Ucwangciso LweNtlanganiso Yenkonzo

Iveki Eqala NgoJanuwari 14

Ingoma 41

10 imiz: Izaziso zebandla lasekuhlaleni. IZaziso ezikhethiweyo kuBulungiseleli Bethu BoBukumkani. Usebenzisa amacebiso akwiphepha lesi-8 okanye ezinye iintshayelelo ezisebenzayo kwintsimi yenu, bonisa indlela yokuhambisa IMboniselo kaJanuwari 1 noVukani! kaJanuwari.

15 imiz: “Lisebenzise Kakuhle Ixesha Olichitha Entsimini.”a Dlan’ indlebe nomzalwana ongumzekelo ekuqhubeni intlanganiso yentsimi ngendlela ekhuthazayo. Yintoni aye ayenze ukuze alungiselele ukuqhuba le ntlanganiso nokuze alisebenzise kakuhle ixesha alichitha entsimini?

20 imiz: “Amazwi Enu Makasoloko . . . Enongwe Ngetyuwa.”b Xa ukwisiqendu sesi-2, funda uYohane 4:7-15, 39.

Ingoma 85

Iveki Eqala NgoJanuwari 21

Ingoma 215

10 imiz: Izaziso zebandla lasekuhlaleni. Iindaba Zobuthixo. Chaza uncwadi oluza kuhanjiswa ngoFebruwari, uze wenze umboniso omnye. Khuthaza bonke ukuba babukele ividiyo ethi Transfusion-Alternative Health Care—Meeting Patient Needs and Rights ukuze balungiselele ingxubusho eza kuqhutywa kwiNtlanganiso Yenkonzo yeveki kaFebruwari 4.

10 imiz: Ngaba Uyayisebenzisa Incwadana Ethi Ukuhlolisisa IZibhalo Imihla Ngemihla? Intetho nengxubusho kunye nabaphulaphuli esekelwe kwintshayelelo yencwadana ethi Ukuhlolisisa IZibhalo Imihla Ngemihla—Yowama-2008. Chaza ukubaluleka kokuzipha ixesha lokuhlola itekisi yosuku mihla le. Cela abaphulaphuli ukuba bachaze indlela bona abayihlola ngayo itekisi yosuku nendlela abaye bangenelwa ngayo. Unokulungiselela kusengaphambili nomntu omnye okanye ababini ukuze bagqabaze. Yithi gqaba-gqaba ngomxholo wonyaka wama-2008.

25 imiz: “Nikela Ubungqina Obucokisekileyo Kwiindaba Ezilungileyo.”c (Isiqendu 1-10) Mayinikelwe ngumveleli wenkonzo. Dlan’ indlebe nomvakalisi omnye okanye ababini abaye baba ngoovulindlela abangabancedani kunyaka ophelileyo nangona bebexakekile okanye impilo yabo inkenenkene. Bakwaze njani ukwenza oku? Ziziphi izinto eziye zabavuyisa? Xa ukwisiqendu sesi-7, chaza ucwangciso lweentlanganiso zentsimi ngoMatshi, ngoAprili nangoMeyi.

Ingoma 177

Iveki Eqala NgoJanuwari 28

Ingoma 52

10 imiz: Izaziso zebandla lasekuhlaleni. Khumbuza abavakalisi ukuba bafake iingxelo zabo zentsimi zikaJanuwari. Funda ingxelo yemali neeleta ezibulela iminikelo. Ingxubusho nabaphulaphuli esekelwe kwiMboniselo kaFebruwari 1 nakuVukani! kaFebruwari. Emva kokuthi gqaba-gqaba ngenkupho nganye, buza abaphulaphuli ukuba ngawaphi amanqaku anokubangel’ umdla kubantu basekuhlaleni ubuze nesizathu sokuba batsho. Cela abaphulaphuli ukuba bachaze iingongoma abaceba ukuzisebenzisa. Nguwuphi umbuzo onokubuzwa ukuze kuqaliswe incoko? Sisiphi isibhalo esisenqakwini esinokufundwa? Sinokudityaniswa njani nenqaku? Usebenzisa iintshayelelo ezingumzekelo ezikwiphepha lesi-8, bonisa indlela elinokuhanjiswa ngayo iphephancwadi ngalinye.

20 imiz: “Nikela Ubungqina Obucokisekileyo Kwiindaba Ezilungileyo.”d (Isiqendu 11-17) Xa ukwisiqendu se-14, nika bonke abaphulaphuli isimemo esikhethekileyo seSikhumbuzo uze uchaze amalungiselelo enziwe libandla ukuze kugutyungelwe intsimi.

15 imiz: “Nceda Izifundo ZeBhayibhile Zibe Ngabavakalisi Beendaba Ezilungileyo ZoBukumkani.”e Ukuba ixesha liyavuma, cela abaphulaphuli ukuba bagqabaze ngezibhalo ezibonisiweyo.

Ingoma 22

Iveki Eqala NgoFebruwari 4

Ingoma 161

10 imiz: Izaziso zebandla lasekuhlaleni. Xubusha Ibhokisi Yemibuzo.

10 imiz: Iimfuno zebandla lasekuhlaleni.

25 imiz: “Ngaba Uyazilazila?” Mayinikelwe ngumdala. Ngqala kwingxubusho yevidiyo ethi Patient Needs and Rights kunye nabaphulaphuli, usebenzisa imibuzo ekweli nqaku. Xa uqukumbela, funda isiqendu sokugqibela uze ukhuthaze wonk’ ubani ukuba aphinde awafunde kakuhle amanqaku abonisiweyo akwiMboniselo nakuBulungiseleli Bethu BoBukumkani. Chaza indlela bonke abantu abangekakwenzi oku abanokuwasebenzisa ngayo amaxwebhu akwisihlomelo sikaJanuwari 2007 ukuze benze izigqibo ngezinto ezitsalwe egazini nangeendlela zokunyanga baze bakhuphele yonke loo nto kwikhadi leDPA. Abo sele belizalisile eli khadi banokuphinda bahlole izigqibo zabo, baze ukuba kuyimfuneko bazalise elinye ikhadi.

Ingoma 4

[Imibhalo esemazantsi]