Tona ti Ime Akangbii Dakuti Kusa Awiri Yisaraere Ezipeta Yo

Aboro muambe gbua nabati ti regbo Ime Akangbii, ono tingbafuo wiri bete regbo i atona ka nge na ki da ni dungu akutu aboro. Tingbafuo agarã 352 fuo Ime Akangbii, i abatika Abarayama. Ani nika wirikapai tipa wai Mbori abanda gako kidohe ni fu ko gude fu Abarayama rimoko angia Yisaka. Dagba awiri Yisaka yo ue, Mbori asia Yakobo.

Yakobo avungu akumbagude 12 na adegude a. Awiri Yakobo 10 asogo tooni tameyo nangia Yosefa ki bagiko ni kanga ku Ezipeta yo. Kusa, Yosefa ada ni bakere bazogo nga ga Ezipeta. Ho kere zingo riahe ati ni ku rogo ringara, Yosefa aˈasadi awirinako singia i sa ngbaduyo yo. Ni yangaraha, Yakobo na awiriko dunduko, nga aYisaraere, aga ku Ezipeta yo. Gipai re amangi tingbafuo agarã 290 fuo batikayo Abarayama.

Awiri Yisaraere araki Ezipeta yo tipa agarã 215. Fuo kpi Yosefa, i adani akanga Ezipeta yo. Fuo bete aregbo, i avungu Moize, na Mbori amangisunge na ko tipa ka kusa awiri aYisaraere Ezipeta yo. Agu apangbanga du rogo gi UE Paparaha re amangi vuru agarã yo 857.