Ukufeza Ubulungiseleli Bethu BoBukumkani Entsimini
1 Uthando ngoYehova nommelwane lusishukumisela ukuba sishumayele iindaba ezilungileyo zoBukumkani. Ngokuyisebenzisa ngobuchule inyaniso, sinokoyisa “iingcamango nayo yonke into engumqobo ekuzuzeni ulwazi lukaThixo.” (2 Kor. 10:5, NW) IWatch Tower Publications Index ilungiselelwe ukusinceda kule nkalo.
2 Umxholo oyintloko oxubusha ngomsebenzi wethu wokushumayela entsimini uthi “Field Ministry.” Kugutyungelwe zonke iinkalo kuwo, kuquka nesimo sethu sengqondo, iintshayelelo, ukuhlangabezana nenkcaso, intshumayelo ngempapasho nganye, amabuyelo nezifundo zeBhayibhile. Ngaba ubungathanda ukubalaselisa ingongoma ethile ngokusebenzisa amava aliqela afanelekileyo? Usenokufumana kanye lawo uwafunayo phantsi komxholo omkhulu othi “Experiences.” Ukuba ukufumanisa kunzima ukusebenzisa iWatch Tower Publications Index yesiNgesi, uya kufumana iimbekiselo eziluncedo ngokufanayo kwisalathiso sombandela saminyaka le esisekupheleni kweMboniselo kaDisemba 15 noVukani! kaDisemba 8.
3 Ngaba kukho mntu uthile uye wachasa ngelithi iBhayibhile iyaziphikisa, mhlawumbi ecaphula iindinyana ezithile ezibonakala ziphikisana? Phantsi kothi “Bible Authenticity,” umxholwana othi “contradictions” nothi “harmony” yalatha kwiimbekiselo ezixubusha ngokubanzi ngenkcaso elolu hlobo. Phantsi komxholwana othi “scriptures harmonized,” uya kufumana uludwe lweendinyana ezithile ezibonakala ziphikisana kwaneembekiselo ezizicacisayo.
4 Kwimimandla ethile, simele soyise iingcamango ezingeemfundiso ezisisiseko zobuxoki zeNgqobhoko, njengoBathathu Emnye, isihogo somlilo nokungafi komphefumlo. Kukho imixholo eyintloko kuyo nganye yezi nkalo. Phantsi kothi “Trinity” nothi “Immortality of the Soul,” uya kufumana umxholwana othi “scriptures misapplied to support.” Lo mxholo uya kukwalathisela kwiimbekiselo ezixubusha ngesibhalo ngasinye kwezi. Kukwanjalo nangomxholo othi “Hell,” onomxholwana othi “scriptures misinterpreted.”
5 Ngaba unqwenela ukuqalisa isifundo seBhayibhile? Okanye ngaba unaso kodwa asinankqubela? Phantsi komxholo othi “Bible Studies” kukho umxholwana othi “starting,” “assisting—,” nothi “teaching,” ngamnye uneembekiselo ezinokukunceda ufumane uze uqhube izifundo zeBhayibhile ezinenkqubela. Ukwenzela ukukunceda wazi ithuba elifanelekileyo onokusiyeka ngalo isifundo esingenankqubela, qwalasela umxholwana othi “terminating unfruitful” nothi “discontinuing.”
6 Ngaba uzabalazela ukufumana amalungelo angakumbi kubulungiseleli basentsimini? Umxholo othi “Full-Time Ministry,” “Auxiliary Pioneers,” “Pioneers,” “Missionaries,” nothi “Serving Where Need Is Greater” ikwalathisela kumbandela oluncedo ongendlela yokufikelela olo sukelo nakumava avuyisayo abo sele belufikelele.
7 Ukufeza ubulungiseleli bethu boBukumkani entsimini kuzisa ulwaneliseko olukhulu. (Yoh. 4:34) IWatch Tower Publications Index inokukunceda njengoko usiba nenxaxheba kulo msebenzi uvuyisayo.