Iintshayelelo Onokuzisebenzisa

Ukuze Uqalise Izifundo ZeBhayibhile KuMgqibelo Wokuqala KaJanuwari

“Sicela ukuva uluvo lwakho. Ngubani igama likaThixo? [Mvumele aphendule.] Khawuve ukuba ithini le ncwadi.” Nika umninimzi IMboniselo kaJanuwari 1 uze umbonise inqaku lokugqibela, xubushani kunye umxholwana wokuqala nize emva koko nifunde nokuba sisibhalo esinye. Mnike iphephancwadi uze ulungiselele ukubuyela ukuze nixubushe umbuzo olandelayo.

IMboniselo Januwari 1

“Abantu abaninzi bebesoloko bethetha ngesiphelo sehlabathi. Ucinga ukuba isiphelo sehlabathi sifanele sisoyike? [Mvumele aphendule.] Ngokutsho kwale vesi bakho abantu abaza kusinda. [Funda eyoku-1 kaYohane 2:17.] Eli phephancwadi liphendula imibuzo emine edla ngokubuzwa ngabantu ngesiphelo sehlabathi lisebenzisa iBhayibhile.”

Vukani! Januwari

“Sityelela iintsapho ukuze sincokole nazo. Ucinga ukuba kubalulekile ukuba iintsapho ziphile ngokuvisisana nala mazwi kaYesu? [Funda IZenzo 20:35b. Uze umvumele aphendule.] Ukufundisa abantwana ukuba bangacingeli iziqu zabo kuphela kunokuba lucelomngeni kwihlabathi apho umntu wonke ecingela isiqu sakhe. Eli nqaku licebisa abazali ngeendlela zokufundisa abantwana ukuba bafunde ukubacingela abanye.”