona gutu he afi kakaha.+

Neʼe mapuna mai ia ia he ʼu mamala kua ulo.

 9 Neʼe mapelu te lagi ʼi tana hifo mai,+

Pea neʼe fakapoʼuli gaogao ʼi ʼona lalo vaʼe.+

11 Neʼe ʼaofi leva ia ia e te fakapoʼuli+

Ohage ko he fale la,

Neʼe toe ʼaofi ia ia e ni vai kua ʼepu pea mo ni ʼao matolu.+

12 Neʼe mafisi mai te malama ʼae ʼi ʼona muʼa

Ni mamala kakaha pea neʼe to he ʼuamaka.

13 Neʼe fakaʼuʼulu leva e Sehova te mana mai te lagi.+

Neʼe kalaga te Maʼoluga ke logo tona leʼo,+

Neʼe ina fakato he ʼuamaka mo ni mamala kakaha.

14 Neʼe ina fana ʼana kauʼi nahau pea neʼe mavete ai ʼoku fili.+

Neʼe ina fakamaveuveu natou ʼaki te tapa ʼo te hila.+

15 Neʼe ha te takele ʼo te ʼu vai tafe,*+

Pea neʼe ha te ʼu fakatafito ʼo te fenua,

ʼUhi ko te fakatonutonu ʼa Sehova,

16 Neʼe ina faoʼi tona nima mai ʼoluga,

Pea neʼe ina puke au ʼo tohoʼi ake mai te ʼu vai loloto.+

17 Neʼe ina haofaki au mai toku fili malohi,+

Mai ia natou ʼae ʼe fehihiʼa mo malolohi age ia au.+

18 Neʼe natou fakafeagai mai kia au ʼi toku temi mamahi,+

Kae neʼe tokoni mai ia Sehova.

19 Neʼe ina ʼave au ki he koga meʼa ʼe au fimalie ai.*

Neʼe ina haofaki au he neʼe ʼofa ia au.+

20 ʼE fakapale au e Sehova ʼo mulimuli ki taku faitotonu.+

ʼE ina fakapale au he neʼe mole ina maʼu he hala ʼi* ʼoku nima.+

21 Koteʼuhi neʼe au fakalogo tuʼumaʼu pe kia Sehova,

Pea neʼe mole au agahala ʼo liʼaki toku ʼAtua.

22 ʼE au manatuʼi tuʼumaʼu ʼana faifakamau.

ʼE mole au meʼa noaʼi anai ʼana fakatotonu.

23 ʼE au nofo agatonu anai ʼi ʼona muʼa,+

Pea ʼe au fakamamaʼo anai mai te hala.+

24 ʼOfa pe ke fakapale au e Sehova ʼo mulimuli ki taku faitotonu,+

He neʼe mole ina maʼu he hala ʼi ʼoku nima.+

25 ʼE ke agatonu ki ʼae ʼe agatonu.+

ʼE mole ke fai he meʼa ʼe kovi ki ʼae ʼe mole ina fai he meʼa ʼe kovi.+

26 ʼE ke aga fakahagatonu ki ʼae ʼe aga fakahagatonu,+

Kae ʼe mole feala ke kakaʼi koe e ia ʼae ʼe agakaka.+

27 Koteʼuhi ʼe ke haofaki ia natou ʼae ʼe malalo,*+

Kae ʼe ke fakamalaloʼi ia natou ʼae ʼe fiameʼalahi.+

28 Sehova e, ko koe ʼae ʼe ke fakamu toku malama,

Ko toku ʼAtua ʼae ʼe ina fakamalamaʼi au ʼi te fakapoʼuli.+

29 ʼAki tau tokoni, ʼe feala ai ke au tauʼi ni kau kaihaʼa,+

Pea ʼaki te malohi ʼo te ʼAtua ʼe feala ai ke au kake ʼi he foʼi kaupa.+

30 ʼE haohaoa te ʼu gaue ʼa te ʼAtua moʼoni.+

ʼE maʼa* te folafola ʼa Sehova.+

32 Ko te ʼAtua moʼoni ʼae ʼe ina fakamalohiʼi au,+

Pea ʼe ina fakaliliu anai toku ala ʼo haohaoa.+

33 ʼE ina fakaliliu ʼoku vaʼe ke hage ko te ʼu vaʼe ʼo he tia fafine.

ʼE ina fakatuʼu au ʼi ni faʼahi maʼoluga.+

34 ʼE ina akoʼi ʼoku nima ki te tau,

ʼE au poto ʼi te fakaʼaogaʼi ʼo te nahau kapa.

35 ʼE ke foaki mai tau meʼa tali tau moʼoku puipui,+

ʼE lagolago tou nima mataʼu kia au,

Pea ʼe fakakololiaʼi au ʼuhi ko tau agavaivai.+

36 ʼE ke fakalaulahi te ala ke au haʼele ai

Naʼa au heke.+

37 ʼE au tuli anai ʼoku fili pea ʼe au maʼu anai natou.

ʼE mole au toe liliu mai anai kae heʼeki au pulihi katoa natou.

38 Pea ʼe au molomoloki anai natou, ke mole feala hanatou toe tutuʼu ake.+

ʼE natou fetoki anai ʼi ʼoku vaʼe.

39 ʼE ke foaki mai anai te malohi ki te tau,

Pea ʼe ke fakato anai ʼoku fili ʼi ʼoku vaʼe.+

40 ʼE feholaki anai ʼoku fili ʼi ʼoku muʼa ʼuhi ko koe.

ʼE au matehi anai ia natou ʼae ʼe fehihiʼa kia au.+

41 ʼE natou kalaga ʼo kole tokoni, kae ʼe mole he tahi moʼonatou haofaki.

Pea ʼe natou pauʼi kia Sehova, kae ʼe mole ina tali age kia natou.

42 ʼE au laliki anai natou ke natou hage ko te efu ʼae ʼe viligia ʼi te matagi,

ʼE au liʼaki anai natou ohage ko te pela ʼo te ʼu ala.

44 ʼE natou fakalogo mai anai kia au ʼuhi ko te ʼu meʼa ʼae ʼe natou logoʼi.

ʼE ʼomai anai he kau matapule ʼo fakaoloolo au.+

45 ʼE mole toe lototoʼa* anai te kau matapule,

ʼE natou tekelili anai ʼi tanatou mavae mai ʼonatou kolo tau.

47 ʼE fakahoko e te ʼAtua moʼoni te lagavaka maʼaku.+

ʼE ina fakamaʼua te hahaʼi ke natou fakalogo mai kia au.

48 ʼE ina haofaki au mai ʼoku fili itaita.

ʼE ke hiki ake au ki ʼoluga mai ia natou ʼae ʼe natou ʼohofi au.+

ʼE ke haofaki au mai te tagata agamalohi.

49 Koia, Sehova e, ʼe au fakakololiaʼi anai koe ʼi te lotolotoiga ʼo te ʼu puleʼaga,+

Pea ʼe au hiva anai ni fakavikiviki* ki tou huafa.+

50 ʼE ina fakahoko ni gaue lalahi moʼo haofaki* tona hau.+

ʼE ina fakaha tona ʼofa agatonu ki tana tagata fakanofo,+

Kia Tavite mo tona hakoga ʼo talu ai.+

19 ʼE fakaha e te ʼatu lagi te kololia ʼo te ʼAtua,+

ʼE kalagaʼi e te ʼatu lagi te gaue ʼo ʼona nima.+

 2 ʼI te ʼaho fuli ʼe natou fai ni fakavikiviki,

Pea ʼi te po fuli ʼe natou fakaha te ʼatamai malama.

 3 ʼE mole ʼaki he lea, pea ʼe mole ʼaki ni palalau,

ʼE mole logo ʼonatou leʼo.

 4 Kae ʼi te kele katoa kua fakaha tanatou fakamoʼoni,*

Pea neʼe kaku tanatou logo ki te ʼu potu taupotu ʼo te kele.*+

ʼI te lagi, neʼe fakatuʼu e te ʼAtua he fale la maʼa te laʼa,

 5 ʼE hage ia ia ko he tagata ʼohoana ʼe haʼu mai tona koga fale ki tuʼa,

ʼE fakafiafia ohage ko he tagata malohi ʼe lele ʼi te ala.

 6 ʼE haʼu mai te tahi potu taupotu ʼo te ʼatu lagi,

Pea ʼe alu ki te tahi potu taupotu,+

ʼE ina fakamafana ia te potu fuli.

 8 ʼE faitotonu te ʼu lekula ʼa Sehova, ʼe ina fakafiafiaʼi te loto.+

ʼE maʼa te fakatotonu ʼa Sehova, ʼe ina fakagigila te ʼu mata.+

10 ʼE lelei age ia ʼi te aulo,

ʼI ni tuʼuga aulo neʼe fakamaʼa,+

Pea ʼe malie age ia ʼi te meli,+ te meli ʼae ʼe hali mai te ʼu nofoʼaga meli.

11 ʼE ko ni fakatokaga ʼaia ki tau tagata kaugana,+

ʼE maʼu ai he fakapale lahi ʼi tona maʼuliʼi.+

13 Fakamamaʼo au ʼae ko tau kaugana mai te ʼu aga fiameʼalahi,+

Ke mole natou puleʼi au.+

Pea ʼe au heʼe mele anai+

Mo maʼa mai te ʼu agahala mamafa.*

14 Sehova e, toku ʼUtu,+ ia koe ʼae ʼe ke totogi au,+

Ke ke fiafia ʼi ʼaku palalau mo taku metitasio!+

 2 Ke ina foaki atu he tokoni mai te koga meʼa taputapu,+

Pea ke lagolago kia koe mai Sione.+

 3 Ke ina manatuʼi ʼau molaga fuli,

Ke ina tali leleiʼi tau holokoseta.* (Sela)

 4 Ke ina fakahoko te ʼu fakaʼamu ʼo tou loto,+

Pea ke ina fakaiku leleiʼi ʼau fakatuʼutuʼu fuli.

 5 ʼE matou fia kalaga fakafiafia ʼuhi ko tau haofaki,+

ʼE matou hiki anai ʼomatou fuka ʼi te huafa ʼo tomatou ʼAtua.+

ʼE ina tali ki ai mai te ʼatu lagi taputapu

ʼO ina haofaki ia ia ʼaki te malohi ʼo tona nima mataʼu.+

 7 ʼE falala ʼihi ki te ʼu saliote pea ko ʼihi ki te ʼu hosi.+

Kae ʼe matou tagi matou kia* Sehova tomatou ʼAtua.+

 8 Neʼe natou mapelu ifo ʼo fetokaʼi.

Kae neʼe matou toe tutuʼu ake mo malolohi.+

21 Sehova e, ʼe fakafiafia te hau ʼi tou malohi!+

ʼE fakafiafia ʼi tau haofaki!+

 2 Neʼe ke fakahoko te fakaʼamu ʼo tona loto,+

Pea neʼe mole ke fakafisi ki tana kole. (Sela)

 3 ʼE ke haʼu ki ʼona muʼa mo ni tapuakina lahi.

ʼE ke hili ki tona ʼulu he pale aulo.+

 4 Neʼe ina kole atu te maʼuli pea neʼe ke foaki age+

He maʼuli loaloaga, ʼei, he maʼuli heʼe gata.

 6 ʼE ina maʼu ni tapuakina heʼe gata,+

ʼE ke fakafiafiaʼi tona loto ʼi tau nofo mo ia.+

 7 ʼE falala te hau kia Sehova,+

ʼE mole tukia anai ʼi he temi, ʼuhi ko te ʼofa agatonu ʼo te Maʼoluga.+

 8 ʼE ke puke anai ʼou fili fuli,

ʼEi, ʼe ke puke anai ia natou ʼae ʼe fehihiʼa ia koe ʼaki tou nima mataʼu.

10 ʼE ke pulihi anai ʼonatou hologa ʼi te kele,

ʼEi, ʼonatou hologa ʼi te ʼu foha ʼo te tagata.

11 Neʼe natou fakakaukauʼi te kovi kia koe,+

Neʼe natou fai ni fakatuʼutuʼu kaka, kae ʼe mole hoko anai.+

12 ʼEi, ʼe ke fakaholomuli anai natou,+

ʼI tau teuteuʼi tau nahau moʼo fana ʼo natou.

He koʼe ʼe ke nofo mamaʼo kae ʼe mole ke haofaki au,

Pea mo logo ki ʼaku tagi mamahi?+

 2 Siʼoku ʼAtua, ʼi te ʼaho katoa ʼe au tagi atu kia te koe, kae ʼe mole ke tali mai.+

ʼI te poʼuli, ʼe mole au nofo fakalogologo.

 3 Kae ʼe ke maʼoniʼoni,+

Pea ʼe vikiʼi koe e Iselaele.

 4 Neʼe falala ʼamatou tamai kia te koe,+

Neʼe natou falala, pea neʼe ke haofaki tuʼumaʼu natou.+

 5 Neʼe natou tagi kia te koe, pea neʼe ke haofaki natou.

Neʼe natou falala kia te koe, pea neʼe mole natou fakahemala.+

 6 Ko au ko he ʼunukele, kae ʼe mole ko he tagata,

ʼE manukiʼi pea mo meʼa noaʼi au e te hahaʼi.+

 7 ʼE vaʼi au e natou fuli ʼae ʼe sisio mai,+

ʼE natou kataʼi au mo kalokalo ʼonatou ʼulu:+

 9 Ko koe ʼae neʼe ke toʼo au mai te fatu ʼo taku faʼe,+

Pea neʼe ke fakafimalieʼi au ʼi te fatafata ʼo taku faʼe.

10 Talu taku tupu, neʼe tuku atu au ke ke pusiaki,

Talu mai taku nofo ʼi te fatu ʼo taku faʼe, ko koe toku ʼAtua.

11 ʼAua naʼa ke nofo mamaʼo ia au, he ʼe kua ovi mai te malaʼia,+

Pea ʼe mole ʼi ai he tahi age ke ina haofaki au.+

12 ʼE lahi te ʼu vitulo kei mui ʼe natou ʼa takai au,+

ʼEi, ʼe ʼa takai au e ni vitulo malohi ʼo Pasani.+

13 ʼE natou avahi lahi ʼonatou gutu ʼo fakafeagai kia au,+

Ohage ko he laione ʼe gugulu mo ina hae he manu.+

14 Kua puli toku malohi, ohage ko he vai neʼe liligi,

Kua mahuʼi ʼoku hui fuli.

