Isingxobo Semibuzo
◼ Yiyiphi ingqalelo emele inikelwe kwizixhobo esizisebenzisayo kumsebenzi wokunikela ubungqina?
1 Nangona enentshumayelo engokweZibhalo efanelekileyo ayicingayo, umvakalisi weendaba ezilungileyo usenokuba akazilungiselelanga izixhobo aza kuzisebenzisa. Xa esemzini, usenokuba akanayo incwadi ehanjiswayo. Amaphephancwadi, iincwadana ezinemifanekiso namaphecana akwingxowa ayisebenzisa ekunikeleni ubungqina asenokuba ashwabene okanye akrazukile. Usenokungayifumani into yokubhala okanye iphepha lengxelo yendlu ngendlu kuba ingxowa yakhe ayilungelelananga. Kubalulekile ukunikela ingqalelo ekhethekileyo kwizixhobo zakho ngaphambi kokuba nesabelo kwinkonzo yasentsimini.
2 Ziziphi izinto ezinokufakwa kwingxowa oyisebenzisa ekunikeleni ubungqina elungiswe kakuhle? IBhayibhile ibalulekile. Quka nesixa samaphepha engxelo yendlu ngendlu. Qiniseka ukuba unayo impapasho ebalaseliswayo ngaloo nyanga. Amaphephancwadi asexesheni, kunye namaphecana neencwadana ezinemifanekiso, nazo ziyafuneka. Phatha incwadi ethi Ukuqiqa. Ukuphatha Ubulungiseleli Bethu BoBukumkani bakutshanje kuya kukwenza ukwazi ukuhlola iintshumayelo ezicetyisiweyo ngaphambi kokuba ungene emzini. Xa usebenza kwintsimi ekusenokwenzeka ukuba udibane nabantu abathetha olunye ulwimi, kungakuhle ukuphatha incwadana ethi Good News for All Nations. Ukuba nenye yeempapasho zethu ezilungiselelwe abaselula kuya kukunceda ukulungele ukuthetha nabakwishumi elivisayo.
3 Zonke izinto ozisebenzisayo zifanele zifakwe kakuhle engxoweni yakho. Ingxowa akunyanzelekanga ukuba ibe ntsha, kodwa ifanele icoceke ize ifaneleke. Ingxowa oyisebenzisa ekunikeleni ubungqina yinxalenye yezixhobo zakho ozisebenzisayo ekuvakaliseni iindaba ezilungileyo. Yigcine ikwimeko entle.