Ingabe Uyakhumbula?

Ingabe uke wazindla ngomagazini bamuva beNqabayokulinda? Uma kunjalo, kungenzeka uyokukhumbula okulandelayo:

◻ Kungani umKristu kungamelwe agubhe uKhisimusi?

Esinye isizathu siwukuthi umkhosi kaKhisimusi wadabuka emkhosini wobuqaba kaSaturnalia, umkhosi wamaRoma kankulunkulu wawo wezolimo, uSaturn. IZwi likaNkulunkulu lithi: “Maningaboshelwa ejokeni linye nabangakholwa.” (2 Korinte 6:14-17) UmKristu akanakwahlukaniswa nabangakholwayo uma esagubha umkhosi owadabuka ebuqabeni.—12/15, ikhasi 6.

◻ Liyini iJubili lobu Kristu?

Liwukukhululeka okuhilela “iqiniso” elingakhulula abantu “emthethweni wesono nokufa.” Leliqiniso Iigxiliswe ‘eNdodaneni,’ uJesu Kristu. (Johane 8:31-36; Roma 8:1, 2, 21)—1/1, ikhasi 21.

◻ Ligujwa nini iJubili lobu Kristu?

NgePentekoste lika-33 e.E., iJubili lobu Kristu laqala ukugujwa yilabo ababemiselwe ukuphila ezulwini. Ngesintu esikholwayo esizojabuIela ukuphila okuphakade emhlabeni, iJubili elihle lobu Kristu liyotholakala phakathi neMinyaka Eyinkulungwane, njengoba zonke izici zesono esazuzwa njengefa nokungapheleli kususwa.—1/1, ikhasi 21, 22, 27.

◻ Kungani oFakazi BakaJehova bengenazo izikole zabantwana eAsia noma kwenye indawo?

Kungenxa yalokho iBhayibheli elikushoyo, oFakazi BakaJehova kumelwe bakhathalele ngokuyinhloko umsebenzi wabo wokushumayela isigijimi esibaluiekile ngoMbuso kaNkulunkulu. (Mathewu 24:14; 28:19, 20) Akukhona ukuthi abakukhathaleli ukuhlupheka komuntu nokungabi namthetho okukulesimiso esikhona, futhi bayasiza lapho bekwazi. Nokho, bayaqaphela ukuthi ikhambi leqiniso alikho ezandleni zomuntu, kodwa ekukhululekeni okuzolethwa uMbuso kaNkulunkulu ngokushesha. (IHubo 146:3-10)—1/15, ikhasi 7.

◻ Iziphi izici zokholo esingazifunda esibonelweni sika-Abela, uEnoke, uNowa, uAbrahama, noMose?

Ukholo olunjengoluka-Abela lukhulisa ukwazisa kwethu ngomhlatshelo kaJesu. Ukholo lweqiniso lusisiza ukuba sibe nesibindi, njengoEnoke, NjengoNowa, ukholo lusishukumisela ukuba silandele iZiyalezo zikaNkulunkulu. Ukholo luka-Abrahama lugcizelela kithi isidingo sokulalela uNkulunkulu nokuthembela ezithembisweni zakhe. Kumelwe sihlale singenasici ko kwezwe futhi sihlale sithembekile kubantu bakaNkulunkulu, njengoba uMose abonisa.—1/15, ikhasi 20.

◻ Kungayiphi indlela isifiso sokufuna ukwazi esingaba ngayo isibusiso noma isiqalekiso?

Isifiso esihle sokufuna ukwazi ngoMdali wethu, intando yakhe, nezinjongo zakhe singenelisa kakhulu futhi sibe yinzuzo, silethe injabulo nokuqabuleka ekuphileni kwethu. Ngakolunye Uhlangothi, isifiso sokufuna ukwazi esingathiyeki singasiholela ekuhloleni izinto ezingalungile nasemicabangweni yabantu, sibhekele phansi ukholo lweqiniso nokuzinikela kuNkulunkulu.—2/1, ikhasi 29.

◻ UJesu wayesho ukuthini lapho ethandaza: “Baba, uma kungenzeka, akudlule kimi lesisitsha”? (Mathewu 26:39)

UJesu wayelikhathalela icala lokuhlambalaza ayebona ukuthi lalizolethwa kuye. Lobu kwakuwubugebengu obukhulu kakhulu umjuda ayengaba necala labo. Ngakho-ke, ukufa kwakhe ngaphansi kwalesosimo kwakungase kubonakale kuletha isihlamba kuYise wakhe wasezulwini.—2/15, ikhasi 13.

◻ Uma umuntu kumelwe abekezelele ukuhlupheka noma ukuphathwa kabi, iyiphi indlela ehlakaniphile okumelwe ayilandele?

Kungcono ngaye ukuba abekezele, abheke ngethemba kuNkulunkulu ukuba amkhulule, futhi asondele kuYe, Lokhu kuyokwenza kube lula ngalowomuntu ukuba abhekane nokunye okuhlangenwe nakho okufanayo ekuphileni ngaphandle kokulahlekelwa ithemba. (IsiLilo 3:25-31)—2/15, ikhasi 24.

◻ Zingobani “izizwe eziyishumi nambili zakwaIsrayeli” uJesu akhuluma ngazo kuLuka 22:28-30?

Lezi zimeiela bonke abantu besintu abazokwahlulelwa uKristu nabapristi bakhe abayizi-144 000 nazo zonke izizukulwane uJehova azihlelele ukuba zihlale kulomhlaba. (Mathewu 19:28)—3/1, ikhasi 28.

◻ Kushiwo ukuthini ngokuthula kwaphezulu, futhi kungatholakala kanjani?

Ukuthula kwaphezulu kuyisimo sokuthula kwengqondo nenhliziyo, isimo sangaphakathi sokwaneliseka, kungakhathaliseki ukuthi kwenzekani. (IHubo 4:8) Singatholakala kuphela ngobuhlobo obuhle noNkulunkUlu, obutholakala ngomhlatshelo wesihlengo kaKristu Jesu. (Kolose 1:19, 20)—3/15, amakhasi 11, 14, 15.

◻ Iluphi usizo esinalo namuhla ukuze sazi uNkulunkulu ngokuseduze?

Sinakho kokubili iBhayibheli kanye neziprofetho zeBhayibheli ezilandelanayo ezagcwaliseka. Futhi, sinemilando yamaVangeli yokuphila, imisebenzi, namazwi kaJesu Kristu, lawo uPawulu abhala ngawo: “Ngokuba kuhlala kuye [uKristu] ngokomzimba ukugcwala konke kobuNkulunkulu,” (Kolose 2:9)—4/1, ikhasi 6.