Iintlanganiso Zenkonzo KaFebruwari
Iveki Eqala NgoFebruwari 5
10 imiz: Izaziso zasekuhlaleni. IZaziso ezikhethiweyo kuBulungiseleli Bethu BoBukumkani.
15 imiz: “Ukuvakalisa Inyaniso Mihla Le Sixelisa UYesu.” Imibuzo neempendulo. Isiqendu 5 sifunde.
20 imiz: “ISityhilelo—Isikhokelo Solonwabo Lokwenene.” Xubusha iintshumayelo ezicetyisiweyo, uze ube nomboniso omnye okanye emibini.
Ingoma 14 nomthandazo wokuqukumbela.
Iveki Eqala NgoFebruwari 12
10 imiz: Izaziso zasekuhlaleni. Ingxelo yemali.
13 imiz: “Lungiselela Umsebenzi Wamaphephancwadi NgoAprili.” Balaselisa ukubaluleka kweMboniselo noVukani! ekwaziseni iindaba ezilungileyo. Lifunde eli nqaku lineziqendu ezibini, uze uchaze oko kuya kwenziwa libandla lasekuhlaleni ukwenza uAprili abe yinyanga ekhethekileyo yokusasaza amaphephancwadi.
22 imiz: “Ndingamfumana Njani Umntu Ophulaphulayo?” Imibuzo neempendulo. Yiba nabavakalisi ababini abaxubusha ngendlela abaya kuzama ngayo ukuthetha ngehlombe emizini, besebenzisa amanye amacebiso akwiNcwadi Yesikhokelo Yesikolo, kwiphepha 165-7, isiqendu 10-21.
Ingoma 133 nomthandazo wokuqukumbela.
Iveki Eqala NgoFebruwari 19
10 imiz: Izaziso zasekuhlaleni.
15 imiz: “Fumana Iingenelo Kwisikolo Sobulungiseleli Sobuthixo Sowe-1996—Icandelo 2.” Intetho ngumveleli wesikolo. Bethelela imfuneko yokufunda iLizwi likaThixo mihla le.
20 imiz: “Bancede Baqonde.” Hlolisisa iintshumayelo ezicetyisiweyo zokwenza amabuyelo. Umdala uxubusha nabavakalisi ababini okanye abathathu ngeembalasane zencwadi ethi Incopho YeSityhilelo nendlela ezisenokubalaseliswa ngayo. Yiba nomboniso wentshumayelo enye okanye ezimbini. Nikela amacebiso ngendlela yokuhlakulela umdla ukusa ekubeni kuqaliswe isifundo seBhayibhile kwincwadi ethi Ulwazi Olukhokelela Kubomi Obungunaphakade.
Ingoma 53 nomthandazo wokuqukumbela.
Iveki Eqala NgoFebruwari 26
10 imiz: Izaziso zasekuhlaleni. Khumbuza abaphulaphuli bafake ingxelo yabo yenkonzo yasentsimini kaFebruwari ngokukhawuleza. Unobhala nabaqhubi bezifundo zencwadi bafanele baqinisekise ukuba zonke iingxelo zenkonzo yasentsimini ezingekangeniswa zeenyanga ezidluleyo ziyangeniswa. Ezi ngxelo zingene emva kwexesha zifanele ziqukwe kwingxelo yebandla kaFebruwari.
15 imiz: Ukulungiselela Iintshumayelo Ezinomtsalane. Umveleli wenkonzo okanye omnye umdala uxubusha nabavakalisi ababini okanye abathathu ngeengenelo zokwenza iintshumayelo zendlu ngendlu zibalaselise into ebangel’ umdla ekuhlaleni. Ngokomzekelo, iingxelo zeendaba ezingeenzame zokuphucula umgangatho wokuphila; ukwanda kweengxaki zomtshato, abantwana abaziinjubaqa, okanye ubunzima bokufumana umsebenzi; okanye obekusezindabeni okubonisa isizathu sokuba abantu babe namathandabuzo ngezicombululo ezithenjiswa ngabantu bezopolitiko nabafundisi. Khankanya okungundaba-mlonyeni kutshanje ekuhlaleni, uze ubonise ngendlela okusenokusetyenziswa ngayo ekuqaliseni incoko.
20 imiz: Ukunikela Incwadi Ethi Ulwazi Olukhokelela Kubomi Obungunaphakade NgoMatshi. Chaza ezinye zeembalasane zale ncwadi ezisenokusetyenziswa ekuqaliseni incoko. (1) Tsalela ingqalelo kwimifanekiso emihle, njengaleyo ikwiphepha 4-5, 86, 124-5, 188-9. (2) Bonisa indlela esiphela ngayo isahluko ngasinye ngoludwe lwemibuzo yempinda, uze ubonise indlela yokusekela intshumayelo kuyo. Umninimzi usenokubuzwa enoba angathanda na ukuzazi iimpendulo zayo. Khetha imibuzo ethile kuleyo idweliswe kwiphepha 11, 22, 61, 149. (3) Bhekisela kwibhokisi ekwiphepha 102, uze unikele amacebiso ubonisa indlela enokusetyenziswa ngayo indawo ethi “Ezinye Iinkalo Zemihla Yokugqibela” ekuvuseni umdla. (4) Balaselisa indlela le ncwadi eyenziwe ngokukhethekileyo ngayo ukwenzela ukuqhuba izifundo ezinenkqubela. Izahluko zayo zifutshane, umbandela kulula ukuwuqonda, inezibhalo ezinamandla ezibonisiweyo, nemibuzo ehlokoz’ iingcinga ngeengongoma eziziintloko. Bakhuthaze bonke banikele le ncwadi benosukelo lokuqalisa izifundo.
Ingoma 151 nomthandazo wokuqukumbela.