ʼE hage toku loto ko he sela*+

Kua huhuʼa.+

15 ʼE mole kei hoku malohi, kua au hage ko he kogaʼi ipu kele,+

ʼE pipiki toku ʼalelo ki ʼoku kaulamu,+

ʼE ke fakahifo au ki te efu ʼo te mate.+

16 Kua ʼa takai au e ni kuli,+

ʼE natou fakaovi mai kia au ohage ko he kutuga agakovi,+

ʼE natou hage ko he laione ʼe ina ʼohofi ʼoku nima mo ʼoku vaʼe.+

18 ʼE natou vaevae ʼoku mutuʼi meʼa,

Pea mo natou toho ke natou iloʼi pe ko ai ʼae ka ina maʼu toku kofu.+

20 Haofaki au mai te heleta,

Haofaki toku maʼuli mai te ʼu vaʼe ʼo te ʼu kuli,+

21 Haofaki au mai te gutu ʼo te laione+ pea mo te ʼu tala ʼo te ʼu vitulo vao,

Tali mai pea mo haofaki au.

22 ʼE au fia fakaha tou huafa ki ʼoku tehina,+

ʼI te lotolotoiga ʼo te hahaʼi, ʼe au vikiʼi anai koe.+

24 Neʼe mole ina meʼa noaʼi mo fehiʼa ki te mamahi ʼo ia ʼae neʼe gaohi koviʼi,+

Neʼe mole haga kehe ia mai ia ia.+

25 ʼE au vikiʼi anai koe ʼi te fakatahi lahi,+

ʼE au fakahoko anai ʼaku fakapapau ia muʼa ʼo natou ʼae ʼe manavasiʼi kia te koe.

26 ʼE kakai anai ʼo makokona te kau agavaivai,+

Ko natou ʼae ʼe natou kumi ia Sehova ʼe natou vikiʼi anai ia ia.+

28 ʼE maʼu e Sehova te pule fakahau,+

ʼE pule ki te ʼu puleʼaga.

29 ʼE kakai anai mo tulolo te hahaʼi maʼu koloa fuli ʼo te kele,

Ko natou fuli ʼae ʼe hihifo ki te efu ʼe natou tuʼutuli anai ʼi ʼona muʼa,

ʼE mole feala anai ke haofaki e he tahi tona maʼuli.

30 ʼE tauhi anai ʼonatou hakoga kia te ia,

Pea ʼe logo anai te taʼiake ka haʼu ki he ʼu fakamatala ʼo ʼuhiga mo Sehova.

 2 ʼE ina fakatakoto au ʼi ni malaʼe lunaʼia,

ʼE ina taki au ki ni maloloʼaga ʼe tuʼu ovi ki te vai tafe.*+

 4 Logope la taku haʼele ʼi te mata moʼuga ʼae ʼe fakapoʼuli gaogao,+

ʼE mole au mataku ki he meʼa,+

He ʼe ke nofo mo au.+

ʼE fakafimalieʼi* toku loto e tou toko mo tau ʼakau.

ʼE ke fakafimalieʼi* toku ʼulu ʼaki he moʼi lolo.+

Kua fonu gutugutu toku ipu.+

 6 ʼE au taupau anai te lelei mo te ʼofa agatonu ʼi te ʼaho fuli ʼo toku maʼuli,+

ʼE au fia nofo ʼi te fale ʼo Sehova ʼi toku maʼuli katoa.+

24 ʼE ʼa Sehova te kele pea mo meʼa fuli ʼe maʼu ai,+

Mo te kele ʼae ʼe maʼuli lelei pea mo natou ʼae ʼe nonofo ai.

 2 Neʼe ina fakatuʼu malohi te kele ki te ʼatu tai,+

Mo fakatuʼu maʼu te kele ki te ʼatu vai tafe.

 3 Ko ai anai ʼe feala ke hake ki te moʼuga ʼo Sehova?+

Ko ai anai ʼe feala ke tuʼu ʼi tona koga meʼa taputapu?

 4 Ko ia ʼae ʼe mole ina fai he meʼa ʼe kovi pea ʼe maʼa tona loto,+

ʼAe ʼe mole ina fai he fakapapau loi ʼo fakamoʼoni ʼaki toku maʼuli,*

Pea ʼe mole ina fai he fakapapau kaka.+

 5 ʼE ina maʼu anai ni tapuakina mai ia Sehova,+

Pea ʼe faitotonu anai ia muʼa ʼo tona ʼAtua fakamaʼuli.+

 6 ʼE feia te taʼiake ʼo natou ʼae ʼe natou kumi ia ia,

ʼO natou ʼae ʼe natou kumi tou fofoga, ʼAtua ʼo Sakopo. (Sela)

 7 Ke lagaʼi ake ʼokotou ʼulu, ʼu matapa,+

Ke kotou ava, ʼu matapa ʼo te temi muʼa,

Ke ulu mai te Hau ʼae ʼe fonu ʼi te kololia!+

ʼE ko Sehova ʼae ʼe malohi mo mafimafi,+

Ko Sehova ʼae ʼe mafimafi ʼi te tau.+

 9 Ke lagaʼi ake ʼokotou ʼulu, ʼu matapa,+

Ke kotou ava, ʼu matapa ʼo te temi muʼa,

Ke ulu mai te Hau ʼae ʼe fonu ʼi te kololia!

 2 Siʼoku ʼAtua, ʼe au falala kia te koe,+

Puipui au mai te ufiufi!+

 3 ʼE mahino papau ia, ʼe mole ufiufi anai he tahi ia natou ʼae ʼe falala kia te koe,+

Kae ko natou ʼae ʼe kaka kae ʼe mole hona tupuʼaga ʼe natou ufiufi anai.+

 4 Sehova e, fakaha mai ʼou ala!+

Akoʼi mai pe ʼe feafeaʼi te haʼele ʼi ʼou ala foufou.+

 5 Fakahaʼele au ʼi te ala ʼo te moʼoni pea ke akoʼi au,+

He ko koe toku ʼAtua fakamaʼuli.

 6 Sehova e, manatuʼi tou manavaʼofa pea mo tou ʼofa agatonu,+

ʼAe ʼe ke fakaha talu mai te temi muʼa.+

Manatuʼi au ʼuhi ko tou ʼofa agatonu,+

ʼUhi ko tau agalelei, Sehova e!+

 9 ʼE ina takitaki anai te kau agavaivai ʼi te meʼa ʼae ʼe totonu,+

Pea ʼe ina akoʼi anai tona ala ki te kau agavaivai.+

10 Kia natou ʼae ʼe fakaʼapaʼapa ki tana fuakava+ pea mo ʼana fakamanatu,+

ʼE natou maʼu te ʼofa* mo te agatonu ʼi te ʼu ala foufou fuli ʼa Sehova.

11 Sehova e, ʼuhi ko tou huafa,+

Fakamolemole mai taku agahala, logope la tona mamafa.

13 ʼE ina maʼu anai te meʼa ʼae ʼe lelei,+

Pea ʼe maʼu anai e tona hakoga te kele.+

14 ʼE maʼu e natou ʼae ʼe manavasiʼi kia Sehova he felogoi lelei mo ia,+

Pea ʼe ina fakaha kia natou tana fuakava.+

15 ʼE haga tuʼumaʼu pe ʼoku mata kia Sehova,+

He ʼe ina toʼo anai ʼoku vaʼe mai te kupega.+

16 Haga mai kia au pea mo fakaha mai tou ʼofa,

He ʼe au tokotahi pea ʼe mole hoku tokoni.

17 ʼE lahi te mamahi ʼo toku loto,+

Fakafimalieʼi au mai toku lotohoha!

18 Sio ki toku mamahi mo toku malaʼia,+

Pea mo fakamolemole ʼaku agahala fuli.+

19 Sio ki te kaugamalie ʼo ʼoku fili,

Pea mo te kovi ʼo tanatou fehihiʼa kia au.

21 Ke puipui au e te agatonu mo te faitotonu,+

He ʼe au falala kia te koe.+

26 Sehova e, fakamauʼi au he ʼe au nofo agatonu,+

Sehova e, ʼe au falala kia te koe, ʼe mole au lotolotolua.+

 2 Sehova e, sivisivi au mo ʼahiʼahiʼi au,

Fakamaʼa toku loto pea mo ʼaku manatu loloto.+

 3 ʼE au manatuʼi tuʼumaʼu pe tou ʼofa agatonu,

Pea ʼe au haʼele ʼi tou moʼoni.+

 4 ʼE mole au fakatahi mo te hahaʼi kaka,+

Pea ʼe au hola mai te hahaʼi ʼae ʼe natou fufu tonatou ʼuhiga moʼoni.*

 5 ʼE au fehiʼa ʼi te fakatahi mo te hahaʼi agakovi,+

Pea ʼe mole au fakatahi mo te kau agahala.+

 6 ʼE au fakaha anai ʼe mole au fai he meʼa ʼe kovi,

Sehova e, ʼe au fia foliʼi tou ʼaletale,

 7 Mo fakaha leʼo lahi atu taku lotofakafetaʼi,+

Pea mo kalagaʼi ʼau gaue fakaofoofo fuli.

 8 Sehova, ʼe au leleiʼia te fale ʼae ʼe ke nofo ai,+

Te koga meʼa ʼae ʼe ʼafio ai tou kololia.+

 9 ʼAua naʼa ke ʼave au mo te kau agahala,+

ʼAua naʼa ke toʼo fakatahi toku maʼuli mo te maʼuli ʼo te kau agamalohi,*

10 ʼAe ʼe natou fai ni aga fakaufiufi,

ʼAe ʼe fonu tonatou nima mataʼu ko ni meʼa ʼofa fakakaka.

12 ʼE tuʼu toku vaʼe ʼi he koga meʼa laulelei,+

ʼI te fakatahi lahi* ʼe au vikiʼi anai ia Sehova.+

 2 Ka tauʼi au e ni tagata agakovi ke natou kai toku sino,+

Neʼe ko ʼoku fakafeagai mo ʼoku fili ʼae neʼe tukia mo fetoki.

 3 Ka fakatuʼu e he foʼi kautau tona nofoʼaga ʼo fakafeagai kia au,

ʼE mole au lotohoha anai.+

Tatau aipe pe ʼe tauʼi au,

Kae ʼe au lotofalala aipe.

 4 Neʼe au kole pe te meʼa ʼe tahi kia Sehova,

Pea ʼe ko te meʼa pe ʼaia ka au kumi anai:

Ke au nofo ʼi te fale ʼo Sehova ʼi toku maʼuli katoa,+

ʼO mamata ki te taulekaleka ʼo Sehova,

Pea mo sioʼi fakafiafia tona fale lotu.*+

 5 ʼE ina fakanono anai au ʼi te ʼaho ʼo te malaʼia.+

ʼE ina fufu anai au ʼi tona fale la, te potu fakalilo.+

ʼE ina fakatuʼu anai au ki ʼoluga, ʼi he fuga maka.+

 6 ʼI te temi nei, kua au malo ʼi te ʼu fili ʼae ʼe natou ʼa takai au.

ʼE au fia momoli ni sakilifisio ʼi tona fale la ʼaki ni kalaga fakafiafia,

ʼE au fia hiva ni fakavikiviki* kia Sehova.

 7 Sehova e, fagono mai moka au tagi atu.+

Fakaha mai tou ʼofa pea ke tali mai.+

Ko koe toku haofakiʼaga.+

Siʼoku ʼAtua fakamaʼuli, ʼaua naʼa ke siʼaki au, ʼaua naʼa ke lituʼa kia au!

10 Tatau aipe pe ʼe siʼaki au e taku tamai mo taku faʼe,+

Kae ʼe tali anai au e Sehova.+

11 Sehova e, akoʼi mai tou ala,+

Pea mo takitaki au ʼi te ala ʼo te faitotonu ʼuhi ko ʼoku fili.

12 ʼAua naʼa ke tuku au ki ʼoku fili,+

Koteʼuhi neʼe fakafeagai mai ni fakamoʼoni loi kia au,+

Mo fai mai ni palalau fakamataku.

13 ʼE au nofo anai koa ʼifea, mo ka na pau la neʼe mole au iloʼi papau

ʼE au sio anai ki te agalelei* ʼo Sehova ʼi te fenua ʼo te kau maʼuli?*+

14 Falala kia Sehova.+

Ke ke lototoʼa pea mo lotomalohi.+

28 Sehova e, siʼoku ʼUtu, ko koe ʼae ʼe au pauʼi tuʼumaʼu,+

Fagono mai ki toku leʼo.

Kapau ʼe ke nofo fakalogologo,

ʼE au hage anai ko natou ʼae ʼe hifo ki te fale maka.+

 2 Fagono mai ki ʼaku tagi, moka ʼe au kole tokoni atu kia te koe,

ʼO hiki ake ʼoku nima ki te koga fale taupotu ʼo tou sagatualio.+

 3 ʼAua naʼa ke ʼave au mo te kau agakovi, ia natou ʼae ʼe natou fai te ʼu aga ʼae ʼe mole lelei,+

Ia natou ʼae ʼe natou fai ki ʼonatou tatau ni palalau ʼi te tokalelei, kae ʼe kovi ʼonatou loto.+

 4 Liufaki kia natou te meʼa ʼae ʼe tuha mo ʼanatou gaue,+

ʼO mulimuli pe ki ʼanatou agakovi.

Liufaki kia natou te totogi ʼae ʼe tuha mo te gaue ʼo ʼonatou nima,

ʼO mulimuli pe ki te meʼa ʼae neʼe natou fai.+

 5 Koteʼuhi ʼe mole natou tokagaʼi te ʼu meʼa ʼae ʼe fai e Sehova,+

Pea mo te ʼu gaue ʼo ʼona nima.+

 6 Ke vikiʼi ia Sehova,

He neʼe logo ki ʼaku tagi.

 7 Ko Sehova ʼe ko toku malohi+ mo toku meʼa tali tau,+

ʼE falala toku loto kia te ia.+

Neʼe ina haofaki au pea ʼe fiafia toku loto,

Koia ʼe au hiva fakavikiviki anai kia te ia.

 8 Ko Sehova ʼe ko te malohiʼaga ʼo tana hahaʼi,

ʼE ko he kolo tau, pea ʼe fakaofoofo tana haofaki tana tagata fakanofo.+

29 ʼU foha ʼo te kau malolohi, kotou fakaʼapaʼapa kia Sehova,

Kotou fakaʼapaʼapa kia Sehova ʼuhi ko tona kololia mo tona malohi.+

 3 ʼE logo te leʼo ʼo Sehova ʼi te ʼu fuga vai,

ʼE hage te leʼo ʼo te ʼAtua fonu ʼi te kololia ko te ʼuʼulu ʼo te mana.+

 4 ʼE malohi ʼaupito te leʼo ʼo Sehova,+

ʼE taulekaleka te leʼo ʼo Sehova.

