‘Oni Mangi Dezirepai Sirisiri’
1. Gini wene kpiapai gu mokedi nangia Pauro amoihe rogo sunge tungusapai yo?
1 Gu mokedi nangia Pauro arugu Timoteo ki yawee ko ‘mangi gako sunge sirisiri.’ (2 Tim. 4:5, Byington) Pauro angia gu boro nanaatungusapai sirisiri, sidu, ko aduadu na wene sangbakpotoseyo ka fu gu rugute re fu Timoteo. Bangbanda agu agarã nangia 47 na 56 F.B.K., Pauro aima nyasa anunguro biata nga ga amokedi. Gu buku du rogo Ziazia Kekeapai nga Amokedi fura dedede tipa Pauro ko nimangi ‘dezirepai sirisiri.’ (Amo. 23:11; 28:23) Waigu rengbe ani ka mangaha wo areme?
2. Wai gu rengbe ani ka manga dezirepai sirisiri ho ani atungusapai ni kini tanga nani ti akporo?
2 Tungusapai Kini Tanga Nani Ti Akporo: Tipa ka gbia agu aboro naagianga wene pangbanga mbata ya, si rengbe kadu nga si naida ani ndu fuoyo ti kura regbo kia rogo uru. Bairakporo rengbe kadu kporo nyemu watadu ti digido poso. Si naida ani mangi asadatise nyanyakii ka fura na aboro rogo akporo dunduko na kini karagatise tipa agu aboro adunga tiikporo ya. Ka si du nga oni mangi asadatise vurũ ka oni agbianga wene sangbanapai ya, oni rengbe ka ke waraga watadu ka yambahe rogo terefuni.
3. Gini amomu du berani tipa ka manga dezirepai gbaiga na angianga kuti asino mangaha ya?
3 Tungusapai Gbaiga na Angianga Kuti Asino Mangaha Ya: Ga Yekova amoyambu nayugo ndikidi “tatamana” areme fu agu aboro dunduko nadegatuyo. Ti kura aregbo, i namanga gipai re “ti gene bakporo” watadu “rogo ababagaahe yo.” (Snz. 1:20, 21) Ho ani naamanga agu apai ni ani naamangaha na aʹuru dunduko, ya mo ani niberẽpa manga dezirepai? Ya mo i rengbe ka ya tipa rani wee ‘pai zuba’ rani ani tungusipai nyanyakii? (Amo. 18:5) Ka si du nga wo duhe tipa rani, gure nga ani nadigiso gu sunge i afuhe furani nga ga ‘manga dezirepai sirisiri.’—Amo. 10:42; 17:17; 20:20, 21, 24.
4. Waigu kparakpee gbiati berãkuriipai aundo rani ani mangi dezirepai sirisiri?
4 Ono ti kura aregbo, rungbura nga ga kpotose watadu zee rengbe ka sa rani ani du na ndundu tipa ka manga dezirepai. Nirengo, Yekova ima inopai tipa gaani zanga rengba. (Tam. 103:14) Wa vura duhe wo, ho pai amanga rani ni wa gure, ani rengbe ka kpara fuko tipa wingbaduse ka fura. (Amo. 4:29, 31) Berewe a, ho ani amanga wisigopai ni nisase na kini berẽkurii fugo Mbori, ani rengbe ka manga ome tipa ka dungurosi gu tambuahe du ani nani tipa gu wenepai du ti wene pangbanga. (Frp. 3:8) Gipai re rengbe ka fõngbadu rani yo ani mangi dezirepai zaaza!
5. Waigu rengbe ani ka fubee tipa ga Yoere sangbanebi digisitihe?
5 Gu nebi nangia Yoere agumbapai nisangbanebi ki ya mbata fu ye gu bakere iiriwo rago nga ga Yekova, ga Mbori aboro nikaa ‘ndu’ andu kindi zanga mbu pai si gbe yó kusayo ti sunge tungusapai. (Yoe. 2:2, 7-9) Gi sunge i nika manganga ha berewe re ya, ani mangingo ho amanga na omerani dunduko!