AGU ASANAHE ZIAZIA KEKEAPAI AKARAGAPAI KUTINI
Ya mo aboro rengbe ka raka rogo zegino zanga rungo?
Wai du Mbori nika ye na gu zegino adunga na rungo ya?—Matayo 6:9, 10.
Dungu amirioni aboro nakpi rogo agarã dũ be kere rungo mbiko zingo riahe watadu akaza. Wa vura duhe nga papara zegino na kumuko, dungu aboro naraka rogo kere rungo. Ziazia Kekeapai nape gupai nga rungo aima digo nimangi dagba aboro.—Oni gedi Yoane 12:8.
Si naida zogarago du sa rogo zegino tipa ka nyasariipa rungo. Gu ngbatunga zogarago re duwa ka si du na ome behe tipa ka kparaka agu amosoro du rogo zegino ni rengberengbehe fu aboro na ka nyasariipa avura, nga gu bakerepai na ye na rungo. Mbori ima kidohe nga ko nika ye na gu ngbatunga zogarago re.—Oni gedi Daniere 2:44.
Da rengbe ka nyasariipa arungo?
Mbori ima sia Wiriko nga Yesu ko zogorago kurii aboro dunduko. (Atambuahe 2:4-8) Yesu nika batasa rungorungo aboro na ki nyasiriipa agu aboro narungosi akurayo gbiati aira zuu.—Oni gedi Atambuahe 72:8, 12-14.
A wa i aima gumbaha ku mbatayo, “Gbia Zereda” nga Yesu nika ye na zereda rogo zegino dunduko gbiati ngbabase. Fuani agu aboro dunduko du auru kpotosende nika raka rogo akpuyo, kini gbia ngbarago ti wene asunge na kidu na bakere riahe beyo.—Oni gedi Yesaya 9:6, 7; 65:21-23.