 5 ʼE fasifasi te ʼu fuʼu sete ʼuhi ko te leʼo ʼo Sehova,

ʼEi, ʼe laliki e Sehova te ʼu fuʼu sete ʼo Lipane.+

 6 ʼE ina fakahopo te Lipane* ohage ko he ʼuhiʼi pipi,

Mo te Silioni+ ohage ko he vitulo vao kei mui.

 7 ʼE tapa te hila moka palalau ia Sehova.+

 8 ʼE galulu te toafa ʼuhi ko te leʼo ʼo Sehova,+

ʼEi, ʼe galulu te toafa ʼo Katesi+ ʼuhi ko Sehova.

 9 ʼE matataku te ʼu tia fafine ʼo fananau ʼi tanatou logo ki te leʼo ʼo Sehova,

Pea ʼe maʼofa te ʼu lau ʼo te ʼu vao matuʼa.+

10 ʼE heka ia Sehova ʼi tona hekaʼaga fakahau ʼi te ʼu fuga vai lalahi.+

ʼE ʼafio Hau ia Sehova ʼo talu ai.+

30 Sehova e, ʼe au fakakololiaʼi anai koe, he neʼe ke lagaʼi ake au,

Neʼe mole ke tuku ʼoku fili ke fakafiafia ʼo ʼuhiga mo au.+

 4 Kau agatonu, kotou hiva ni fakavikiviki* kia Sehova,+

Kotou vikiʼi tona huafa taputapu,+

 5 Koteʼuhi ʼe fakatemi pe tona ita ki he tahi,+

Kae ʼe ina maʼu anai tona ʼofa ʼi tona maʼuli katoa.+

 8 Sehova e, ko koe ʼae neʼe au pauʼi tuʼumaʼu ki ai,+

Sehova e, neʼe au kole tuʼumaʼu atu tou manavaʼofa.

11 Neʼe ke fakaliliu toku putu ko he fakafiafia,

Neʼe ke toʼo kehe toku taga* pea ʼe ke teuteuʼi au ʼaki te fiafia,

12 Ke feala ai haku hiva ni fakavikiviki kia te koe kae ʼe mole au nofo fakalogologo.

Ke ke liliu ko hoku nonoʼaga ʼi he moʼuga,

Ko he koga meʼa ke au hola ki ai moʼoku puipui.+

 3 ʼEi, ko koe toku ʼutu mo toku kolo tau.+

ʼE ke takitaki au mo ke fakaha mai tou ala,+ ʼuhi ko tou huafa.+

 4 ʼE ke fakahao anai au mai te hele ʼae neʼe fai fakafufu kia au,+

He ko koe toku tule malohi.+

 6 ʼE au fehiʼa kia natou ʼae ʼe atolasio ki te ʼu fakatata ʼae ʼe vaʼiganoa, ʼae ʼe mole honatou ʼuhiga,

Kae ʼe au falala au kia Sehova.

 7 ʼE au fia fakafiafia lahi ʼuhi ko tou ʼofa agatonu,

He neʼe ke sio ki te lahi ʼo toku mamahi.+

ʼE ke iloʼi ʼoku tuʼania.

 8 Neʼe mole ke tuku au ki ʼoku fili,

Kae ʼe ke tuku au ki he koga meʼa ʼe puipui ai au.

10 ʼE fonu pe toku maʼuli ko te mamahi,+

ʼEi, ʼe fonu pe toku maʼuli ko te tagilaulau.+

ʼE hifohifo toku malohi ʼuhi ko taku hala,

Pea kua vaivai ʼoku hui.+

11 ʼE manukiʼi au e ʼoku fili fuli,+

Tafito la ʼoku vahaʼa fale.

ʼE matataku ʼoku feilo ia au.

ʼE natou feholaki moka natou sisio kia au ʼi te kaugamalie.+

12 ʼE natou galoʼi au, ʼei, ʼe mole kei natou manatuʼi au ohage pe kua au mate.

ʼE au hage ko he ipu neʼe foaʼi.

13 ʼE lahi te ʼu laukovi neʼe au logo ki ai.

ʼE ʼa takai au e ni meʼa fakamataku.+

Ka natou fakatahitahi ʼo fakafeagai kia au,

ʼE natou fakatuʼutuʼu ke natou matehi au.+

Kae ke ufiufi te kau agakovi.+

Ke natou nonofo fakalogologo ʼi te Faitoka.*+

18 Ke fakalogologo te kau gutuloi,+

Ia natou ʼae ʼe manukinuki ki te kau faitotonu, mo agatuʼu pea mo fiameʼalahi.

Neʼe ke taupau maʼa natou ʼae ʼe manavasiʼi kia te koe,+

Neʼe ke fakaha kia natou ʼae neʼe fenonoʼi ia te koe, ia muʼa ʼo te hahaʼi fuli.+

20 ʼE ke fakanono anai natou ʼi te potu fakalilo ʼo tou nofoʼaga,+

Ke natou mamaʼo mai te ʼu fakatuʼutuʼu kaka ʼa te tagata.

ʼE ke fakanono anai natou ʼi tou nonoʼaga,

Ke natou mamaʼo mai ia natou ʼae ʼe laukovi.+

21 Ke vikiʼi ia Sehova,

He neʼe ina fakaha mai tona ʼofa agatonu ʼi hona aluʼaga fakaofoofo+ ʼi he kolo neʼe ʼa takai e te ʼu fili.+

ʼE puipui e Sehova te kau agatonu,+

Kae ʼe mamafa te tautea ʼo natou fuli ʼae ʼe fiatuʼu.+

24 Ke kotou lototoʼa mo lotomalohi,+

Ia koutou fuli ʼae ʼe atalitali kia Sehova!+

 2 Manuʼia te tagata ʼae ʼe ui e Sehova ʼe mole lakahala,+

ʼAe ʼe mole kaka tona loto.

 5 Koia neʼe au vetevete ai leva taku agahala kia te koe.

Neʼe mole au fufu taku hala.+

 6 Koia ʼae ʼe faikole atu anai te kau agatonu fuli kia te koe,+

ʼI te temi ʼae ʼe kei feala ke natou fakaovi atu ai.+

 7 Ko koe ko hoku nonoʼaga.

ʼE ke puipui anai au ʼi te mamahi.+

 9 ʼAua naʼa ke* hage ko he hosi peʼe ko he asino, ko he ʼu manu ʼe hala ʼatamai,+

He ʼe tonu ke lolomi tonā malohi ʼaki he fakagutu peʼe ko he maea,

Ia muʼa ʼo tanā fakaovi atu kia koe.”

10 ʼE lahi te ʼu mamahi ʼo te tagata agakovi.

Kae ko ʼae ʼe falala kia Sehova ʼe puipui anai e Tona ʼofa agatonu.+

11 Ke liliu ia Sehova ko te matapuna ʼo tokotou fiafia! Ke kotou fakafiafia ia koutou ʼae ʼe faitotonu!

Kotou kalaga fakafiafia ia koutou fuli ʼae ʼe lelei ʼokotou loto!

 2 Kotou ta te alepa ʼo fakafetaʼi kia Sehova.

Kotou hiva fakavikiviki kia te ia ʼaki he meʼa faimaholo ʼe kauʼi uka hogofulu.

 3 Kotou hiva kia te ia he katiko foʼou.+

Kotou ta fakalelei te ʼu kauʼi uka ke mālie mo hiva fakafiafia.

 4 ʼE totonu te folafola ʼa Sehova,+

Pea ko meʼa fuli ʼae ʼe ina fai ʼe tuha ia mo te falala.

 6 Neʼe faʼu te ʼatu lagi ʼaki te folafola ʼa Sehova,+

Neʼe ina faʼu ia meʼa fuli ʼae ʼe maʼu ai ʼaki tona manava.

 7 ʼE ina taʼofi te ʼu vai ʼo te tai ʼaki he kaupa.+

ʼE ina fakatahiʼi te ʼu peau lalahi ki ni tanakiʼaga.

 9 Neʼe palalau pea neʼe tupu ai ia meʼa fuli.+

Neʼe ina fakatotonu pea neʼe hoko ia.+

10 Neʼe fakato noa e Sehova te ʼu puleʼaki kaka ʼa te ʼu puleʼaga.+

Neʼe fakafeagai ki te ʼu fakatuʼutuʼu* ʼa te hahaʼi.+

11 Kae ko te ʼu tonu ʼa Sehova ʼe tuʼu maʼu anai ia ʼo talu ai.+

ʼE mole fetogi ʼana manatu mai he taʼiake ki he tahi taʼiake.

12 Manuʼia te puleʼaga ʼae ko Sehova tona ʼAtua,+

Te hahaʼi ʼae neʼe ina filifili ko hona tofiʼa.+

13 ʼE sio ifo ia Sehova mai te ʼatu lagi.

ʼE sio ia ki te ʼu foha fuli ʼo te tagata.+

14 Mai tona ʼafioʼaga,

ʼE ina sioʼi te hahaʼi ʼo te kele.

15 ʼE ina faʼufaʼu te ʼu loto fuli.

ʼE ina sivisivi ʼanatou gaue fuli.+

16 ʼE mole feala ke haofaki e he kau solia kaugamalie ia he hau.+

ʼE mole feala ki he tagata toʼa ke ina haofaki ia ia totonu ʼaki pe tona malohi.+

17 ʼE mole he ʼuhiga ʼo te falala ki he hosi ke haofaki ai kita,+

ʼE mole ina haofaki anai he tahi ʼaki pe tona malohi.

18 ʼE sio ia Sehova kia natou ʼae ʼe manavasiʼi kia te ia,+

Ia natou ʼae ʼe falala ki tona ʼofa agatonu,

19 Ke haofaki ai natou mai te mate,

Pea mo fakamaʼuli natou ʼi te temi hoge.+

21 ʼE fakafiafia ʼotatou loto ʼo ʼuhiga mo ia,

He ʼe tou falala ki tona huafa taputapu.+

22 Sehova e, ke matou maʼu tou ʼofa agatonu,+

He ʼe matou haga talitali kia te koe.+

34 ʼE au fia vikiʼi ia Sehova ʼi te temi fuli.

ʼE au fakavikiviki tuʼumaʼu anai kia te ia.

 2 ʼE au fakakololiaʼi anai ia Sehova.+

ʼE logo anai te kau agavaivai pea natou fiafia.

 3 Kotou fakakololiaʼi ia Sehova mo au,+

Tou vikiʼi fakatahi tona huafa!

 5 Ko natou ʼae neʼe haga kia te ia neʼe natou fiafia,

ʼE mole kula momoho ʼonatou fofoga ʼi te ufiufi.

 7 ʼE nofo ovi te ʼaselo ʼa Sehova kia natou ʼae ʼe manavasiʼi kia te Ia,*+

Pea ʼe ina haofaki natou.+

 8 Kotou ʼahiʼahi mo iloʼi ʼe manavaʼofa ia Sehova,+

Manuʼia te tagata ʼae ʼe nono ia te ia!

 9 Kau maʼoniʼoni, kotou manavasiʼi fuli kia Sehova,

He ʼe ko natou ʼae ʼe manavasiʼi kia te ia, ʼe mole natou masiva ʼi he meʼa.+

10 Maʼiape la mo te ʼu laione ʼae kei mui mo malolohi ʼe natou halofia,

Kae ko natou ʼae ʼe natou kumi ia Sehova ʼe mole natou masiva anai ʼi ni meʼa lelei.+

11 Naʼi ʼoku foha, kotou ʼomai ʼo fagono mai kia te au,

ʼE au akoʼi atu anai te manavasiʼi kia Sehova.+

12 Ko ai ʼae ia koutou ʼe ina leleiʼia te maʼuli,

Mo fakaʼamu ki he maʼuli ʼe fiafia mo tologa?+

13 Kapau koia, ke ke taʼofi tou ʼalelo mai te kovi,+

Pea ʼaua naʼa ke fai he ʼu palalau kaka.+

14 Fakamamaʼo mai te meʼa ʼae ʼe kovi ʼo fai te meʼa ʼae ʼe lelei,+

Kumi tuʼumaʼu te tokalelei.+

15 ʼE sio te ʼu mata ʼo Sehova ki te kau faitotonu,+

Pea ʼe fagono ʼona taliga ki ʼanatou kole tokoni.+

16 Kae ʼe fakafeagai ia Sehova kia natou ʼae ʼe natou fai te meʼa ʼae ʼe kovi,

Ke mole toe manatuʼi ai ia natou ʼi te kele.+

17 Neʼe kalaga te kau faitotonu pea neʼe logoʼi e Sehova,+

Neʼe ina haofaki ia natou mai ʼonatou mamahi fuli.+

18 ʼE ovi ia Sehova kia natou ʼae ʼe lotomamahi,+

ʼE ina haofaki ia natou fuli ʼae ʼe lotovaivai.+

19 ʼE lahi te ʼu ʼahiʼahi* ʼae ʼe tau mo te tagata faitotonu,+

Kae ʼe haofaki e Sehova ia ia mai te ʼu ʼahiʼahi fuli ʼaia.+

20 ʼE ina taupau ʼona hui fuli,

Pea neʼe mole pe la fasi hona hui ʼe tahi.+

21 ʼE hoko anai he tuʼutamaki ki te agakovi ʼo mate ai,

ʼE ui anai ʼe lakahala ia natou ʼae ʼe fehihiʼa ki te tagata faitotonu.

22 ʼE totogi e Sehova te maʼuli ʼo ʼana kaugana.

ʼE mole ui anai ʼe lakahala he tahi ia natou ʼae ʼe fenonoʼi ia te ia.+

35 Sehova e, haofaki au mai ʼoku fili,+

Tauʼi ia natou ʼae ʼe fakafeagai mai kia au.+

 2 Toʼo tau meʼa tali tau veliveli* pea mo ʼae ʼe lahi,+

Pea tuʼu ake ʼo haofaki au.+

 5 Ke natou viligia ohage ko te kiliʼi fulumeto ʼi te matagi.

Ke kapu natou e te ʼaselo ʼa Sehova.+

 6 Ke fakapoʼuli mo hekeheke tonatou ala,

Pea ke tuli natou e te ʼaselo ʼa Sehova.

