LESOŊ 11

Waxal ak cawarte

Room 12:11

LI NGA WAR A JÀPP: Waxal ak cawarte ngir xiir nit ñi ci jëfe li ñu dégg.

Li ngay wax, na jóge ci sa xol. Booy waajal sa bopp, xalaatal bu baax ci li tax li ngay waxtaane am solo lool. Xamal bu baax li nga bëgg a waxtaane, su ko defee dinga mën a wax ak sa xol bépp.
Xalaatal ñi la nar a déglu. Xalaatal bu baax ci njariñ bi nit ñi mën a jële ci li ngay liir walla jàngale te seetal ni ngay waxe ba ñu fonk bu baax li ñu dégg.
Na sa waxtaan xumb. Waxal ak cawarte. Li ngay yëg, na feeñ ci sa kanam ak ci ni ngay yëngale say loxo.

Moytul di yëngal say loxo ci benn fasoŋ rekk, ba nit ñi dootuñu bàyyi xel ci li ngay wax. Ni nga leen di yëngale, na yenu maanaa. Yokkal sa cawarte booy wax ci li gën a am solo ak booy xiir nit ñi ci jëfe li ñu dégg. Bul ëppal ci sa cawarte ba sonal ñi lay déglu.