LESOŊ 13

Woneel bu baax njariñu li ngay jàngale

Kàddu yu Xelu 3:21

LI NGA WAR A JÀPP: Dimbalil ñi lay déglu ñu xam njariñu li ngay jàngale te won leen ni ñu ko mën a jëfe.

Xalaatal ñi la nar a déglu. Xalaatal bu baax ci li tax nit ñi war a xam li nga leen bëgg a jàngal, te seetal ci sa waxtaan lan moo leen di gën a amal njariñ.
Ci sa waxtaan bi yépp, wonal ñi lay déglu li ñu war a def. Booy komaase, ak ci waxtaan bi yépp, képp kuy déglu war na mën a wax ne: «Lii, dina ma amal njariñ». Booy wax ci ponk bu am solo bu nekk, woneel ni ñu ko mën a jëfe. Na njariñu li ngay wax leer bu baax.

Booy wone ni ñu mënee topp santaane yi nekk ci Biibël bi, def ko ak mbëggeel te nanga wone ne yëg nga ñi lay déglu. Bu leen jiiñ dara, waaye yokk leen mbëggeel te dëgëral seen ngëm, xam ne loolu moo leen war a xiir ci def lu baax.