Booleel ay laaj ci sa njàngale

Macë 16:13-16

LI NGA WAR A JÀPP: Laajal nit ñi ay laaj yuy tax ñu bëgg a déglu li ngay wax, ñu xalaat ci te gis bu baax ponk yi gën a am solo.

NI NGA KO MËN A DEFE:

• Fexeel ba nit ñi bëgg a déglu li ngay wax. Laajal ay laaj yuy tax nit ñi jéem a tontu ci seen xel walla ñu yàkkamtee xam tont bi.

• Dimbali leen ñu xalaat ci li ngay wax. Laajal ñi lay déglu ay laaj yuy tax ñu xam fi dëgg gi féete.

• Na ponk yi gën a am solo feeñ bu baax. Boo bëggee jàngal nit ponk bu am solo, laajal laaj buy tax mu bëgg cee xam dara. Boo waxee ci ponk bu am solo walla booy jeexal waxtaan bi, laajal ay laaj ngir fàttali li gën a am solo.