Amazwe AseBhayibhelini

LAPHO u-Israyeli elungela ukungena eZweni Lesithembiso, uMose watshela uNkulunkulu isifiso sakhe esijulile: “Ngicela ungivumele ngiwele ngibone izwe elihle elingaphesheya kweJordani, lesi sifunda esihle sezintaba.”—Dut 3:25.

Asamukelwanga isicelo sikaMose, kodwa wayikhuphuka intaba eqondene neJeriko futhi walibona izwe elihle—‘lakwaGileyadi kuze kufike kwaDani nalo lonke izwe likaJuda kuze kufike olwandle olusentshonalanga, neNegebhi nesigodi saseJordani.’ (Dut 3:27; 34:1-4) Wake wawezwa lawo magama? Uyazazi ukuthi zikuphi lezo zindawo?

Bambalwa abantu bakaJehova namuhla abangavakashela izindawo eziningi abafunda ngazo eBhayibhelini. Abakwazi ukwenza into uNkulunkulu ayethé u-Abrahama ayenze, ukulihamba lonke iZwe Lesithembiso. (Gen 13:14-17) Noma kunjalo, amaKristu eqiniso ayafisa impela ukwazi ngezindawo eziseBhayibhelini nokubona ukuthi zihlobana kanjani.

Le ncwajana ethi ‘Bona Izwe Elihle’ iyithuluzi ongalisebenzisela ukuyiqonda nakangcono imiBhalo. Inezithombe zezindawo ezikhona ngempela, njengeGileyadi eboniswe esembozweni. Amabalazwe wona awusizo nakakhulu ngoba angalujulisa ulwazi lwakho lwezindawo eziseBhayibhelini.

Ibalazwe elisekhasini 2 no-3 ligxile ikakhulu emazweni noma ezifundeni eziyinhloko. Ngokwesibonelo, uma wazi ukuthi i-Asiriya neGibhithe lalikuphi neZwe Lesithembiso, uyoziqonda kangcono iziprofetho ezikhuluma ngalezo zindawo. (Isaya 7:18; 27:13; Hos 11:11; Mika 7:12) Esiqeshaneni somhlaba esibizwa ngokuthi iZwe Lesithembiso yilapho kwakuphambana khona izindlela, futhi ezinye izizwe zazifuna ukuthatha amasimu akhona okusanhlamvu, izivini nezixhobo zeminqumo.—Dut 8:8; AbA 15:5.

Kungenzeka uthande nokuqhathanisa amabalazwe. Ngokwesibonelo, uJona wathunywa enhloko-dolobha yase-Asiriya, kodwa yena walibangisa eTharishishi ngomkhumbi. (Jona 1:1-3) Uyazibona lezi zindawo ebalazweni lokuqala? Kodwa iTharishishi akufanele ididaniswe neTarsu, indawo okwazalelwa kuyo uPawulu. ITarsu neminye imizi emikhulu uzoyithola kuleli balazwe elilapha.

Cabanga ngobude bohambo luka-Abrahama nendlela ahamba ngayo lapho ucinga i-Uri, iHarana neJerusalema. Ngemva kokuba uJehova emkhiphile e-Uri, wahlala eHarana wabe esedlulela eZweni Lesithembiso. (Gen 11:28–12:1; IzE 7:2-5) Ulubona kahle uhambo luka-Abrahama lapho ufunda isihloko esithi “Izwe Lezinzalamizi,” emakhasini 6-7.

Ibalazwe lokuqala naleli elilapha awaphathelene nezenzakalo zesikhathi esithile. Ngemva kwalawo mabalazwe amabili, amanye abe esebekwa ngokulandelana kwezenzakalo. Imizi ethile noma imininingwane esebalazweni ihlobene nezenzakalo zenkathi ethile. Yize iZikhombo (emakhasini 34-5) zingenazo zonke izindawo ezisemabalazweni, zingakusiza ubone ukuthi yimaphi amabalazwe ahlobene nephuzu ocwaninga ngalo.

