Iintlanganiso Zenkonzo Ka-Aprili
Iveki Eqala NgoAprili 1
10 imiz: Izaziso zasekuhlaleni. IZaziso ezikhethiweyo kuBulungiseleli Bethu BoBukumkani. Khankanya naziphi na iingxelo ezibalaseleyo ezingeSikhumbuzo senu. Khumbuza abavakalisi bangenise ingxelo yenkonzo yasentsimini kaMatshi ngokukhawuleza. Unobhala nabaqhubi bezifundo zencwadi bafanele baqinisekise ukuba zonke iingxelo zenkonzo yasentsimini ezingakhange zingeniswe zeenyanga ezidluleyo ziyangeniswa.
20 imiz: “‘Zondelela Imisebenzi Emihle’ NgoAprili!” Umveleli wenkonzo ugubungela isiqendu 1-10 ngemibuzo neempendulo. Chaza oko (1) kucwangcisiweyo ekuhlaleni ukwenzela umsebenzi wenkonzo yasentsimini owandisiweyo ngoAprili, (2) indlela abanokuncedwa ngayo ukuze bonke babe nesabelo, (3) nendlela abanokuqukwa ngayo abasebatsha nabaselula. Masibe nosukelo lwencopho entsha yabavakalisi ngoAprili. Bakhuthaze bonke babe nesabelo rhoqo iveki nganye kubulungiseleli ngoAprili.
15 imiz: “Funa Abo Banotyekelo Olufanelekileyo.” Hlolisisa iintshumayelo ezicetyisiweyo, uze ube nemiboniso emibini ebonisa indlela ezinokusetyenziswa ngayo. Ukuba ixesha liyavuma, chaza amanye amacebiso okuhambisa amaphephancwadi, afumaneka kuBulungiseleli Bethu BoBukumkani bukaSeptemba 1995, iphepha 6.
Ingoma 20 nomthandazo wokuqukumbela.
Iveki Eqala NgoAprili 8
15 imiz: Izaziso zasekuhlaleni. Ingxelo yemali; khankanya nezaziso zokufunyanwa kweminikelo ezivela kuMbutho. Xubusha ngeendlela ezisebenzisekayo esinokunceda ngazo abasebatsha abebeze kwiSikhumbuzo benze inkqubela ngokomoya. Hlolisisa IMboniselo ka-Aprili 1, 1991, iphepha 9-12.
15 imiz: “Nikela Inkonzo Engcwele Imini Nobusuku.” Imibuzo neempendulo. Sifunde isiqendu 5 nese-6.
15 imiz: “‘Zondelela Imisebenzi Emihle’ NgoAprili!” Ukugutyungelwa kwesiqendu 11-15 ngemibuzo neempendulo. Bakhuthaze bonke bahlolisise iimeko zabo baze bafune iindlela zokwandisa inkxaso yabo kubulungiseleli basentsimini.
Ingoma 113 nomthandazo wokuqukumbela.
Iveki Eqala NgoAprili 15
10 imiz: Izaziso zasekuhlaleni. Khumbuza abaphulaphuli ngentetho ekhethekileyo yesidlangalala eza kuba ngoAprili 21, enomxholo othi “Ukuhlala Singenakusoleka Phakathi Kwesizukulwana Esigoso.” Bakhuthaze benze umgudu ongakumbi wokunceda wonk’ ubani abekho.
15 imiz: “Amaxesha Ngamanye.” Imibuzo neempendulo. Gxininisa ukunikela isigidimi soBukumkani ngendlela evisisana nezona ntswelo zoluntu zingxamisekileyo. Nikela amacebiso ngeminye yemibandela yentsapho neyasekuhlaleni exhalabise uninzi lwabantu, njengoko yakhankanywa kwiMboniselo, kaJanuwari 1, 1994, iphepha 22-3.
20 imiz: “Ukholo Lulandela Into Eviweyo.” Xubusha indlela ukuhambisa amaphephancwadi okunokusetyenziswa ngayo ekuhlakuleleni umdla onokuphelela kwizifundo zeBhayibhile kwincwadi ethi Ulwazi. Yenza imiboniso ngeentshumayelo ezimbini okanye ezintathu.
Ingoma 204 nomthandazo wokuqukumbela.
