Oni Di yo Kugume Wenengai

Ka dia ada kugume wenengai? Agu aboro dunduko naye tipa gaani adunguratise nga ga aKristano, tona ti vovo aboro ki da ti aguyo naima dia gbanga regbo. (Rom 15:7; Eb 13:2) Si rengbe ka du nga wirina du naye rogo kura ringara watadu Kristano du naye tipa dunguratise ni bambataha vuru garã yo. Mo berẽnga pa tiro nga mo du wa gi wirina re. Ya mo mo du nga na ngbarago ka awirina di ro kugume te? (Mt 7:12) Si adu ni wenepai ka mo mangi ome tipa ka fu sene fu awirina Bambu Kindo yo mbata fu dunguratise na tifuo ho. Gipai re nafubee tipa wene kodatise nga ga nyemuse na kini fu iriso fu Yekova. (Mt 5:​16) Rengo ngaha nga, si ima rengba du ni kpakarapai tipa ka fu sene fu agu aboro dunduko du ho. Wa vura duhe wo, ka ani amanga ome dunduko, i ima rengbe ka bihe nga aboro ima dia yo kugume.a

Si aidanga ani naadia aboro kugume sa kina ti kparakpara aregbo wa ti regbo Tingida Pakpio Yesu te, ono si naida si du ti aregbo dunduko. Ho vovo aboro abi gu nyemuse ni nga ga aKristano rogo mangaapai yo, si ima rengba ka fõ yo i tambua Yekova na ki kodi tiyo na ani rogo ndikidi iriso Mbori.​—Yo 13:35.