Agu Abia Nga ga Kindo Nafu Ngarã

APauro na Sira atambua Mbori na bia ho i adu ni bambukiso yo. (Amo 16:25) Ti gi gaani regbo re, akuarani aidipase aabi bia nga ga Kindo ho i adu ni rogo gu bataya zizi aboro nangia Sachsenhausen nadu Nazi yo Germany yo na ho i adu ni Siberia yo. Agi akpiapai re nayugo gu ome du abia na ni kafu ngarã fu agu aKristano nagbiatiyo na asada.

Barambeda, i nika kusa gu vovo bukubia du riihe nga, “Sing Out Joyfully” to Jehovah ku rogo kura afugo. Fuo gbia ani he, ani rengbe ka zio aworo ho ku rirani yo ni wirika ani agu abia re ti regbo gu irisombori nga ga aborokporo. (Ef 5:19) Fuoho, ziazia toro nika undo rani tipa ani tingidihe ho du ani ni rogo aasada. Agu abia nga ga Kindo rengbe ka undo rani ani nigbeberã rani kuti gaani maabangirise. Si rengbe ka ngarasa rani ho ani agbiatirani ni na aasada. Na ho du ani ni wenengai, gu wene fugo abia re nasarani tipa ani “bibia ni ngbarago” bambiko ngbadurani yo wenengai. (1Pka 15:16; Tam 33:1-3) Ani mangingo ome amanga tipa ka mangasunge wenengai na gaani abia nga ga Kindo!

ONI BI GU VIDIO NGA, GU BIA NAFU NGBARAGO FU ABATAKI HE. FUOHO, ONI KI KARAGAPAI KUTI AGI ASANAHE DU KUSENDE RE:

• Ginipai nasa wiriba Frost ko sari bia?

• Wai gu bia re angarasi agu awirina nadu rogo gu bataya zizi aboro nangia Sachsenhausen?

• Rogo gini abangiriba rengbe abia nga ga Kindo ka ngarasaro?

• Gini abia nga ga Kindo mo aida kaa tingidaha ngbariro?