 7 Neʼe natou fai fakafufu he hele kia au kae neʼe mole hona tupuʼaga.

Neʼe natou keli hoku luo kae neʼe mole hona tupuʼaga.

 8 Ke hoko fakapunamaʼuli he malaʼia kia natou,

Ke natou to ki te hele ʼae neʼe natou fai fakafufu,

ʼEi, ke natou fetoki ki ai pea ke natou mamate ai.+

 9 Kae ko au, ʼe au fiafia anai ʼuhi ko Sehova,

ʼE au fakafiafia anai ʼi tana haofaki.

ʼE ke puipui te kau vaivai mai te kau malolohi,+

ʼE ke haofaki te kau vaivai mo te kau masisiva mai te kau kaihaʼa.”+

11 Neʼe ʼomai ni fakamoʼoni loi,+

ʼO fehuʼi mai ni meʼa neʼe mole au iloʼi.

12 ʼE natou tauʼi te lelei ʼae ʼe au fai age ʼaki te kovi,+

ʼO au lotomamahi ʼaupito ai.

13 Kae ʼi te temi ʼae neʼe natou mahahaki ai, neʼe au kofuʼi he taga,*

Neʼe au sesunio ke au fakamamahi,

Pea ʼi te temi ʼae neʼe mole tali mai ai ki ʼaku faikole,

14 Neʼe au fealuʼaki ohage ʼe au putu ki hoku kaumeʼa peʼe ki hoku tehina.

Neʼe au mapelu ʼi toku mamahi, ohage ko he tagata ʼe ina tagiʼi tana faʼe.

15 Kae ʼi te temi ʼae neʼe au tukia ai, neʼe natou fakafiafia mo fakatahitahi,

ʼEi, neʼe natou fenonoʼi fakatahi ke natou ʼohofi au,

Neʼe mole natou fakalogologo ʼi tanatou tauʼi au.

16 ʼE vaʼi mo meʼa noaʼi au e te hahaʼi ʼae ʼe mole fakaʼapaʼapa ki te ʼAtua,*

ʼE natou gugu nifo ʼuhi ko au.+

Haofaki au moka natou ʼohofi au,+

Haofaki toku maʼuli mai te ʼu laione kei mui.+

18 Koia ʼe au fakafetaʼi anai kia te koe ʼi te kaugamalie,+

ʼE au vikiʼi anai koe ʼi te lotolotoiga ʼo te hahaʼi.

19 Ke mole fakafiafia ʼi toku malaʼia, ia natou ʼae neʼe liliu ko ʼoku fili kae ʼe mole hona tupuʼaga.

Ke ʼaua naʼa vaʼi au e natou ʼae ʼe fehihiʼa kia au kae ʼe mole hona tupuʼaga.+

20 ʼE mole natou fai he ʼu palalau ʼi te tokalelei,

Kae ʼe natou fai ni fakatuʼutuʼu kaka ʼo ʼuhiga mo te hahaʼi ʼae ʼe maʼuli tokalelei ʼi te fenua.+

21 ʼE natou avahi lahi ʼonatou gutu ʼo tukugakoviʼi au,

ʼO ui: “Moʼoni, neʼe matou sio tonu ki ai.”

23 ʼAla ake pea ke tuʼu ake ʼo haofaki au,

Sehova e, siʼoku ʼAtua puipui au ʼi toku fakamau.

24 Sehova e, toku ʼAtua fakamauʼi au ʼo mulimuli ki tau faitotonu.+

Ke mole natou fakafiafia ʼi toku malaʼia.

26 Ke fakalainoaʼi pea mo ufiufi fuli

Ia natou ʼae ʼe fakafiafia ʼi toku malaʼia.

27 Kae ke kalaga fakafiafia ia natou ʼae ʼe natou leleiʼia taku faitotonu.

Ke natou ui tuʼumaʼu:

28 Koia ʼe au fakamatala* anai tau faitotonu,+

Pea ʼe au vikiʼi anai koe ʼi te ʼaho katoa.+

36 ʼE ko te meʼa ʼae ʼe kovi ʼe ina taki te loto ʼo te tagata agakovi,

ʼE mole manavasiʼi ia ki te ʼAtua.+

 2 ʼE falala pe kia ia totonu,

Koia ʼe mole mahino ki tana hala mo fehiʼa ki ai.+

 3 ʼE ina fai he ʼu palalau kovi mo kaka,

ʼE mole ina maʼu te fakasiosio poto moʼo fai ʼaki te meʼa ʼae ʼe lelei.

ʼE tuʼu ʼi he ala ʼe mole lelei.

ʼE mole ina liʼaki te kovi.

 5 Sehova e, ʼe kaku tou ʼofa agatonu ki te ʼatu lagi,+

Pea ko tau agatonu ʼe kaku ki te ʼu ʼao.

 6 ʼE hage tau faitotonu ko he ʼu moʼuga taulekaleka.*+

ʼE hage ʼau fakamau ko he ʼu vai loloto.+

 8 ʼE natou iinu ke natou malie ʼi te ʼu meʼa lelei ʼo tou fale,+

Pea ʼe ke fakainu natou ʼi he vai tafe ʼe huʼa lelei.+

 9 Ko koe te matapuna ʼo te maʼuli.+

ʼAki tou malama ʼe matou sisio ai ki te malama.+

10 Haga fakaha tou ʼofa agatonu kia natou ʼae ʼe natou iloʼi ia koe,+

Pea mo tau faitotonu kia natou ʼae ʼe lelei tonatou loto.+

11 Ke mole malamalaki au e te ʼu vaʼe ʼo ia ʼae ʼe fialahi!

Ke mole kapu au e te nima ʼo ia ʼae ʼe agakovi!

12 Neʼe fetoki te kau agakovi,

Neʼe fetokaʼi ki te kele pea ʼe mole natou toe lava tutuʼu ake.+

37 ʼAua naʼa ke ita ʼuhi ko te kau agakovi,

ʼAua naʼa ke maheka ki te kau heʼe faitotonu.+

 2 ʼE natou fefe vave anai ohage ko te luna,+

ʼEi, ʼe natou moamoa anai ohage ko te luna.

 3 Tuku tau falala kia Sehova pea mo fai te meʼa ʼae ʼe lelei.+

Nofo ʼi te kele* pea ke ke agatonu.+

 4 Ke ke fiafia lahi ia Sehova,

Pea ʼe ina fakahoko anai te ʼu fakaʼamu ʼo tou loto.

 5 Tuku ke tofa e Sehova tou ala.+

Falala kia te ia pea ʼe tokoni atu anai kia koe.+

 6 ʼE ina fakaha anai tau faitotonu ohage ko te mafoa ʼo te ʼaho,

Pea mo ʼau gaue faitotonu ohage ko te sisiga ʼo te laʼa ʼi te hoʼata.

 7 Ke ke fakalogologo ia muʼa ʼo Sehova+

Pea mo haga talitali kia te ia.

ʼAua naʼa ke ita ki te tagata

ʼAe ʼe ina fakahoko ʼana fakatuʼutuʼu kovi.+

 8 Ke ke tuku te ita, ʼei, ke malū ifo tou ita.+

ʼAua naʼa ke mamahi, naʼa ke fai he aga ʼe kovi.*

 9 He ʼe pulihi anai te hahaʼi agakovi,+

Kae ko natou ʼae ʼe falala kia Sehova ʼe natou maʼu anai te kele.+

10 ʼE kei toe pe he kiʼi temi, pea ʼe mole toe maʼu anai te kau agakovi.+

ʼE ke sio anai ki tonatou nofoʼaga,

Kua natou pupuli.+

11 Kae ʼe maʼu anai e te kau agavaivai te kele,+

Pea ʼe natou fiafia anai ʼi te lahi ʼo te tokalelei.+

12 ʼE fai anai e te tagata agakovi he ʼu fakatuʼutuʼu kaka ki te tagata faitotonu,+

Pea ʼe gugu nifo ʼuhi ko ia.

13 Kae ʼe kataʼi anai ia ia e Sehova,

He ʼe Ina iloʼi ʼe hoko mai anai tona ʼaho.+

14 ʼE tohoʼi e te kau agakovi ʼanatou heleta pea mo teuteuʼi ʼanatou nahau

Ke natou matehi ia natou ʼae ʼe gaohi koviʼi pea mo te kau masisiva,

Pea mo tamateʼi ia natou ʼae ʼe natou fai te meʼa ʼae ʼe lelei.

15 Kae ʼe hukiʼi pe anai ʼonatou mafu ʼaki ʼanatou heleta.+

ʼE fasifasiʼi anai ʼanatou nahau.

16 ʼE lelei age ke siʼisiʼi he meʼa ʼe maʼu e te tagata faitotonu

ʼI he maʼu koloa ʼa ni hahaʼi agakovi kaugamalie.+

17 He ʼe fasifasiʼi anai te ʼu nima ʼo te kau agakovi,

Kae ʼe lagolago anai ia Sehova ki te kau faitotonu.

18 ʼE iloʼi e Sehova te ʼu fihifihia ʼo te kau agatonu,

Pea ʼe heʼe gata anai tonatou tofiʼa.+

19 ʼE mole natou ufiufi anai ʼi te temi ʼo te malaʼia.

ʼI te temi ʼo te hoge, ʼe natou mahu anai ʼi te meʼa kai.

20 Kae ʼe matematehi anai te kau agakovi.+

ʼE pulihi anai te ʼu fili ʼo Sehova ohage ko te puli ʼo te matalelei ʼo te ʼu koga meʼa lunaʼia.

ʼE natou pupuli anai ohage ko te kohu.

21 ʼE toʼo maʼua te tagata agakovi pea ʼe mole ina huʼi,

Kae ʼe lotofoaki te tagata faitotonu pea mo manavaʼofa.+

22 ʼE maʼu anai te kele e te hahaʼi ʼae ʼe tapuakiʼi e te ʼAtua,

Kae ʼe pulihi anai ia natou ʼae ʼe Ina fakamalaʼia.+

23 Ka leleiʼia e Sehova te ala ʼo he tagata+

ʼE Ina takitaki ʼona lakaʼaga.+

24 Tatau aipe pe ʼe tukia, kae ʼe mole toka anai ki te kele,+

Koteʼuhi ʼe puke e Sehova tona nima.+

25 Neʼe au tupulaga kae ʼi te temi nei kua au matuʼa,

Kae neʼe heʼeki au sio kua liʼakina te tagata faitotonu,+

Peʼe kumi moʼi pane* ʼana fanau.+

26 ʼE fia lotofoaki tuʼumaʼu,+

Pea ʼe feala ke fakaʼamu ʼana fanau ke tapuakiʼi natou.

27 Fakamamaʼo mai te meʼa ʼae ʼe kovi pea ke fai te meʼa ʼae ʼe lelei,+

Pea ʼe ke maʼuli anai ʼo talu ai.

28 He ʼe ʼofa ia Sehova ki te faitotonu,

Pea ʼe mole ina liʼaki anai tana kau agatonu.+

ʼE puipui tuʼumaʼu anai natou,+

Kae ʼe pulihi anai te hakoga ʼo te kau agakovi.+

29 ʼE maʼu anai e te kau faitotonu te kele+

Pea ʼe natou maʼuʼuli ai anai ʼo heʼe gata.+

30 ʼE fakaha e te tagata faitotonu te poto,*

Pea ʼe palalau ʼo ʼuhiga mo te faitotonu.+

31 ʼE maʼu ʼi tona loto te lao ʼo tona ʼAtua,+

ʼE mole heke anai moka haʼele.+

32 ʼE lamalama e te tagata agakovi te tagata faitotonu,

ʼE ina kumi ke ina matehi.

33 Kae ʼe mole tuku anai e Sehova ia ia* ki ʼona nima,+

ʼE mole tukugakoviʼi anai ia ia moka fakamauʼi.+

34 Falala kia Sehova pea mo muliʼi tona ala,

Pea ʼe ʼofa anai kia koe ʼo foaki atu te kele.

35 Neʼe au sio ki te tagata agakovi mo lotofefeka,

ʼE mafola ohage ko he fuʼu ʼakau failaulau ʼi he kele ʼe maʼuli lelei.+

36 Kae neʼe puli fakafokifa, neʼe mole toe maʼu ia.+

Neʼe au haga kumi kae neʼe mole pe au maʼu.+

37 Tokagaʼi te tagata agatonu,

Pea mo sio tuʼumaʼu ki te tagata faitotonu:+

ʼE tokalelei anai te ka haʼu ʼo te faʼahiga tagata ʼaia.+

38 Kae ʼe pulihi anai te kau talagataʼa fuli.

ʼE mole he ka haʼu ʼo te kau agakovi.+

39 ʼE haofaki e Sehova te kau faitotonu.+

Ko ia tonatou kolo tau ʼi te temi mamahi.+

ʼE ina puipui anai natou mai te kau agakovi mo taupau ʼonatou maʼuli,

He ʼe natou fenonoʼi ia te ia.+

38 Sehova e, ʼaua naʼa ke fakatonutonuʼi au ʼi tou ita,

ʼAua naʼa ke akonakiʼi au ʼi tou hauhau.+

 2 He neʼe ulu loloto ʼau kauʼi nahau ia au,

Neʼe au logoʼi te mamafa ʼo tou nima ia au.+

 4 ʼE au taʼomia ʼi ʼaku agahala,+

ʼE hage ko he kavega mamafa ʼe mole au lava ʼamo.

 5 ʼE mamanu mo ʼaukau ʼoku lavea

ʼUhi ko taku agavale.

 6 ʼE au hoha mo lotovaivai ʼaupito.

ʼE au fealuʼaki lotomamahi ʼi te ʼaho katoa.

 7 ʼE au logoʼi he vela ʼi toku kakano.

ʼE mahaki toku sino katoa.+

 8 Kua au mategugu mo logo kovi ʼosi,

ʼE au lauga leʼo lahi ʼuhi ko toku lotomamahi.

 9 Sehova e, ʼe ke iloʼi ʼaku fakaʼamu fuli,

Pea ʼe ke logo ki ʼaku lauga.

10 ʼE ta vave toku mafu pea kua puli toku malohi,

ʼE nenefu taku sio.+

11 Kua fakamamaʼo ʼoku kaumeʼa mo kaugā fagona ʼuhi ko ʼoku lavea,

ʼO toe feia foki mo ʼoku vahaʼa fale.

