AGU ASANAHE ZIAZIA KEKEAPAI AKARAGAPAI KUTINI
Tipagine Kristo nika karaga tiko ti ni?
Mbata fu Yesu Kristo ga ku Ngbangbaturũ yo rogo gu garã nangia 33, ko akidohe nga ko nika karaga tiko akaraga berewe. Ko aringbisi tiko kuti gu gbia naandu tuturũ ka dia ngbi ni gako ki yego. Ndu gupai Yesu nika karaga tiko ti ni nga ka ye na wene zogarago fu aboro.—Oni gedi Ruka 19:11, 12.
Yesu nika ye na wene zogarago fu aboro
Gini ngbatunga kpoto Kristo nika karaga tiko na ni? I azingisiko na gu kpoto nga ga toro ka ani abingo ho ya. (1 Petero 3:18) Fuani, ko aga ku ngbangbaturũ yo ki sungu ku kumbabee Mbori yo. (Atambuahe 110:1) Fuo gbanga regbo kusa, Yekova Mbori nga gu “Bakuru Ko ni du ho kindi” afu pagbia fuko tipa ko zogo aboro. Sidu, anga Yesu nika karaga tiko aboro kini biko abi te, ono ni gu Bakindo nga toro.—Oni gedi Daniere 7:13, 14.
Ginipai Yesu nika mangaha ho ko nika da ni?
Ho Yesu nika ye ni na gako amaraika, ko nika sapangbanga aboro. Ko nika gbarasa gbegberẽ aboro na ki fu nyenye unga fu agu aboro nabiko ni gayo Bakindo.—Oni gedi Matayo 25:31-33, 46.
Ho Yesu nika zogarago ni auru kpotose, ko nika saha ni paradizo. Ko nika zingisa kpikpi aboro i raki rogo Paradizo auru kpotosende ane.—Oni gedi Ruka 23:42, 43.