Iveki Eqala NgoAprili 22
15 imiz: Izaziso zasekuhlaleni. Hlolisisa iimbalasane zentetho ekhethekileyo ebinikelwa kule mpela-veki idluleyo. Xubusha indlela esi siluleko esifanele sibashukumisele ngayo abasebatsha balumele ngokuqinileyo unqulo lokwenyaniso. Kwakhona, tsalela ingqalelo kwibhokisi ethi ‘Qhubekani Nikhula Kulwazi Oluchanileyo,’ uze ubethelele ukubaluleka kokuza rhoqo kwiSifundo Sencwadi Sebandla.
12 imiz: Isingxobo Semibuzo. Intetho ngumdala. Cacisa isizathu sokuba abazalwana abaqhuba iintlanganiso bengafanele bayiqhele into yokubiza abantu ngamagama abo kuphela.
18 imiz: Umdala nesicaka solungiselelo baxubusha ngenqaku elinomxholo othi “Iintsapho Zamandulo Ezihlonela UThixo—Umzekelo Kumhla Wethu,” kwiMboniselo kaSeptemba 15, 1995, iphepha 20-3. Wuxubusheni ngendlela esebenzisekayo lo mbandela ukuze kungenelwe iintsapho zasekuhlaleni.
Ingoma 143 nomthandazo wokuqukumbela.
Iveki Eqala NgoAprili 29
12 imiz: Izaziso zasekuhlaleni. Abanye bawachaza amaNgqina kaYehova ngokuthi “lihlelo” okanye “lunqulo lwesithethe,” belahlekisa abanye ngemisebenzi yethu neenjongo zethu. Njengoko usebenzisa incwadi ethi Ukuqiqa, iphepha 233, yithi gqabagqaba ngendlela yokuphendula esi sityholo. Bakhumbuze bonke, kuquka abo basandul’ ukufanelekela ukuba ngabavakalisi abangabhaptizwanga, bangenise ingxelo yabo yenkonzo yasentsimini ka-Aprili kwangethuba. Ukuba bonke banokuba nentsebenziswano sinokufikelela incopho entsha, enkulu yabavakalisi ngo-Aprili.
15 imiz: Ukugubungela Intsimi Yethu Yonke. Intetho ngumveleli wenkonzo. Imimandla egqagqeneyo okanye ekwanti isenokuba isetyenzwa manqaphanqapha. Abanye basenokukuphepha ngabom ukusebenza kwiindawo ezinabantu abazizinhanha okanye ezinabantu bonqulo. Nemimandla enamashishini isenokuba ayisetyenzwa. Abanye abavakalisi basenokuzicelela rhoqo imihlaba abayithandayo kunaleyo ifuna ukugutyungelwa okwangoku. Bakhuthaze bonke babe nentsebenziswano kwimigudu yokugubungela imihlaba ebingasetyenzwa; mhlawumbi kusenokulungiselelwa iinqwelo-mafutha zokuya apho. Qinisekani ukuba umhlaba ugutyungelwa ngokupheleleyo, kuquka nezindlu ebezingenabantu, ngaphambi kokuba ubuyiselwe. Nikela amanye amacebiso asebenzisekayo abonisa indlela abanokunceda ngayo bonke ekugubungeleni intsimi yenu kakuhle.
18 imiz: Nikela IMboniselo noVukani! NgoMeyi. Balaselisa umbhalo ngamnye. Kwintsimi egutyungelwa ngokufuthi, nikela nayiphi na incwadana enemifanekiso efanelekileyo. Zigcine iingxelo zalapho ushiye khona amaphephancwadi, unosukelo lokuqalisa umzila wamaphephancwadi. Wasebenzise amathuba okunikela umrhumo. Bethelela iingenelo ezinkulu zokusasaza amaphephancwadi njengenye yezona ndlela ziphumelelayo zokusa isigidimi soBukumkani ebantwini. Xa sisiya enkonzweni masiqiniseke ukuba sinesixa sawo; siwahambise ngawo onke amaxesha. Ukuzenzela amalungiselelo obuqu okuba noSuku Lwamaphephancwadi veki nganye yindlela entle yokwandisa amaphephancwadi owahambisayo. Ukusebenza ezivenkileni nokunikela ubungqina esitratweni ngamaphephancwadi nako kunempumelelo. Buyela kwabo banomdla ngenjongo yokuqalisa izifundo, usebenzisa incwadi ethi Ulwazi. Yiba nomboniso omnye okanye emibini emifutshane yokuhanjiswa kweenkupho zangoku, mhlawumbi kusetyenziswe iintshumayelo ezikuBulungiseleli Bethu BoBukumkani, bukaSeptemba 1995, iphepha 5, isiqendu 3-5; funda isiqendu 6.
Ingoma 195 nomthandazo wokuqukumbela.