12 Ko natou ʼae ʼe natou fia matehi au, ʼe natou fai ni hele.

Ko natou ʼae ʼe natou fia gaohi koviʼi au, ʼe natou palalau ke tamateʼi au.+

ʼE natou muhumuhu he ʼu meʼa kaka ʼi te ʼaho katoa.

13 Kae ʼe mole au fakalogo au, ʼe au hage ko he tuli.+

ʼE mole au avahi toku gutu, ʼe au hage ko he tahi ʼe ʼalelo mate.+

14 Kua au liliu ohage ko he tagata ʼe tuli,

ʼE mole poto ʼi te palalau moʼona haofaki.

15 Sehova e, ko koe ʼae neʼe au talitali ki ai,+

Sehova e, siʼoku ʼAtua, neʼe ke tali mai.+

16 Neʼe au ui: “Ke mole natou fakafiafia ʼi toku malaʼia,

Ke mole natou fia maʼoluga age ia au moka heke toku vaʼe.”

17 Neʼe kua au vave toka pe,

Pea neʼe au mamahi tuʼumaʼu pe.+

18 Neʼe au fakaha taku hala.+

Neʼe au hoha ʼuhi ko taku agahala.+

19 Kae ʼe maʼuli lelei pe mo malohi ʼoku fili,

Kua kaugamalie ia natou ʼae ʼe fehihiʼa kia au kae ʼe mole hona tupuʼaga.

20 Neʼe natou tauʼi te lelei ʼae ʼe au fai ʼaki te kovi,

Neʼe natou fakafeagai mai kia au he neʼe au fai tuʼumaʼu te meʼa ʼae ʼe lelei.

22 Sehova e, siʼoku haofakiʼaga,+

Haʼu fakavilivili ʼo haofaki au.

39 Neʼe au ui: “ ʼE au tokaga anai ki taku aga,

Ke mole au agahala ʼi ʼaku palalau.+

ʼE au mapunuʼi anai toku gutu,+

ʼI te temi ʼae ʼe kei nofo ai te tagata agakovi ʼi ʼoku muʼa.”

 2 Neʼe mole au palalau, neʼe au fakalogologo.+

Maʼiape la mo te meʼa ʼae ʼe lelei, neʼe mole au palalau ki ai,

Kae neʼe kovi ʼosi toku mamahi.

 4 “Sehova e, fakaha mai toku ʼaho fakaʼosi,

Pea mo te lahi ʼo ʼoku ʼaho,+

Ke au iloʼi ai te nounou ʼo toku maʼuli.

 5 ʼEi, neʼe ke fakasiʼisiʼi ʼoku ʼaho.+

ʼE ko he meʼa noa kia te koe te loaloaga ʼo toku maʼuli.+

 9 Neʼe au nofo fakalogologo.

Neʼe mole feala ke au avahi toku gutu,+

He neʼe hoko te meʼa ʼaia ʼuhi ko koe.+

11 ʼE ke fakatonutonuʼi te tagata pea mo fakatuʼā ia ia ʼuhi ko tana hala.+

ʼE ke maumauʼi te ʼu meʼa ʼae ʼe ina leleiʼia ohage ko tona fai e te ʼu kiʼi manu.

12 Sehova e, fagono mai ki taku faikole,

Fagono mai ki taku tagi.+

Ko au ko he matapule kia koe,+

He tagata faifolau* ohage ko ʼaku kui fuli.+

13 ʼAua naʼa ke sio itaita mai ke feala ai haku toe lotomalohi,

ʼI muʼa ʼo toku mate ʼo au pulinoa ai.”

40 Neʼe au falala malohi* kia Sehova,

Neʼe falele ʼo fagono mai pea neʼe logo ki taku kole tokoni.+

 2 Neʼe ina fakahake ake au mai he luo ʼe gugulu ai te vai,

Mai he luo pelapela.

Neʼe ina fakatuʼu au ʼi he fuga ʼutu.

Neʼe ina fakamalohiʼi ʼoku lakaʼaga.

 3 Neʼe ina foaki mai he hiva foʼou,+

He fakavikiviki ki totatou ʼAtua.

ʼE sio fakaʼapaʼapa anai te tokolahi ki te meʼa ʼae neʼe fai e te ʼAtua,

Pea ʼe natou falala anai kia Sehova.

 4 Manuʼia te tagata ʼae ʼe falala kia Sehova,

ʼE mole fakatahi ia mo te kau agatuʼu peʼe ko te hahaʼi kaka.*

 5 Sehova e, siʼoku ʼAtua,

ʼE ke manatuʼi tuʼumaʼu ia matou,

Pea ʼe lahi te ʼu meʼa fakaofoofo neʼe ke fai maʼa matou.+

ʼE mole he tahi ʼe tatau mo koe.+

Kapau ʼe au faigaʼi ke au fakaha te ʼu meʼa ʼaia,

ʼE mole feala anai ke au fakamatala he ʼe lahi fau.+

 6 Neʼe mole ke loto ki he sakilifisio mo he molaga,+

Kae neʼe ke avahi ʼoku taliga ke au fakalogo.+

 8 Siʼoku ʼAtua, ko te fai ʼo tou finegalo ʼe ko toku fiafiaʼaga,+

Pea ʼe maʼu tau lao ʼi toku loto.+

Sio, ʼe mole au fakalogologo,+

Sehova e, ʼe ke iloʼi lelei pe.

Kua au taʼomia ʼi te lahi ʼo ʼaku hala pea mole kei au iloʼi pe ʼe au alu kifea.+

Kua tapuke age ia ʼi ʼoku fuluʼi ʼulu,

Pea kua au lotovaivai.

14 Ke ufiufi mo fakalainoaʼi

Ia natou fuli ʼae ʼe natou fia matehi au.

Ia natou ʼae ʼe fakafiafia ʼi toku malaʼia

Ke natou holomuli ʼuhi ko tonatou ufiufi.

16 Ke fakafiafia ʼo ʼuhiga mo koe+

Ia natou ʼae ʼe natou kumi ia koe.+

17 Kae ko au, ʼe mole hoku tokoni pea ʼe au masiva.

ʼOfa pe ke tokagaʼi au e Sehova.

Ko koe toku haofakiʼaga mo toku puipuiʼaga.+

Siʼoku ʼAtua, ʼaua naʼa ke tuai mai.+

41 Ke manuʼia te tagata ʼae ʼe tokaga kia ia ʼae ʼe veliveli.+

ʼE haofaki anai ia e Sehova ʼi te ʼaho ʼo te malaʼia.

Pea ʼe fakaha anai ʼe fiafia ʼi te kele.+

ʼE mole ke tuku anai ʼi he temi ke faʼifaʼitaliha ʼona fili ki ai.+

 3 ʼE tokoni anai ia Sehova kia ia ʼi te palepale ʼo te mahaki.+

ʼI tona temi mahaki, ʼe ke fetogi anai ʼona meʼa moe.

ʼE ina kumi he ʼu palalau kovi moʼoku fakamamahiʼi.

Pea ʼe alu leva ia ʼo fakamafola ʼi te ʼu potu fuli.

 7 ʼE fefanafanaʼaki ia natou fuli ʼae ʼe fehihiʼa ia au.

ʼE natou fai ni fakatuʼutuʼu kovi ʼo ʼuhiga mo au, ʼo natou ui:

 8 “Neʼe hoko he aluʼaga fakamataku kia ia.

ʼI te temi nei kua tuku ʼi lalo, ʼe mole toe tuʼu ake anai.”+

 9 Maʼia mo te tagata ʼae neʼe ma tokalelei, ʼae neʼe au falala ki ai,+

ʼAe neʼe kai mo au taku pane, neʼe ina hiki ake tona mulivaʼe ʼo fakafeagai mai kia te au.+

10 Sehova e, fakaha mai tou manavaʼofa pea mo ke fakatuʼu ake au,

Ke au liufaki age te meʼa ʼae ʼe tuha mo natou.

12 ʼE ke lagolago kia au ʼuhi ko taku agatonu.+

ʼE ke taupau anai au ʼi ʼou muʼa ʼo talu ai.+

13 Ke vikiʼi ia Sehova, te ʼAtua ʼo Iselaele

ʼO heʼe gata.*+

42 ʼAtua e, ʼe au fakaʼamu kia te koe,

Ohage ko he tia fafine ʼe fakaʼamu ki ni vai tafe.

 3 ʼE mole feala ke au kai, ʼe au tagi ʼi te ʼaho mo te po.

ʼI te ʼaho katoa, ʼe ui mai e te kau vava: “ ʼE ʼifea tou ʼAtua?”+

 4 ʼE au manatuʼi te ʼu aluʼaga ʼaia pea ʼe au fakaha te ʼu meʼa ʼae ʼe au logoʼi,

He ʼe ʼi te temi muʼa neʼe au haʼele fakatahi mo te hahaʼi.

Neʼe au taki mamalie ia natou ki te fale ʼo te ʼAtua,

Pea neʼe natou kalaga fakafiafia mo lotofakafetaʼi

Ohage ko ni hahaʼi ʼe natou fai he ʼaho lahi.+

ʼE au talitali anai ki te ʼAtua,+

ʼE au toe vikiʼi anai ia ia he ʼe ko toku Haofakiʼaga Lahi.+

Koia ʼae ʼe au manatuʼi ai ia koe,+

Mai te fenua ʼo Solotane mo te ʼu tumutumu ʼo Helemoni,

Mai te Moʼuga ʼo Misale.*

 7 ʼE pauʼi te vai loloto ki te tahi vai loloto

ʼI te logoaʼa ʼo ʼou toʼaga vai.

 8 Lolotoga te ʼaho ʼe foaki mai anai e Sehova tona ʼofa agatonu,

Pea ʼi te poʼuli ʼe au hiva anai ʼo ʼuhiga mo ia, ko he faikole ki te ʼAtua ʼo toku maʼuli.+

10 ʼE vaʼi au e ʼoku fili pea mo fia faifakapo.*

ʼE natou vaʼi au ʼi te ʼaho katoa ʼo ui: “ ʼE ʼifea tou ʼAtua?”+

ʼE au talitali anai ki te ʼAtua,+

ʼE au toe vikiʼi anai ia ia he ʼe ko toku Haofakiʼaga Lahi pea mo toku ʼAtua.+

43 ʼAtua e, fakamauʼi au,+

Haofaki au+ mai te puleʼaga heʼe agatonu.

Ke nā takitaki au.+

ʼEi, ke nā takitaki au ki tou moʼuga taputapu mo tou tapenakulo taulekaleka.+

 4 Pea ʼe au alu anai ki te ʼaletale ʼo te ʼAtua,+

Ki te ʼAtua, toku fiafiaʼaga lahi.

ʼE au talitali anai ki te ʼAtua,+

ʼE au toe vikiʼi anai ia ia he ʼe ko toku Haofakiʼaga Lahi pea mo toku ʼAtua.+

44 ʼAtua e, neʼe matou logo tonu,

Neʼe fakamatala mai e ʼamatou kui+

Te ʼu gaue ʼae neʼe ke fakahoko ʼi tonatou temi,

ʼI te temi muʼa.

 2 Neʼe ke kapu ni puleʼaga ʼaki tou malohi,+

Ke ke fakanofo ʼamatou kui ʼi ʼonatou fenua.+

 3 Neʼe mole natou maʼu te fenua ʼaki pe tanatou heleta,+

Neʼe mole natou malo ʼuhi ko tonatou malohi,+

Kae ʼuhi ko tou nima mataʼu, mo tou malohi+ pea mo te malama ʼo tou fofoga,

Koteʼuhi neʼe natou maʼu tou ʼofa.+

 4 ʼAtua e, ko koe toku Hau.+

Fakatotonu ke katoa te malo ʼa Sakopo.

 5 ʼE matou kapu anai ʼomatou fili ʼaki tou malohi.+

ʼAki tou huafa, ʼe matou malamalaki anai ia natou ʼae ʼe fakafeagai mai.+

 6 He ʼe mole au falala ki taku nahau,

Pea ʼe mole feala ke haofaki au e taku heleta.+

 7 Ko koe ʼae neʼe ke haofaki matou mai ʼomatou fili,+

Ko koe ʼae neʼe ke fakalainoaʼi ia natou ʼae ʼe fehihiʼa mai.

 8 ʼE matou fia fakavikiviki ki te ʼAtua ʼi te ʼaho katoa,

Pea ʼe matou fakakololiaʼi anai tou huafa ʼo talu ai. (Sela)

 9 Kae kua ke siʼaki mo fakalainoaʼi matou ʼi te temi nei,

Pea ʼe mole ke kau mo ʼamatou kautau.

10 ʼE matou holomuli ʼi ʼomatou fili ʼuhi ko koe.+

ʼE ʼave e natou ʼae ʼe fehihiʼa mai ia meʼa fuli ʼe natou loto ki ai.

11 ʼE ke tuku ke kai matou ohage ko ni ovi.

Neʼe ke fakamavetevete matou ʼi te ʼatu puleʼaga.+

12 ʼE ke fakatau tau hahaʼi ki he meʼa noa,+

Pea ʼe mole he fua ʼo te fakatau ʼaia kia koe.

13 ʼE ke fakalainoaʼi matou ia muʼa ʼo ʼomatou vahaʼa fale,

ʼE ke tuku ke vaʼi mo manukiʼi matou e te hahaʼi ʼae ʼi ʼomatou tafaʼaki.

14 ʼE ke tuku ke fehihiʼa mai te ʼatu puleʼaga,+

ʼO tupu ai te kalokalo ʼa te hahaʼi.

15 ʼE au logo kovi ʼi te ʼaho katoa,

Pea ʼe lahi toku ufiufi,

16 ʼUhi ko ʼanatou vava mo ʼanatou laukovi,

Pea mo te lagavaka ʼo tomatou fili.

17 Neʼe hoko te ʼu meʼa fuli ʼaia kia matou kae neʼe mole matou galoʼi koe,

Pea neʼe mole matou maumauʼi tau fuakava.+

18 Neʼe mole maliu kehe ʼomatou loto,

Neʼe matou haʼele tuʼumaʼu ʼi tou ala.

19 Kae neʼe ke laliki matou ʼi te potu ʼae ʼe maʼuʼuli ai te ʼu kuli vao.

Neʼe ke ʼaofi matou ʼaki he fakapoʼuli gaogao.

20 Kapau ʼe matou galoʼi te huafa ʼo tomatou ʼAtua,

Kapau ʼe matou hiki ʼomatou nima ʼo faikole ki he ʼatua matapule,

21 ʼE mole iloʼi anai koa e te ʼAtua?

