IMihlangano Yenkonzo Ka-November
Isonto Eliqala Ngo-November 7
INgoma 4
10 imiz: Izaziso zebandla neZaziso eziku-Nkonzo Yethu YoMbuso ezisebenza ebandleni. Yisho iphuzu lokukhulunyelwa elilodwa noma amabili akumagazini ngamunye wamuva angasetshenziswa ekubahambiseni.
18 imiz: “IZwi LikaNkulunkulu Linamandla.” Imibuzo nezimpendulo. Hlanganisa nokukhulumela okuphathelene nokubaluleka kokufunda njalo iBhayibheli okusekelwe emazwini esandulela sencwajana ethi Ukuhlola ImiBhalo Nsuku Zonke—1994.
17 imiz: “IBhayibheli—Umthombo Wenduduzo Nethemba Ezweni Elinezinkathazo.” Xoxa nezilaleli. Hlela ukuba kube nemiboniso emibili ebonisa indlela yokusebenzisa izintshumayelo ezisikiselwe.
INgoma 24 nomthandazo wokuphetha.
Isonto Eliqala Ngo-November 14
INgoma 25
10 imiz: Izaziso zebandla. IZindaba EzingokwaseZulwini. Funda umbiko wezimali nanoma yikuphi ukubonga iminikelo.
17 imiz: “Hlobo Luni Lomoya Olubonisayo?” Inkulumo. Hlanganisa nokukhulumela okuku-Nqabayokulinda ka-December 15, 1977, ikhasi 566, izigaba 4 no-5.
18 imiz: “Izindlela Zokuthuthukisa Ukushumayela Kwethu NgoMbuso.” Imibuzo nezimpendulo. Mema izilaleli ukuba zilandise okuhlangenwe nakho okubonisa indlela ukusikisela okunikezwa ku-Nkonzo Yethu YoMbuso okuye kwasetshenziswa ngayo kwaba nemiphumela emihle.
INgoma 37 nomthandazo wokuphetha.
Isonto Eliqala Ngo-November 21
INgoma 40
12 imiz: Izaziso zebandla. “Izikhumbuzo ZoMhlangano Wesigodi.” Xoxa nezilaleli. Yenza ukwaziswa kusebenze ngokwezidingo zendawo.
15 imiz: Izidingo zebandla. Noma inkulumo enikezwa umdala esekelwe kwesithi “Yazise Inkonzo Yakho Engcwele” esiku-Nqabayokulinda ka-September 1, 1994, ikhasi 29.
18 imiz: “Basize Ukuba Babuye Balalele ‘Nangesinye Isikhathi.’” Xoxa nezilaleli. Yiba nemiboniso emibili elungiselelwe kahle ebonisa indlela iBhayibheli elingasetshenziswa ngayo lapho kuqalwa isifundo.
INgoma 52 nomthandazo wokuphetha.
Isonto Eliqala Ngo-November 28
INgoma 58
12 imiz: Izaziso zebandla. Bonisa izindlela zokuhambisa omagazini bamuva. Bukeza isihloko esithi “Izikhumbuzo Ezifike Ngesikhathi” esiku-Nkonzo Yethu YoMbuso ka-December 1993. Bonke ebandleni kufanele basiqaphele isidingo sokuhlanganyela enkonzweni ngasekuqaleni kuka-December futhi baqikelele ukuthi imibiko bayifaka ngaphambi kokuba baye eholidini noma emhlanganweni wesigodi. Abaqhubi bezifundo zencwadi kufanele babakhumbuze bonke abasemaqenjini abo ngalokhu.
15 imiz: “Izibusiso Ezitholakala Ngokusebenza Nabanye.” Imibuzo nezimpendulo. Bakhuthaze bonke ukuba basekele imihlangano yenkonzo yasensimini ehlelwe ibandla kunokuba njalo bazenzele amalungiselelo aseceleni okuzihambela bebodwa. Ukusebenza neqembu kuletha izibusiso ezengeziwe, inkonzo yasensimini ephumelela kakhudlwana kanye nokukhuthazana.
18 imiz: Ukuhambisa Incwadi Ethi Umuntu Omkhulu Ngo-December. Kunesidingo esikhulu salencwadi. Amakhulu ezigidi zabantu athi angabalandeli bakaJesu futhi athi ayakukholelwa lokho akufundisa. Abantu kudingeka bazi ukuthi yini eyamenza wehluka kubo bonke abanye abantu—ukusindiswa kwabo kuxhomeke kulokho. Incwadi ethi Umuntu Omkhulu, isahluko 133, ithi: “Izinhliziyo zethu ziyashukunyiswa lapho sicabangela isibindi nobudoda bakhe obukhulu, ukuhlakanipha kwakhe okungenakuqhathaniswa, ikhono lakhe elihle kakhulu njengomfundisi, ukuhola kwakhe ngokungesabi, nesihawu sakhe sothando nozwela.” IBhayibheli limchaza ngokucacile ngokuthi (1) uFakazi (Joh. 18:37), (2) uMsindisi (IzE. 4:12), kanye (3) neNkosi (IsAm. 11:15). Yiba nommemezeli onekhono owenza umboniso esebenzisa amanye alamaphuzu entshumayelweni yakhe. Bakhuthaze bonke ukuba bahlanganyele ekuhambiseni lencwadi, ngaphambi kokuba baye eholidini noma emhlanganweni wabo wesigodi.
INgoma 61 nomthandazo wokuphetha.