Ibalazwe eliphakathi nendawo kule ncwajana (emakhasini 18-19) linemizi nemizana eminingi eseZweni Lesithembiso. LineZimpawu Zamabalazwe ezizokusiza ubone imizi yamaLevi nemizi eyisithupha yesiphephelo, zikusize futhi wazi ukuthi indawo ethile kukhulunywa ngayo emiBhalweni yesiHebheru, yesiGreki, noma kuyo yomibili.

Ezinye izindawo eziseBhayibhelini, okwamanje akwaziwa ukuthi zikuphi, ngakho eziningi zazo azikho kuleli balazwe eliphakathi nendawo. Kanti-ke yayingenakufakwa yonke imizi nemizana, njengayo yonke imizana esohlwini lwemingcele yezizwe. (Josh, izahl. 15-19) Noma kunjalo, ikhona imizi eyayiseduze kwaleyo, ngaleyo ndlela ungase ukwazi ukuhlawumbisela ukuthi izindawo ezithile zazikuphi. Kuphawulwe nezinye izinto zemvelo (izintaba, imifula, nezigodi zezifufula), kanti ukuphakama nokwewuka kwendawo kuphawulwe ngemibala egqamile. Imininingwane enjalo ingakusiza ube nombono wezici ezithile ezilandiswe eBhayibhelini.

I-encyclopedia ethi Insight on the Scriptures, etholakala ngezilimi eziningi inokwaziswa okwengeziwe ngezindawo eziseBhayibhelini.a Lapho uyisebenzisa, kanye nezinye izincwadi zokutadisha iBhayibheli, thatha nale ncwajana ethi ‘Bona Izwe Elihle.’ Yisebenzise lapho utadisha imiBhalo, leyo enenzuzo enkulu kangaka ekuphileni kwakho.—2Thim 3:16, 17.

[Umbhalo waphansi]

[Ibhokisi ekhasini 5]

IZINCWADI ZEBHAYIBHELI ZALOTSHELWA

EBhabhiloni

EKhesariya

EKorinte

EGibhithe

E-Efesu

EJerusalema

EMakedoniya

KwaMowabi

EPhatmose

EZweni Lesithembiso

ERoma

EShushani

[Ibalazwe elisekhasini 4, 5]

(Ukuze ubone ukuthi indaba ihlelwe kanjani, bheka encwadini)

Amazwe AseBhayibhelini Nemizi Eyinhloko

A1 I-ITALIYA

A2 IROMA

A3 ISISILI

A3 IMELITHA

C2 IMAKEDONIYA

C2 IFilipi

C2 IGRISI

C3 I-ATHENE

C3 IKorinte

C3 IKRETHE

C4 ILIBHIYA

D3 I-Antiyokiya (yasePhisidiya)

D3 I-Efesu

D3 IPHATMOSE

D3 IRODU

D4 IMEMFISI

D5 IGIBHITHE

E2 I-ASIA MINOR

E3 ITarsu

E3 I-Antiyokiya (yaseSiriya)

E3 IKHUPRO

E4 ISidoni

E4 IDamaseku

E4 IThire

E4 IKhesariya

E4 IZWE LESITHEMBISO

E4 IJERUSALEMA

E4 KWAMOWABI

E4 IKadeshi

E4 KWA-EDOMI

F3 INsimu Yase-Edene?

F3 I-ASIRIYA

F3 IHarana

F3 ISIRIYA

F5 I-ARABHIYA

G3 ININEVE

G4 IBHABHILONI

G4 IKHALIDEYA

G4 IShushani

G4 I-Uri

H3 IMEDIYA

[Izintaba]

E5 INt. ISinayi

G2 IZINT. ZASE-ARARATI

[Amachibi amanzi]

C3 ULwandle LwaseMedithera (ULwandle Olukhulu)

E1 ULwandle Olumnyama

E5 ULwandle Olubomvu

H2 ICaspian Sea

H5 IPersian Gulf

[Imifula]

D5 UMfula INayile

F3 UMfula I-Ewufrathe

G3 UMfula ITigrisi