Ongase Ukusho Ngomagazini

INqabayokulinda June 15

“Ingabe ucabanga ukuthi ziyoke ziphele izinkinga ezinjengalezi? [Funda ingcaphuno esesethulweni sesihloko sokuqala, bese ulindela impendulo.] IZwi likaNkulunkulu eliphefumulelwe liyasiqinisekisa ukuthi maduzane izinkinga ezinjengalezi zizophela. [Funda iHubo 72:12-14.] Le Nqabayokulinda ichaza ukuthi lokhu kuyokwenzeka kanjani.”

INqabayokulinda july 1

“Kunabantu abayizigidi abasebenzisa izithombe noma imifanekiso ekukhulekeleni kwabo, kuyilapho abanye abayizigidi becabanga ukuthi ukwenza kanjalo akulungile. Wake wazibuza yini ukuthi uNkulunkulu uthini? [Lindela impendulo. Yibe usufunda uJohane 4:24.] Lezi zihloko ziyachaza ukuthi ukusetshenziswa kwemifanekiso kwaqala kanjani nokuthi iBhayibheli lithini ngokukhulekela izithombe.”

Phaphama! July 8

“Ingabe ucabanga ukuthi wonke umuntu emhlabeni uyoke athole inkululeko yangempela? [Lindela impendulo.] Yizwa ukuthi uNkulunkulu usithembisa into enhle kanjani. [Funda eyabaseRoma 8:21.] Ukuze leso sithembiso sigcwaliseke, bekungadingeka kuphele bonke ubugqila, akunjalo? Le Phaphama! ibonisa ukuthi lokhu kuyokwenzeka kanjani.”

“IBhayibheli laprofetha ukuthi ezinsukwini zokugcina kwakuyoba nezikhathi ezinzima. [Funda eyesi-2 Thimothewu 3:1, 3.] Emhlabeni jikelele, ukudlanga kobugebengu kuyakufakazela lokhu. Cabanga nje ukuthi izimo zaziyoba zimbi kangakanani ukube amaphoyisa abengekho! Le Phaphama! ikhuluma ngezinselele amaphoyisa abhekana nazo emhlabeni kabanzi.”