22 ʼE matou tauʼi te mate ʼi te ʼaho fuli, he ʼe matou tauhi kia te koe,

Pea kua matou hage ko he ʼu ovi ʼe ʼave ke matehi.+

25 Neʼe li matou ki te efu,

Pea kua tuku matou ʼi te kele.+

Ki te pule ʼo te kau faimaholo. Masikile* ʼa te ʼu foha ʼo Kole, ʼo mulimuli ki te fasi ʼo te hiva

“Te ʼu Lilio.”+ Ko he hiva fakalaukau.

 3 Tagata malohi,+ haʼi tau heleta+ ki tou faʼahi,

ʼE ke maʼu te ʼalikisia mo te taulekaleka.+

 4 Pea ʼi tou taulekaleka alu ʼo malo ʼi te tau.+

Heka ki tau hosi ʼo tau maʼa te hahaʼi agavaivai, mo te moʼoni, mo te faitotonu,+

Pea ʼe fakahoko* anai e tou nima mataʼu ni meʼa fakamataku.

 5 ʼE masila ʼau kauʼi nahau pea ʼe fetoki ai te hahaʼi ʼi ʼou muʼa.+

ʼE ulu loloto te ʼu kauʼi nahau ki te ʼu mafu ʼo te ʼu fili ʼo te hau.+

 6 ʼE foaki atu e te ʼAtua te pule fakahau ʼo talu ai.+

Ko tou tokotoko fakahau ʼe ko te tokotoko ʼo te faitotonu.+

 8 ʼE magoni ʼou teu fuli ko te mila,* mo te aloese, pea mo te kasia.*

ʼE ke fakafiafia ʼi te ta ʼo te ʼu meʼa faimaholo kauʼi uka ʼae ʼe logo mai mai te fale hau ivuale* matalelei.

10 Taʼahine, tokaga ʼo fagono mai.

Galoʼi tau hahaʼi mo te ʼapi ʼo tau tamai.

11 ʼE fakaʼamu anai te hau ki tou finemui,

He ʼe ko tou ʼaliki,

Ke ke tulolo ʼi ʼona muʼa.

12 ʼE haʼu anai te taʼahine ʼo Tile mo he meʼa ʼofa.

ʼE kumi anai e te hahaʼi maʼu koloa tou ʼofa.*

13 ʼE taulekaleka te ʼofafine ʼo te hau ʼi te fale hau.

ʼE tui fakailoga ʼona teu ʼaki te aulo.

15 ʼE taki anai natou ʼi te fakafiafia.

ʼE natou feulufi anai ki te fale hau.

46 Ko te ʼAtua ko totatou nonoʼaga mo totatou malohi,+

Ko he tokoni ʼe faigafua tona maʼu ʼi te ʼu temi mamahi.+

 2 Koia ʼae ʼe mole tou matataku anai tatau aipe pe ʼe fetogi te agaaga ʼo te kele,

Peʼe holo te ʼu moʼuga ʼo kaku ki te takele ʼo te tai,+

 3 Peʼe gugulu te ʼu vai mo fiho,+

Peʼe galulu te ʼu moʼuga ʼuhi ko te hou ʼo te tai. (Sela)

 4 ʼE ʼi ai te vai tafe mo ʼona tafega vai ʼe fiafia ai te kolo ʼo te ʼAtua,+

Te tapenakulo taulekaleka mo taputapu ʼo te Maʼoluga.

 6 Neʼe maveuveu te hahaʼi pea neʼe holoʼi te ʼu puleʼaga.

Neʼe leʼo lahi ake te ʼAtua pea mafaʼa ai te kele.+

 7 ʼE nofo ia Sehova ʼo te ʼatu kautau mo tatou,+

Ko te ʼAtua ʼo Sakopo ko totatou nonoʼaga moʼoni. (Sela)

 8 Kotou ʼomai ʼo sisio ki te ʼu gaue ʼa Sehova,

Ki te ʼu meʼa fakaofoofo ʼae neʼe ina fai ʼi te kele.

ʼE ina fasiʼi te nahau pea mo maumauʼi te tao.

ʼE ina tutu te ʼu saliote tau.*

ʼE fakakololiaʼi anai au ʼi te ʼatu puleʼaga.+

ʼE fakakololiaʼi anai au ʼi te kele.”+

11 ʼE nofo ia Sehova ʼo te ʼatu kautau mo tatou,+

Ko te ʼAtua ʼo Sakopo ko totatou nonoʼaga moʼoni.+ (Sela)

 2 Ko Sehova te Maʼoluga ʼe fakamanavahe.+

ʼE ko ia te Hau lahi ʼi te kele katoa.+

 3 ʼE ina fakamaʼua ki te hahaʼi ke fakalogo mai kia tatou.

ʼE ina tuku ni puleʼaga ki ʼotatou lalo vaʼe.+

 4 ʼE ina filifili he tofiʼa maʼa tatou,+

ʼAe ʼe fiameʼameʼa ai ia Sakopo, tona ʼofaʼaga.+ (Sela)

 5 Neʼe hake te ʼAtua kae kalaga fakafiafia te hahaʼi.

Neʼe hake ia Sehova ʼi te tagi ʼo te fakatagi pupuhi.*

 7 ʼE Hau te ʼAtua ki te kele katoa.+

Kotou hiva fakavikiviki mo fakasiosio poto.

 9 Neʼe fakatahitahi te ʼu pule ʼo te hahaʼi

Mo te hahaʼi ʼa te ʼAtua ʼo Apalahamo.

48 ʼE maʼoluga ia Sehova pea ʼe tuha ia mo te fakavikiviki

ʼI te kolo ʼo totatou ʼAtua, ʼi tona moʼuga taputapu.

 2 ʼE tuʼu te Moʼuga ʼo Sione ʼi te ʼu potu taupotu ʼo te noleto,

ʼE taulekaleka ʼi tona maʼoluga, ʼe ko te fiafiaʼaga ʼo te kele katoa,+

Te kolo ʼo te Hau Lahi.+

 3 ʼI ʼona tule malohi,

Neʼe fakaha e te ʼAtua ko ia te nonoʼaga moʼoni.+

 4 Koʼeni kua fakatahitahi te ʼu hau,

Neʼe natou olo fakatahi.

 6 Neʼe natou tekelili,

ʼO natou mamahi ai ohage ko he fafine ʼe fanau.

 8 ʼI te temi nei, kua matou sio tonu ki te ʼu meʼa ʼae neʼe matou logo ki ai,

ʼI te kolo ʼo Sehova ʼo te ʼatu kautau, te kolo ʼo tomatou ʼAtua.

 9 ʼAtua e, ʼe matou metitasio* ki tou ʼofa agatonu,+

ʼI tou fale lotu.

10 ʼAtua e, ʼe vikiʼi koe mo tou huafa

ʼO kaku ki te ʼu potu taupotu ʼo te kele.+

11 Ke fakafiafia te Moʼuga ʼo Sione,+

Ke fakafiafia te ʼu kolo* ʼo Suta ʼuhi ko ʼau faifakamau.+

12 Kotou foliʼi ia Sione, ʼei, kotou foliʼi katoa.

Kotou lau ʼona tule.+

Kotou vakavakaʼi ʼona tule malohi,

Ke feala ai hakotou fakamatala ki te ʼu taʼiake ʼae ka hoa mai.

Hahaʼi fuli ʼo te malama kotou tokakaga,

 2 Ia koutou liliki mo koutou lalahi,

Ia koutou ʼae ʼe maʼu koloa peʼe masisiva.

 3 ʼE au puʼaki anai ni palalau fakapotopoto,

ʼE au maʼu anai ni fakakaukau fakapotopoto.+

 4 ʼE au tokagaʼi anai he taʼaga lea.

ʼE au ta anai te alepa moʼo fakamahino ʼo te taʼaga lea.

 5 He koʼe ʼe au tuʼania anai ʼi te temi ʼo te malaʼia,+

Moka ʼa takai au e te kau agakovi mo faigaʼi ke natou fakamamahiʼi au?

 6 Ko natou ʼae ʼe falala ki ʼonatou koloa,+

Pea mo fiameʼameʼa ʼi te lahi ʼo ʼonatou koloa,+

 7 ʼE mole he tahi ia natou ʼe feala ke ina totogi hona tehina,

Peʼe foaki ki te ʼAtua he totogi* moʼona fakaʼateainaʼi,+

 8 (ʼE mole lavaʼi ia ʼi he temi ke natou totogi he maʼuli ʼo he tagata,

He ʼe maʼoluga ʼaupito tona totogi*)

 9 Ke maʼuli ʼo talu ai pea ke mole hifo ki te luo.*+

10 ʼE kita iloʼi pe ʼe toe mamate mo te kau popoto,

ʼO feia ki te tagata vale,+

Pea ʼe tonu ke tuku ʼonatou koloa ki ʼihi.+

11 Ko te meʼa ʼae ʼe natou fakaʼamu ki ai, ke tologa tuʼumaʼu ʼonatou ʼapi,

Peʼe ko ʼonatou fale la, mai he taʼiake ki he tahi taʼiake.

12 Logope la te fakaʼapaʼapaʼi ʼo te tagata, kae ʼe mole maʼuli anai.+

ʼE mole hona ia kehekehe mo te ʼu manu ʼae ʼe mamate.+

13 Ko te ikuʼaga ʼaia ʼo te tagata vale+

Pea mo natou ʼae ʼe natou muliʼi ia ia mo leleiʼia ʼana palalau vaʼiganoa. (Sela)

ʼE hage anai te mate ko honatou tagata tauhi ovi.

ʼI te uhu ʼe puleʼi anai natou e te ʼu tagata faitotonu.+

Kua natou pupuli ʼosi.+

Ko tonatou nofoʼaga ko te Faitoka*+ kae ʼe mole ko he fale hau.+

15 Kae ʼe toe totogi anai au e te ʼAtua mai te pule ʼa te Faitoka,*+

He ʼe ina puke anai au. (Sela)

16 ʼAua naʼa ke mataku ʼuhi ko te maʼu koloa ʼa he tagata,

ʼUhi ko te ʼaʼasili taulekaleka ʼo tona ʼapi,

17 He ʼe mole ina ʼave anai he meʼa moka mate.+

ʼE mole hifo anai mo ʼona koloa.+

20 Ko te tagata ʼae ʼe mole mahino ki te faʼahi ʼaia, logope la tona fakaʼapaʼapaʼi,+

ʼE mole hona ia kehekehe mo te ʼu manu ʼae ʼe mamate.

50 ʼE palalau ia Sehova, te ʼAtua ʼo te ʼu ʼatua.+

ʼE ina pauʼi te hahaʼi ʼo te kele

Mai te hopoʼaga ʼo te laʼa ki te toʼaga ʼo te laʼa.*

ʼE ulo he afi kakaha ʼi ʼona muʼa,+

Pea ʼe agi he tuʼani matagi ʼi ʼona tafa.+

 4 ʼE ina pauʼi te ʼatu lagi mo te kele+

Ke ina fakamauʼi tana hahaʼi, ʼo ina ui:+

 5 “Kotou fakatahiʼi mai ʼaku hahaʼi agatonu,

Ia natou ʼae ʼe natou fai he fuakava mo au ʼaki he sakilifisio.”+

 6 ʼE kalagaʼi e te ʼatu lagi tana faitotonu,

Koteʼuhi ko te ʼAtua totonu ʼae ʼe ko te Tuʼi Fakamau.+ (Sela)

 7 “Siʼaku hahaʼi, kotou fagono mai, ʼe au palalau anai.

Hahaʼi ʼo Iselaele, ʼe au tukugakoviʼi anai koutou.+

 8 ʼE mole au fakatonutonuʼi koutou ʼuhi ko ʼakotou sakilifisio,

Peʼe ko ʼakotou holokoseta ʼae ʼe kotou momoli tuʼumaʼu ʼi ʼoku muʼa.+

 9 ʼE mole ʼaoga ke au toʼo mai he vitulo mai ʼokotou fale manu,

Peʼe ko ni tao mai ʼokotou lotoʼa,+

10 He ʼe ʼaʼaku te ʼu manu fuli ʼo te vao matuʼa,+

ʼO toe feia pe mo te ʼu manu ʼi ni moʼuga ʼe afe.

11 ʼE au iloʼi te ʼu manulele fuli ʼo te ʼu moʼuga.+

ʼE ʼaʼaku te ʼatu faga manu ʼo te vao.

12 Kapau la neʼe au fia kai, ʼe mole au fakaha atu anai,

He ʼe ʼaʼaku te kele maʼuli pea mo meʼa fuli ʼe maʼu ai.+

13 ʼE au kai anai koa te kakano ʼo te ʼu vitulo

Pea mo inu te toto ʼo te ʼu tao?+

14 Kotou momoli ki te ʼAtua ʼakotou sakilifisio ʼae ko ni fakafetaʼi,+

Pea kotou fakahoko ʼakotou fakapapau ʼae neʼe kotou fai ki te Maʼoluga.+

15 Kotou pauʼi mai ʼi te temi ʼo te mamahi.+

“Ko ai ʼae neʼe ina fakagafua atu ke ke lau ʼaku pelesepeto+

Mo ke palalau ʼo ʼuhiga mo taku fuakava?+

17 He ʼe ke fehiʼa ki te fakatonutonu,*

Pea ʼe ke fakafisi tuʼumaʼu pe ki ʼaku folafola.+

18 Ka ke sio ki he tagata kaihaʼa, ʼe ke tali tana aga,*+

Pea ʼe ke fakatahi mo te hahaʼi tono.

19 ʼE ke fakamafola te meʼa ʼae ʼe kovi ʼaki tou gutu,

Pea ʼe pipiki te kaka ki tou gutu.+

20 ʼE ke heka pea ʼe ke laukovi ki tou tehina.+

ʼE ke fakaha te ʼu hala ʼo* te tama ʼo tau faʼe.

21 Neʼe au fakalogologo ʼi tau fai te ʼu aga ʼaia,

Koia ʼae neʼe ke ui ai ʼe au hage ko koe.

Kae ʼi te lakaga nei, ʼe au fakatonutonuʼi anai koe,

Pea mo fakahaha atu te meʼa ʼae ʼe au koviʼia ia koe.+

22 Fakalelei siʼokotou ʼu loto, ia koutou ʼae ʼe kotou galoʼi te ʼAtua, fakakaukauʼi te meʼa ʼaia,+

Naʼa au molehi koutou, pea ʼe mole ʼi ai anai he tahi ke ina haofaki koutou.

