Ingabe Ucindezelekile?

“Wonke umuntu ucindezelekile ngokwezinga elithile, kodwa mina ngicindezeleke kakhulu. Ukucindezeleka kwami akuveli nje enkingeni eyodwa enkulu, kodwa kuvela ezimweni eziningi, ukushikashikeka neminyaka eminingi yokunakekela umyeni wami ogula emzimbeni nasengqondweni.”—UJill.a

“Umkami wangishiya, kwadingeka ngikhulise izingane zami ezimbili ngingedwa. Kwakunzima ukuba umzali oyedwa. Ngaphezu kwalokho, ngalahlekelwa umsebenzi futhi ngangingenayo imali eyanele yokulungisa imoto yami. Ngangingazi ukuthi kufanele ngenzenjani. Ngangicindezeleke kakhulu. Ngangazi ukuthi akulungile ukuzibulala, ngakho ngancenga uNkulunkulu ukuba aqede usizi lwami.”—UBarry.