Berãpai Tipa Wetekapai

Aũsunge fu Rukutu Agude

Avunguagude na gu bakere sunge riyo nga ga yugopai fu awiriyo tipa Yekova. (Ef. 6:4) Tipa ka undo avunguagude, ga Yekova riigbu ima kusa dungu awaraga, avidio, na abia. Waigu rengbe oni ka mangasunge na ni ka raba awironi?

• Rogo jw.org, oni ima rengba ka gbia agu ahe dunduko nga gu i nambakadihe fu agude, ahe wa avidio, agu aba rengbe yo ka kepai rogoho.a Tipa ka gbia agi aũsunge re, mo ke gupai nga “Children” watadu “Teenagers” rogo gu bangiriba nga search.

• Mo sia gu ngba gbe tipa wiro. Tii gu riipai nga “Children” mo ima rengba ka dia agu avidio, abia, na gu bangiriba mo abihe nga si nika undo awiro. Tipa ka gbia ngbatunga agi ahe re, mo gbata gu riipai nga, “Family Worship Projects.”

• Mo di regbo ka saka agi apai re na awiro. Mo ne mangasunge na gaani avidio watadu agu akpewaraga si aida gude kepai rogoho tipa gupai gbua nga ka gbe berã gude kusayo ti mbaro. Kuba gure, mo sakipai na wiro na ki undo ni ni sonosi pabakure na Yekova.