23 ʼE fakakololiaʼi au e ia ʼae ʼe ina momoli tana sakilifisio ʼae ko hana fakafetaʼi.+

ʼE haofaki anai e te ʼAtua

Ia ia ʼae ʼe lotomalohi ke ina fai te meʼa ʼae ʼe lelei.”+

 2 Fakamaʼa katoa au mai taku hala,+

ʼEi, fakamaʼa au mai taku agahala.+

 3 He ʼe au mahino lelei ki ʼaku talagataʼa,

ʼE au manatuʼi tuʼumaʼu taku agahala.+

 4 Neʼe au agahala kia te koe, ʼei, neʼe au agahala tafito kia te koe,*+

Neʼe au fai te meʼa ʼae ʼe kovi kia te koe.+

Koia ʼe ke faitotonu moka ke palalau,

ʼEi, ʼe ke faitotonu moka ke faifakamau.+

 5 Neʼe fanauʼi au kae neʼe kua au lakahala,

Pea ʼi te temi pe ʼae neʼe faitamaʼi ai au e taku faʼe neʼe kua au agahala.+

 6 ʼE ke fiafia ʼi tau sio ki he loto ʼe moʼoni.+

Akoʼi ki toku loto te poto moʼoni.

 7 Fakamaʼa au mai taku agahala ʼaki te isope* ke feala ai haku maʼa.+

Fakamaʼa au ke au hihina age ʼi te nive.+

 8 Tuku ke au logo ki te ʼu fakafiafia,

Pea ke fiafia ʼoku hui ʼae neʼe ke laliki.+

 9 Ke haga kehe tou fofoga mai ʼaku agahala,+

Pea ke molehi ʼaku hala fuli.+

10 ʼAtua e, foaki mai he loto ʼe maʼa,+

Pea mo he ʼatamai foʼou+ ke au tuʼu malohi.

11 ʼAua naʼa ke kapu au mai ʼou muʼa.

ʼAua naʼa ke toʼo tou laumalie maʼoniʼoni mai ia au.

12 Ke au toe fiafia ʼi tau haofaki au.+

Fakatupu ia au te fia fakalogo kia te koe.

13 ʼE au fia akoʼi ʼou ala ki te kau talagataʼa,+

Ke toe liliu mai te kau agahala kia te koe.

14 ʼAtua e, siʼoku haofakiʼaga, fakamolemole mai ki te fakapo ʼae neʼe au fai,+

Ke feala ai haku kalagaʼi fakafiafia tau faitotonu.+

15 Sehova e, tokoni mai ke au palalau,

Ke feala ai haku vikiʼi koe.+

16 ʼE mole ke loto ki ni sakilifisio, ka na ʼaua la ʼe au momoli atu.+

ʼE mole ke leleiʼia te ʼu holokoseta.+

17 Ko te sakilifisio ʼae ʼe leleiʼia e te ʼAtua ʼe ko he loto ʼe mamahi,

ʼAtua e, ʼe mole ke siʼaki* anai he tahi ʼe taʼomia mo mafasia.+

18 ʼI tou manavaʼofa, fakahoko te meʼa ʼae ʼe lelei ʼo ʼuhiga mo Sione.

Toe laga te ʼu kaupa ʼo Selusalemi.

19 Pea ʼe ke leleiʼia anai te ʼu sakilifisio ʼo te faitotonu,

Mo te ʼu holokoseta pea mo te ʼu molaga ʼae ʼe tutu katoa.

Pea ʼe momoli ai anai ni vitulo ʼi tou ʼaletale.+

 2 ʼE masila tou ʼalelo ohage ko he mataʼi tele,+

ʼE ina fakatuʼutuʼu te ʼu gaue ʼae ʼe kovi pea mo ina fakahoko.+

 3 ʼE ke leleiʼia age te kovi ʼi te lelei,

ʼE ke leleiʼia age te loi ʼi te palalau ki te meʼa ʼae ʼe totonu. (Sela)

 4 ʼI gutukaka leva!

ʼE ke leleiʼia te ʼu palalau fuli ʼae ʼe fakatupu lavea.

 5 Koia ʼae ʼe pulihi ai anai koe e te ʼAtua ʼo talu ai.+

ʼE ina puke anai koe mo taʼaki mai tou fale la.+

ʼEi, ʼe ina taʼaki anai koe mai te fenua ʼo te kau maʼuli.+ (Sela)

 6 ʼE sio anai te kau faitotonu ki ai pea tupu ai hanatou fakaʼapaʼapa lahi kia te ia,+

Pea ʼe natou vaʼi anai te tagata agakovi, ʼo natou ui:+

 7 “Koʼeni te tagata ʼae neʼe mole kumi nonoʼaga ʼi te ʼAtua,+

Kae neʼe falala ia ki te lahi ʼo ʼona koloa,+

Pea mo ʼana fakatuʼutuʼu kaka.”

 8 Kae ʼe au hage anai au ko he fuʼu oliveto ʼe failau ʼi te fale ʼo te ʼAtua.

ʼE au falala anai ki te ʼofa agatonu ʼo te ʼAtua+ ʼo talu ai.

 9 ʼE au fia vikiʼi anai koe ʼo heʼe gata ʼuhi ko te ʼu gaue ʼae neʼe ke fakahoko.+

Ia muʼa ʼo tau hahaʼi agatonu,

ʼE au falala anai ki tou huafa,+ he ʼe ko he meʼa ia ʼe lelei.

ʼE kaka ʼanatou gaue pea ʼe fakalialia ʼanatou aga.

ʼE mole he tahi ʼe ina fai te meʼa ʼae ʼe lelei.+

 2 ʼE sioʼi e te ʼAtua te ʼu foha ʼo te tagata mai te lagi,+

ʼO vakaʼi pe ʼe ʼi ai he tahi ʼe fakasiosio poto, mo ina kumi ia Sehova.+

 3 Neʼe natou mavae fuli mai te ala ʼae ʼe totonu.

ʼE natou agakaka fuli.

ʼE mole he tahi ʼe ina fai te meʼa ʼae ʼe lelei,

ʼE mole pe la he foʼi tokotahi.+

 5 Kae ʼe natou matataku ʼaupito anai,

ʼEi, neʼe heʼeki natou matataku feia ki muʼa atu,*

He ʼe laku anai e te ʼAtua te ʼu hui ʼo natou ʼae ʼe natou tauʼi ia koe.

Ke fakafiafia ia Sakopo, ke fiafia ia Iselaele,

Moka toe fakaliliu mai e Sehova tana hahaʼi mai te maʼuli popula!

54 ʼAtua e, haofaki au ʼaki tou huafa,+

Pea mo puipui au+ ʼaki tou mafimafi.

 2 ʼAtua e, fagono ki taku faikole.+

Tokagaʼi ʼaku palalau,

 3 He ʼe fakafeagai mai ni matapule kia au,

Pea ʼe fia matehi au e ni tagata ʼe agafefeka.+

 4 Ko te ʼAtua ko toku haofakiʼaga.+

ʼE nofo ia Sehova mo natou ʼae ʼe lagolago mai kia au.

 5 ʼE ina liufaki anai ki ʼoku fili+ ʼanatou agakovi.

Ke ke pulihi natou ʼuhi ko tau agatonu.+

 7 He ʼe ina haofaki au mai ʼoku mamahi fuli,+

Pea ʼe au fiafia anai ʼi te sio ki te to ʼo ʼoku fili.+

55 ʼAtua e, fagono mai ki taku faikole,+

Pea ʼaua naʼa ke meʼa noaʼi taku kole atu tou manavaʼofa.*+

ʼE au hoha ʼuhi ko taku tuʼania,+

Pea ʼe au mataku

 3 ʼUhi ko te ʼu palalau ʼo ʼoku fili

Pea mo te fakafeagai mai ʼa te tagata agakovi.

ʼE natou fakahoko ni malaʼia,

Pea mo lotokovi kia au.+

 4 ʼE au lototuʼania,+

ʼE au mataku naʼa matehi au.+

 5 ʼE au mataku mo tekelili,

Pea ʼe tete toku sino katoa.

 8 ʼE au lele anai ki he nonoʼaga

ʼE mamaʼo mai te tuʼani matagi mo te afā.”

 9 Sehova e, fakamaveuveuʼi ia natou pea ke to noa ʼanatou fakatuʼutuʼu,*+

Koteʼuhi neʼe au sio ʼe hoko ʼi te kolo te agamalohi mo te fekēʼaki.

10 ʼEi, ʼi te ʼaho mo te po ʼe hoko ʼi ʼona kaupa.

ʼE maʼu te lotokovi mo te malaʼia ʼi te kolo.+

11 ʼE maumau te kolo,

ʼE mole puli te agamalohi mo te kaka ʼi te malaʼe lahi.+

12 ʼE mole ko he fili ʼae ʼe ina laukoviʼi au,+

Ka na ʼaua la ʼe feala pe ke au katakiʼi.

ʼE mole ko he fili ʼae neʼe fakafeagai mai,

Ka na ʼaua la ʼe feala pe ke au hola mai ia ia.

13 Kae ko koe, he tagata ohage ko au,+

Toku kaumeʼa totonu ʼae ʼe au iloʼi lelei.+

14 Neʼe ma fiafia ʼi tamā fakakaumeʼa lelei.

Neʼe ma olo fakatahi mo te hahaʼi ki te fale ʼo te ʼAtua.

Ke natou hifo maʼuli ki te Faitoka,*

He ʼe kua mafola te agakovi pea ʼe natou toe agakovi pe.

16 Kae ʼe au kalaga anai au ki te ʼAtua,

Pea ʼe haofaki anai au e Sehova.+

17 ʼE au hoha mo lauga ʼi te afiafi, mo te uhu, mo te hoʼata,+

Pea ʼe logo ki toku leʼo.+

18 ʼE ina haofaki* anai au mai ia natou ʼae ʼe natou tauʼi au pea ʼe ina foaki mai anai te tokalelei,

He ʼe tauʼi au e he hahaʼi tokolahi.+

19 ʼE logo anai te ʼAtua pea ʼe ina tali anai kia natou,+

Ia ia ʼae ʼe ʼafio talu mai te temi muʼa.+ (Sela)

ʼE mole fia fetogi anai

Ia natou ʼae ʼe mole manavasiʼi ki te ʼAtua.+

20 Neʼe ina* tauʼi ia natou ʼae neʼe tokalelei mo ia.+

Neʼe ina maumauʼi tana fuakava.+

21 ʼE malū age ʼana palalau ʼi te potilo,+

Kae ʼe lotokovi ia.

ʼE lave lelei age ʼana palalau ʼi te lolo,

Kae ʼe hage ia ko he ʼu heleta masila.+

22 Li tau kavega kia Sehova,+

Pea ʼe tokoni atu anai.+

 2 ʼE kumi tuʼumaʼu au ʼi te ʼaho katoa e ʼoku fili ke natou puke au.

ʼE tauʼi au e he tokolahi ʼaki te fialahi.

 4 ʼE au falala ki te ʼAtua, ʼae ʼe au vikiʼi tana folafola,

ʼE au falala ki te ʼAtua, ʼe mole au mataku.

 5 ʼE natou tauʼi mo gaohi koviʼi au ʼi te ʼaho katoa.

ʼE natou fai mai pe te meʼa ʼae ʼe kovi.+

 6 ʼE natou fenonoʼi ke natou ʼohofi au.

ʼE natou lamalama ʼoku lakaʼaga fuli,+

Pea ʼe natou fakaʼamu ke natou matehi au.+

10 ʼE au falala ki te ʼAtua, ʼae ʼe au vikiʼi tana folafola,

ʼE au falala kia Sehova, ʼae ʼe au vikiʼi tana folafola.

11 ʼEi, ʼe au falala ki te ʼAtua, ʼe mole au mataku.+

12 ʼAtua e, ʼe tonu ke au fakahoko te ʼu fakapapau ʼae neʼe au fai atu.+

ʼE au momoli atu anai ni sakilifisio ʼo te fakafetaʼi.+

13 Neʼe ke haofaki au mai te mate+

Pea neʼe mole ke tuku ke au tukia,+

Ke hoko atu ai toku maʼuli pea mo taku haʼele ia muʼa ʼo te ʼAtua.+

57 ʼAtua e, fakaha mai tou ʼofa, ʼei, fakaha mai tou ʼofa,

He ʼe au nono ia te koe,+

ʼE au nono ʼi te malumalu ʼo ʼou pakakau ʼo kaku ki te ʼosi ʼo te ʼu malaʼia.+

 2 ʼE au pauʼi te ʼAtua Maʼoluga,

Te ʼAtua moʼoni ʼae ʼe ina fakagata ʼoku malaʼia.

 4 ʼE ʼa takai au e ni laione,+

ʼE au moe fakakinau ʼi te lotolotoiga ʼo ni tagata ʼe natou fia kai au.

Ko ʼonatou nifo ko ni tao mo ni kauʼi nahau,

Pea ko tonatou ʼalelo ʼe ko he heleta masila.+

 5 ʼAtua e, ke ke maʼoluga age ʼi te ʼatu lagi,

Ke maʼu tou kololia ʼi te kele katoa.+

 6 Neʼe natou teuteuʼi he hele ke au to ki ai.+

Kua au mapelu ifo ʼi toku lotomamahi.+

Neʼe natou keli he luo ʼi ʼoku muʼa,

Kae ko natou ʼae neʼe fetoki ki ai.+ (Sela)

 7 ʼAtua e, ʼe malohi toku loto,+

ʼEi, ʼe malohi toku loto.

 9 Sehova e, ʼe au vikiʼi anai koe ʼi te lotolotoiga ʼo te hahaʼi.+

ʼE au hiva atu anai ni fakavikiviki* ʼi te lotolotoiga ʼo te ʼu puleʼaga.+

10 ʼE lahi tou ʼofa agatonu ohage ko te maʼoluga ʼo te ʼatu lagi,+

Pea ʼe kaku tau agatonu ki te lagi kauʼaoa.

11 ʼAtua e, ke ke maʼoluga age ʼi te ʼatu lagi.

Ke maʼu tou kololia ʼi te kele katoa.+

Ki te pule ʼo te kau faimaholo. Mikitame* ʼa Tavite, ʼo mulimuli ki te fasi ʼo te hiva

“ ʼAua Naʼa Ke Maumauʼi.”

 2 Kailoa ia, ʼe kotou fai ni fakatuʼutuʼu heʼe faitotonu ʼi ʼokotou loto,+

Pea ʼe kotou fakahoko te agamalohi ʼi te fenua.+

 3 ʼE agakaka te kau agakovi talu mai tanatou tutupu.

