Dia Aboro Kugume

Rogo Marungu 23 aboro wa amirioni 12 nika ye ka du na ani pati Tingida Pakpio Yesu. Nangba gu wene dezirepai i nika gbiaha wa bagumbapai nika saka pa gu gamunihe nga ga motumo tumorii gbiati pa gu wene amaku du kumbatayo fu ngbatunga aboro dunduko! (Yes 11:6-9; 35:5, 6; 65:21-23; Yo 3:16) Wa vura duhe wo, anga kina bagumbapai sa nika manga dezirepai ti regbo gi kparakpara mbakadapai re te. Ani rengbe arengba ka manga dezirepai ni dia ani gaani agino zaaza kugume. (Rom 15:7) Gere nga bete agu apai rengbe ani ka mangaha.

• Kuba gupai nga mo ndu nibasa ki sungu kina rii gamo basungo kaa pido mbakadapai si tona, mo niidi vovo aboro kugume na agu awirina naima zera

• Wa mo nika maa berãro tipa agu aboro mo ayambu yo, mo moi berãro amaa tipa agu aboro ka ye mbiko gu tua awirina amangihe ka yamba aboro. Mo yambu vovo aboro i sungu pati ro. Oni ni mangisunge na ga Ziazia Kekeapai gbiati bukubia sa na yo

• Fuo nyasa gumbapai, mo du na ni mbembedi tipa ka karaga agu asanahe ka du ngbani. Ka si du nga regbo ima da tipa gaoni dungurati mbu ba fu gu kura dungurati si tona gaha mbakadapai, mo mangi mbakadapai tipa ka karaga tiro fuo gu boro re fuo bete auru. Ka gani namba terefuni adunga bero ya, mo rengbe ka ya: “Mi na nyemu ka ino ga berãpai tipa gi mbakadapai re. Ya mo gene ho rengbe mi ka gbia ro berewe?”