Li ngay wax na leer ci ñi lay déglu

1 Korent 14:9

LI NGA WAR A JÀPP: Dimbalil ñi lay déglu ba li ngay wax leer ci ñoom

NI NGA KO MËN A DEFE:

• Gëstul bu baax li nga nar a waxtaane. Xamal bu baax li nga war a waxtaane ba mën koo wax ak say kàddu bopp ci fasoŋ bu leer.

• Waxal ay kàddu yu gàtt te leer. Wax ak kàddu yu gudd bonul, waaye booy wax ci ponk yi gën a am solo def ko ak ay kàddu yu gàtt te leer.

• Leeralal kàddu yi nit ñi faralul di dégg. Moytul a wax kàddu yu ñi lay déglu faralul di dégg. Boo naree wax kàddu yu nit faralul di dégg, walla wax ci nit ku ñu tudd ci Biibël bi walla ci ni ñu doon natte walla peesee ca jamono yu yàgg ya, walla wax ci ay aada yu yàgg, leeral ko.