ʼE natou agatuʼu, mo gutuloi talu mai te ʼaho ʼae neʼe natou tutupu ai.

 4 ʼE hage tonatou kafokona ko te kafokona ʼo te gata.+

ʼE natou tuli ohage ko te gata ʼae ʼe ina pupunu ʼona taliga.

 5 ʼE mole fakalogo anai ki te leʼo ʼo te ʼu tagata ʼae ʼe gaohi meʼa fakatemonio,

Logope la tonatou faiva ʼi te gaohi meʼa fakatemonio.

 8 Ke natou hage ko he esikalako kua vave mate,

Peʼe ko he kiʼi toe neʼe fanauʼi mai kua mate ʼe mole sio anai ki te laʼa.

 9 ʼE ʼave anai e te ʼAtua te vaʼa ʼakau mata mo te vaʼa ʼakau ʼae ʼe ulo, ohage ko he afā,

Kae heʼeki mafana ʼakotou kulo ʼi te vela ʼo te ʼu ʼakau talatala.+

10 ʼE fiafia anai te tagata faitotonu he neʼe sio ki te lagavaka.+

ʼE maʼanu anai ʼona vaʼe ʼi te toto ʼo te kau agakovi.+

59 Siʼoku ʼAtua, haofaki au mai ʼoku fili.+

Puipui au mai ia natou ʼae ʼe fakafeagai mai kia au.+

 2 Haofaki au mai ia natou ʼae ʼe agakovi,

Pea mo natou ʼae ʼe agamalohi.

 3 ʼE natou fenonoʼi ke natou ʼohofi au.+

Sehova e, neʼe mole au talagataʼa pe neʼe au agahala,

Kae ʼe tauʼi au e ni tagata malolohi.+

 6 ʼE natou toe liliu mai ʼi te afiafi fuli.+

ʼE natou hage ko ni kuli ʼe ko*+ mo feoloʼaki ʼi te kolo.+

 7 Tokagaʼi te meʼa ʼae ʼe natou puʼaki* mai ʼi ʼonatou gutu.

ʼE hage ʼonatou laugutu ko ni heleta,+

He ʼe natou ui: “Ko ai ʼae ʼe fakalogo?”+

 8 Kae Sehova e, ʼe ke kataʼi anai koe ia natou.+

ʼE ke vaʼi anai te ʼatu puleʼaga fuli.+

 9 Siʼoku Malohiʼaga, ʼe au talitali atu anai.+

Ko te ʼAtua ʼe ko toku nonoʼaga moʼoni.+

10 ʼE tokoni mai anai te ʼAtua ʼae ʼe ina fakaha mai tona ʼofa agatonu.+

ʼE tuku anai e te ʼAtua ke au fiafia ʼi te sio ki te to ʼo ʼoku fili.+

Ke natou hehe ʼi tou mafimafi.

Sehova e, tomatou meʼa tali tau, fakato natou.+

12 Ke natou to ki he hele ʼi tanatou fiameʼalahi,+

He ʼe natou agahala ʼi te ʼu palalau ʼae ʼe natou fai,

ʼUhi ko ʼanatou laukovi pea mo ʼanatou palalau kaka.

13 Matematehi natou ʼi tou hauhau.+

ʼEi, matematehi natou ke natou pulinoa.

Fakaha age kia natou ʼe pule te ʼAtua kia Sakopo ʼo kaku ki te ʼu potu taupotu ʼo te kele.+ (Sela)

14 Ke natou toe liliu mai ʼi te afiafi.

Ke natou hage ko ni kuli ʼe ko* mo feoloʼaki ʼi te kolo.+

15 Ke natou he noa ʼi te kumi ʼo tanatou meʼa kai.+

Ke mole natou makokona pea ke mole maʼu honatou nofoʼaga.

16 Kae ʼe au hiva anai ʼo ʼuhiga mo tou mafimafi.+

ʼI te uhu ʼe au fiafia anai ʼi te fakamatala ʼo tou ʼofa agatonu.

Ko koe toku nonoʼaga moʼoni+

Pea mo he koga meʼa ʼe au hola ki ai ʼi te temi mamahi.+

17 Siʼoku Malohiʼaga, ʼe au hiva atu anai ni fakavikiviki,*+

He ʼe ko te ʼAtua ko toku nonoʼaga moʼoni, te ʼAtua ʼae ʼe ina fakaha mai tona ʼofa agatonu.+

 4 Foaki* he fakailoga kia natou ʼae ʼe manavasiʼi kia te koe,

Ke natou feholaki mo hao ʼi te ʼu kauʼi nahau.* (Sela)

 5 Haofaki matou ʼaki tou nima mataʼu pea ke tali mai kia matou,

Ke haofaki ai ʼou ʼofaina.+

“ ʼE au fakafiafia anai, ʼe au foaki anai ia Sekemi ko he tofiʼa,+

ʼE au fuafua anai te Potu Fenua Laulelei ʼo Sukoti.+

 7 ʼE ʼaʼaku ia Kileate ʼo feia pe mo Manase,+

Pea ko Efalaimi ʼe ko he puloga ki toku ʼulu.

Ko Suta ko toku toko fakaʼaliki.+

10 ʼAtua e, ʼe mole koa la ko koe ʼae neʼe ke siʼaki matou?

Siʼomatou ʼAtua, ʼe mole kei ke kau koa mo ʼamatou kautau?+

11 Haofaki matou ʼi ʼomatou mamahi,

Koteʼuhi ko te haofaki ʼa te tagata ʼe vaʼiganoa.+

12 ʼE tou maʼu anai te malohi mai te ʼAtua,+

Pea ʼe ina malamalaki anai ʼotatou fili.+

 2 ʼI te temi ʼae ʼe au lotomamahi ai,

ʼE au tagi kia te koe ʼi te ʼu potu taupotu ʼo te kele.+

 3 Ko koe toku nonoʼaga,

He tule malohi ʼe puipui ai au mai te ʼu fili.+

 4 ʼE au loto ke fakaafe au ki tou fale la ʼo talu ai.+

ʼE au fia nono ʼi ʼou lalo pakakau.+ (Sela)

 6 ʼE ke hilifaki anai ni ʼaho ki te maʼuli ʼo te hau,+

Pea ʼe maʼuli anai mai he taʼiake ki he tahi taʼiake.

 7 ʼE heka anai ʼi tona hekaʼaga fakahau* ia muʼa ʼo te ʼAtua ʼo talu ai.+

Fakaha age ki ai tou ʼofa* mo tau agatonu, ke puipui ai ia ia.+

 8 Pea ʼe au vikiʼi anai tou huafa ʼaki ni hiva* ʼo talu ai,+

Mo fakahoko ʼaku fakapapau ʼi te ʼaho fuli.+

 2 ʼEi, ko ia toku ʼutu, mo toku haofakiʼaga, mo toku nonoʼaga moʼoni.+

ʼE mole au tukia anai ʼo toka ʼi he temi.+

 4 ʼE natou felogoi ke natou fakahifo ia ia mai tona tuʼulaga maʼoluga.

ʼE natou leleiʼia te loi.

 5 ʼEi, ʼe au atalitali fakalogologo ki te ʼAtua+

He ʼe ko ia toku falalaʼaga.+

 6 ʼEi, ko ia toku ʼutu, mo toku haofakiʼaga, mo toku nonoʼaga moʼoni.

ʼE mole au tukia anai ʼi he temi.+

 9 ʼE hage te ʼu foha ʼo te tagata ko he ʼaele,

ʼEi, ʼe hage te ʼu foha ʼo te tagata ko he moemisi.+

10 ʼAua naʼa kotou falala ki te faikaka ke kotou maʼu koloa ai,

ʼAua naʼa kotou ui ʼe kotou maʼu anai he ʼu lelei mai te kaihaʼa.

12 Sehova e, ʼe ke toe maʼu foki mo te ʼofa agatonu,+

He ʼe ke liufaki ki te takitokotahi ʼo mulimuli ki ʼana gaue.+

ʼE au vaivai ʼi te lahi ʼo taku fakaʼamu kia te koe,

Kae ʼe au nofo ʼi he kele kaka, mo magemage, ʼe mole maʼu ai he vai.+

 2 Koia neʼe au sio atu ai kia te koe ʼi te koga meʼa taputapu.

Neʼe au sio ki tou mafimafi mo tou kololia.+

 3 ʼE au vikiʼi anai ia koe,+

He ʼe lelei age tou ʼofa agatonu ʼi te maʼuli.+

 4 ʼEi, ʼe au vikiʼi anai ia koe ʼi toku maʼuli katoa.

ʼE au hiki anai ʼoku nima ʼo fetapa ki tou huafa.

 5 Kua au makona he ʼe ke foaki mai te vahe ʼae ʼe lelei tukupau,

Koia ʼae ʼe au vikiʼi anai koe ʼaki ni kalaga fakafiafia.+

 6 ʼE au manatuʼi ia koe ʼi toku moeʼaga.

ʼE au fakakaukau* ʼo ʼuhiga mo koe lolotoga te poʼuli.+

 7 Ko koe toku haofakiʼaga,+

Pea ʼe au kalaga fakafiafia ʼi te malu ʼo ʼou pakakau.+

 8 ʼE au pipiki kia te koe,

Pea ʼe ke puke malohi au ʼaki tou nima mataʼu.+

 9 Kae ko natou ʼae ʼe natou fia matehi au,

ʼE hihifo anai ki te ʼu potu loloto ʼo te kele.

10 ʼE matehi anai natou ʼaki te heleta.

ʼE natou liliu anai ko he meʼa kai ʼa te ʼu kuli vao.

Pea ʼe fiafia anai ia ia ʼae ʼe ina fai he fakapapau ʼo fakamoʼoni ʼaki te ʼAtua,

He ʼe mapunuʼi anai te gutu ʼo natou ʼae ʼe gutuloi.

 2 Puipui au mai te ʼu fakatuʼutuʼu ʼa te kau agakovi,+

Mai te hahaʼi agakaka kaugamalie.

 3 ʼE hage ʼonatou ʼalelo ko ni heleta masila.

ʼE natou puʼaki ni palalau kovi ʼe hage ko ni kauʼi nahau,

 4 ʼE natou fana mai ʼonatou nonoʼaga ia ia ʼae neʼe mole ina fai he meʼa ʼe kovi.

ʼE natou fana fakafokifa ia ia, ʼo mole natou matataku.

 5 ʼE natou fia hoko atu pe ʼanatou fakatuʼutuʼu kovi.*

ʼE natou felogoi ki he faʼahiga fufu ʼo ʼanatou hele.

 6 ʼE natou fakakaukauʼi ni fakatuʼutuʼu kaka foʼou.

ʼE natou fai fakafufu ʼanatou puleʼaki.+

ʼE mole feala ke iloʼi te manatu ʼa te takitokotahi.

 7 Kae ʼe fana anai natou e te ʼAtua ʼaki ni kauʼi nahau,+

Pea fokifa pe kua natou lavevea ai.

 8 ʼE natou tukia anai ʼuhi pe ko ʼanatou palalau.+

ʼE kalokalo anai te ʼu ʼulu ʼo natou fuli ʼae ka sisio ki ai.

 9 Pea ʼe matataku anai te tagata fuli,

ʼE natou fakamatala anai te meʼa ʼae neʼe fai e te ʼAtua,

Pea ʼe natou mahino anai ki ʼana gaue.+

10 ʼE fiafia anai te tagata faitotonu ʼo ʼuhiga mo Sehova pea ʼe nono anai ia te ia.+

ʼE fiafia anai ia natou fuli ʼae ʼe lelei ʼonatou loto.

65 ʼAtua e, ʼe vikiʼi anai koe ʼi te Moʼuga ʼo Sione.+

ʼE matou fakahoko anai te ʼu fakapapau ʼae neʼe matou fai atu.+

 3 ʼE au lotomamahi ʼuhi ko ʼaku hala,+

Kae ʼe ke fakamolemole ʼamatou talagataʼa.+

 4 Manuʼia ia ia ʼae ʼe ke filifili mo ke taki mai

Ke nofo ʼi ʼou malaʼe.+

ʼE matou makokona anai ʼi te ʼu meʼa lelei ʼo tou fale,+

Tou fale lotu taputapu.*+

 5 ʼAtua e, siʼomatou haofakiʼaga,

ʼE ke tali mai anai ʼo ke fakahoko he ʼu gaue faitotonu mo fakaofoofo.+

Ko koe te Falalaʼaga ʼo te hahaʼi fuli ʼo te ʼu potu taupotu ʼo te kele,+

Pea mo natou ʼae ʼe nonofo mamaʼo ʼi te tahi faʼahi ʼo te tai.

 6 Neʼe ke* fakatuʼu malohi te ʼu moʼuga ʼaki tou mafimafi,

ʼEi, ʼe ke mafimafi.+

 7 ʼE ke* fakagona te tai ʼae ʼe hou,+

Mo ʼona peau lalahi pea mo fakatokatoka te maveuveu ʼo te ʼu puleʼaga.+

 8 ʼE punamaʼuli anai te hahaʼi ʼae ʼe nonofo mamaʼo ʼi ʼau gaue.+

ʼE natou kalaga fakafiafia anai ʼuhi ko koe mai te ʼu potu fenua ʼo te hopoʼaga ʼo te laʼa ʼo kaku ki tona toʼaga.

 9 ʼE ke tokaga ki te kele,

ʼE ke fakamaʼuli lelei ke mahu.+

ʼE loloto te liuʼa ʼo te ʼAtua.

ʼE ke foaki te meʼa kai ki te hahaʼi,+

He neʼe feia tau teuteuʼi te kele.

10 ʼE ke fakavai ʼana gaueʼaga pea mo fakatokalelei te kele ʼae kua fuli.

ʼE ke fakamalū ʼaki ni ʼua lalahi, pea mo tapuakiʼi ʼo fakahomo ʼona huli.+

11 ʼI te taʼu fuli, ʼe ke foaki lahi te ʼu tapuakina.

ʼE mahu anai ʼou ala ko ni meʼa lelei.+

12 ʼE maʼuli lelei te ʼu koga meʼa lunaʼia ʼo te toafa,*+

Pea ʼe lahi te fiafia ʼi te ʼu kiʼi moʼuga.+

13 Kua fonu te ʼu koga meʼa lunaʼia ko te faga manu,

Pea mo te ʼu potu fenua laulelei ko te fulumeto.+