Kpia Wiri Bagara

GINI riko pai nga gi agi aboro re amangaha re? I nabibia kini dogbere pati kpia wiri bagara. Gure nga i nairiso gu kpia wiri bagara re! Tipagine i amanga gupai re ti ni?

Ho Moize adi dungu arame ni kurii bagangara yo, aboro aya: ‘Ani ainongo gupai mangi Moize te. Ani guari ka mbakada mbori nga guko nika ngbe furani mbatayo ku rogo gu ringara ani andu ku rogoho.’

Unvura Moize nangia Arona ki ya: ‘Oni kafu gaoni afongo dahabu nga ga tue ki ye na ni kono.’ Ho aboro amangihe ni wo, Arona azaragasihe ki mbakadi kpia wiri bagara rogoho. Aboro ki ya: ‘Gaani Mbori du re, nakusi rani Ezipeta yo!’ AYisaraere ki mangi bakere pumbo, kini irisi gu kpia wiri bagara re.

Ho Yekova abi gupai ni re, ko aima du na bakere zinga. Ko ki ya fu Moize: ‘Mo zoro ku sende yo ni ipo. Aboro namanga bagbegberẽpai. Bangiriyo ima go ti gimi andiko na i nairiso kpia wiri bagara.’

Moize ki zoro ni ipo rii bagangara yo. Ho ko ambedi ni, gere nga gupai ko abihe. Aboro aabibia kini dogbere pati kpia wiri bagara! Moize aima zinga ni kerehe si ki sa gupai nga ko bafu gu kpakakpaka ambia naadu na andiko ti ni, si ki kuadi rukutu. Ko ki di gu kpia wiri bagara re ki zaragasihe. Ko ki sãha si kidu wa ngungo.

AYisaraere aima manga bagbegberẽpai. Si du Moize aya ti ni fu kura akumba wẽ i di gayo abasape ‘ki imi gu gbegberẽ aboro nairisi kpia wiri bagara.’ Agu akumba re ki imi aboro 3,000! Ati gipai re nayugo gupai furani nga si naida ani bandatirani kini irisi kina Yekova sa, zanga iriso ai kungbo mbori?