Te Fakaʼaogaʼi Lelei ʼo Te ʼu Vaega

Soane 10:33-36

TE ʼU MANATU ʼAE KE TAʼOFI: ʼE mole tonu pe ke ke lau te vaega pea ke hiki atu ki he tahi manatu. Faiga ke mahino lelei te hahaʼi ki te pikipikiga ʼo te vaega ʼae ʼe ke lau pea mo te manatu ʼae ʼe ke fakaha.

TONA FAʼAHIGA FAI:

• Fakamaʼuhigaʼi te ʼu kupu tafito. ʼI tau ʼosi lau he vaega, fakamaʼuhigaʼi te ʼu kupu ʼae ʼe ʼi ai tona pikipikiga mo te manatu tafito ʼae ʼe ke fia fakaha. ʼE feala ke ke fai te faʼahi ʼaia ʼo ke toe lau te ʼu kupu ʼaia, peʼe ke fai he fehuʼi ke feala ai ki te hahaʼi ke natou iloʼi te ʼu kupu tafito.

• Fakamaʼuhigaʼi te manatu. Kapau ʼe ke fakaha te tupuʼaga ʼo tau lau he vaega, fakamahino tona pikipikiga mo te ʼu kupu tafito ʼo te vaega.

• Ke mahino gafua te ako ʼae ke taʼofi. ʼAua naʼa ke palalau ki he ʼu meʼa ʼe mole ʼaoga pea ʼe mole alu tahi mo te manatu tafito. Filifili te ʼu manatu ʼae ʼe ʼaoga ke mahino lelei ai te ako ʼae ʼe tonu ke taʼofi, ʼo mulimuli pe ki te ʼu meʼa ʼae kua iloʼi e natou ʼae ʼe fagono atu.