Ongase Ukusho Ngomagazini

INqabayokulinda Feb. 15

“Abanye abantu bayazibuza ukuthi uNkulunkulu unazo yini izimfanelo zobuntu. Abanye bathi unazo kodwa bacabanga ukuthi ukude kakhulu nabo. Uke wakuqaphela lokho? [Lindela impendulo.] Phawula ukuthi kungani kubalulekile ukwazi ukuthi uNkulunkulu ungumuntu onjani. [Funda uJohane 17:3.] Uzozithola zithakazelisa izihloko zokuqala zalo magazini ezimayelana nale ndaba.”

INqabayokulinda Mar. 1

“Singathanda ukuzwa umbono wakho ngalo mbhalo othakazelisayo. [Funda uMathewu 5:10.] Umuntu angajabula kanjani ebe eshushiswa? [Lindela impendulo.] Izihloko ezimbili zokuqala kulo magazini zikhuluma ngabanye abaqhubeka bejabula naphezu kokuhlupheka. Kuzokuthakazelisa ukuzwa ukuthi bakwenza kanjani lokho.”

Phaphama! Mar. 8

“Ucabanga ukuthi uNkulunkulu wayeqonde ukuba abantu, kuhlanganise nezingane, babenenkinga yokungondleki? [Lindela impendulo.] Yizwa lesi sithembiso esiduduzayo esitholakala eBhayibhelini. [Funda IHubo 72:16.] Le Phaphama! ikhuluma ngezimbangela zokungondleki futhi okubaluleke nakakhulu ikhuluma ngesithembiso sikaNkulunkulu sokukuqeda ngokushesha.”