Ongase Ukusho Ngomagazini

INqabayokulinda Dec. 15

“Ngalesi sikhathi sonyaka, abantu abaningi bacabanga ngoJesu Kristu, kungakhathaliseki ukuthi bayakholelwa kuye noma cha. Abanye bathi wayengeyena umuntu ongokoqobo. Wena ubona kanjani? [Ngemva kwempendulo, funda uMathewu 16:15, 16.] Ngiyaqiniseka ukuthi uzokujabulela ukufunda lesi sihloko esithi ‘UJesu Ongokoqobo’ ukuze ubone indlela akuthinta ngayo namuhla nayokuthinta ngayo esikhathini esizayo.”

Phaphama! Dec. 22

“Awuvumi yini ukuthi ukuze ukuphila kulondeke, bekungadingeka sibe nomthombo wokudla ophephile nonokwethenjelwa? [Mvumele aphendule.] Phawula ukuthi uNkulunkulu wabathembisani abantu bakhe emuva lé ezikhathini zeBhayibheli. [Funda uLevitikusi 26:4, 5.] I-Phaphama! ikhulumela ukukhathazeka okukhona namuhla ngokudla kwethu. Iphinde ibhekisele esikhathini lapho uNkulunkulu eyosinikeza khona ukulondeka emhlabeni wonke.”

INqabayokulinda Jan. 1

“Ingabe uyazibuza ukuthi kungani abanye abantu bebonakala bephila ngokunethezeka kuyilapho abanye bezabalaza kanzima ukuze baphile? Kukhona okushiwo yiBhayibheli ngalokhu. [Funda uJobe 34:19.] Kulo magazini kuyachazwa ukuthi uNkulunkulu uhlose ukukuqeda kanjani ukuhlukana ngezigaba.”

Phaphama! Jan. 8

“Sonke siyazi ngale nhlekelele edabukisayo enyakazise umhlaba. Kusukela ngaleso sikhathi abantu baye bayidinga kakhulu induduzo nosizo. Phakathi kokunye, lesi sihloko sichaza lokho oFakazi BakaJehova abaye bakwenza ukuze basize abasindile, izisebenzi zosizo oluphuthumayo kanye nabashonelwe.”