Ó máa tu gbogbo àwókù rẹ̀ nínú,+

Ó máa mú kí aginjù rẹ̀ rí bí Édẹ́nì,+

Ó sì máa mú kí aṣálẹ̀ rẹ̀ tó tẹ́jú rí bí ọgbà Jèhófà.+

Ìdùnnú àti ayọ̀ máa wà níbẹ̀,

Ìdúpẹ́ àti orin tó dùn.+

“Wò ó, màá kó àwọn tó lọ sí oko ẹrú láti àgọ́ Jékọ́bù jọ,+

Máa sì ṣojú àánú sí àwọn àgọ́ ìjọsìn rẹ̀.

Wọ́n á tún ìlú náà kọ́ sórí òkìtì rẹ̀,+

Ibi tó sì yẹ ni wọ́n á kọ́ ilé gogoro rẹ̀ tó láàbò sí.

Màá sọ wọ́n di púpọ̀, wọn ò sì ní kéré níye;+

Màá mú kí wọ́n pọ̀ níye,*

Wọn ò sì ní jẹ́ ẹni yẹpẹrẹ.+

14 Màá kó àwọn èèyàn mi Ísírẹ́lì tó wà ní ìgbèkùn pa dà,+

Wọ́n á tún àwọn ìlú tó ti di ahoro kọ́, wọ́n á sì máa gbé inú wọn;+

Wọ́n á gbin ọgbà àjàrà, wọ́n á sì mu wáìnì wọn,+

Wọ́n á ṣe ọgbà, wọ́n á sì jẹ èso wọn.’+