Iintlanganiso Zenkonzo NgoAgasti
Iveki Eqala NgoAgasti 4
7 imiz: Izaziso zasekuhlaleni. IZaziso ezikhethiweyo kuBulungiseleli Bethu BoBukumkani. Yithi gqabagqaba ngengxelo yenkonzo yasentsimini yeenyanga ngeenyanga yeli lizwe neyebandla lasekuhlaleni.
13 imiz: “Iintlanganiso Zisilolela Imisebenzi Emihle.” Imibuzo neempendulo. Bonisa iingenelo zencoko eyakhayo ngaphambi nasemva kweentlanganiso.—Bona Incwadi Yesikhokelo Yesikolo, iphepha 83, isiqendu 17-18.
25 imiz: “Kholosa NgoYehova Ukuze Akhulise.” Intetho nemiboniso. Gxininisa imfuneko yokubuyela apho sishiye iincwadana ezinemifanekiso. Yiba nemiboniso emibini elungiselelwe kakuhle ebonisa indlela yokuqalisa izifundo. Quka namacebiso akwisihlomelo soBulungiseleli Bethu BoBukumkani bukaMatshi 1997, isiqendu 7-11.
Ingoma 78 nomthandazo wokuqukumbela.
Iveki Eqala NgoAgasti 11
10 imiz: Izaziso zasekuhlaleni. Ingxelo yemali. Iindaba Ezingokobuthixo.
15 imiz: “Abakhulileyo Bashumayela Ngaphandle Kokuyekelela.” Imibuzo neempendulo. Quka amava angomakhulu owalupheleyo owaba nguvulindlela ongumncedani, kwiMboniselo kaJulayi 1, 1988, iphepha 13.
20 imiz: “Ukwakhiwa KweeHolo ZoBukumkani EMzantsi Afrika Nakumazwe Angabamelwane.” Imibuzo neempendulo.
Ingoma 71 nomthandazo wokuqukumbela.
Iveki Eqala NgoAgasti 18
10 imiz: Izaziso zasekuhlaleni. Hlolisisa “Ucwangciso Olutsha Lwendibano Ekhethekileyo Yosuku Olunye.”
20 imiz: Ukufuna Ukuzonwabisa Ngendlela Eyakhayo. Umdala ofanelekayo uxubusha uVukani! kaJuni 8, 1997, iphepha 17-24, ebonisa indlela asebenza ngayo ngokwasekuhlaleni. Nceda abazali nabaselula baziqonde iingozi ezihambisana nokuzonwabisa kwehlabathi nemfuneko yokuba abazali babek’ iliso ngokufanelekileyo. Kuthiwa, kwiqela lezixeko ezikhudlwana, abaselula benza amalungiselelo okuya kwimidyusho yasebusuku ngoxa abazali babo bengazi. Kwezinye iimeko imiphumo ibe buhlungu. Khuthaza abazali balungiselele ukuzonwabisa okwakhayo ngokwenza ngokuvisisana namacebiso akweli nqaku lingasentla kwiphepha 22-4.
15 imiz: Buyela Usebenzisa Incwadana Enemifanekiso Ethi Xa Umntu Omthandayo Esifa. Bonisa indlela yokuphakamisa umbuzo nokunikela impendulo ngokuphuma kule ncwadana inemifanekiso. Ngokomzekelo, le ncwadana inemifanekiso iphendula le mibuzo ilandelayo: Ngaba likho naliphi na ithemba ngabafileyo? (Iphepha 5-6) Ngaba kuphosakele ukulila? (Iphepha 8-9) Ubani unokuhlangabezana njani nale ntlungu? (Iphepha 18) Banokunceda njani abanye? (Iphepha 20-3) Banokuncedwa njani abantwana bahlangabezane nokufa? (Iphepha 25) Yiyiphi intuthuzelo enikelwa yiBhayibhile? (Iphepha 27) Yandula ke, ngokufutshane uxubushe nabavakalisi ababini abafanelekayo ngendlela abaye bayisebenzisa ngayo bona le ncwadana inemifanekiso ekubuyeleni ukuze baphendule imibuzo edla ngokubuzwa mayela nokufa.
Ingoma 94 nomthandazo wokuqukumbela.
Iveki Eqala NgoAgasti 25
10 imiz: Izaziso zasekuhlaleni. Ingxelo ngenkqubela eyenziwe kumhlaba ongabelwanga bani. Yazisa ibandla ngamalungiselelo angoSeptemba. Dlan’ indlebe nomntu omnye okanye ababini abasele befumene impumelelo. Khumbuza abavakalisi bafake ingxelo yabo yenkonzo yasentsimini ka-Agasti ngokukhawuleza. Unobhala nabaqhubi besifundo sencwadi bafanele baqiniseke ukuba zonke iingxelo zenkonzo yasentsimini zonyaka wenkonzo we-1997 ezingekangeniswa ziyangeniswa.
15 imiz: “Fumana Okona Kulungileyo Esikolweni.” Ubawo uxubusha eli nqaku nabantwana bakhe, bequka neengongoma eziluncedo kuVukani! kaJanuwari 8, 1996, iphepha 23-7.
20 imiz: Shumayela Ngenjongo. Umdala nesicaka solungiselelo esinye okanye ezibini bahlolisisa incwadi ethi Ubulungiseleli Bethu, iphepha 8-12. Nikela ingqalelo kwizizathu ezisishukumisela ukuba sihlale sinesimo sengqondo esifanelekileyo nesokuqhubela phambili kubulungiseleli bethu size ngamaxesha onke sisebenzisane ngokupheleleyo nentlangano.
Ingoma 100 nomthandazo wokuqukumbela.