“UVukani! Wabusindisa Ubomi Bam!”

Abapapashi bakaVukani! bafumana ileta yombulelo evela eItali. Inxalenye yayo ifundeka ngolu hlobo:

“Ndineminyaka engama-40 ndifunda uVukani!, yaye ndiyamthanda kuba uxubusha ngemibandela eyahlukahlukeneyo. Kutshanje, ndithe ndisemsebenzini ndeva kusithi xhokro kabuhlungu esiswini nasesifubeni. Ndiye ndagqiba kwelokuba ndigoduke, kodwa kuthe xa kuphinda kusithi xhokro kabuhlungu, kwathi qatha into ethile engqondweni yam. Ndiye ndakhumbula inqaku likaVukani! elalithetha ngokuhlaselwa sisifo sentliziyo.a Ndagqiba ekubeni ndiye esibhedlele. Ndithe ndisekwigumbi lokulinda, intloko yam yathi tyokololo ndaza emva koko ndafa isiqaqa. Ndakuxelelwa oko kusuku olulandelayo sele ndikwigumbi labagula kakhulu.

“Namhlanje ndisaphila ngenxa yokuba iingcaphephe zoogqirha zakhawuleza zandinceda. Kodwa ndimele ndilincome iphephancwadi lenu elenza ukuba ndifumane inkcazelo eyandinceda ndenza isigqibo sobulumko sokuya esibhedlele. UVukani! wabusindisa ubomi bam!”

[Umbhalo osemazantsi]