Ongase Ukusho Ngomagazini

Phaphama! Dec. 8

“Yonke indawo bonke abantu balungiselela ukugubha uKhisimusi. Wazini ngomsuka kaKhisimusi? [Mvumele aphendule.] Kungakumangaza yini ukwazi ukuthi uJesu akazalwanga ngo-December 25? Ngithanda ukukufundela lo mbhalo kaJakobe 1:27. [Ufunde.] Uqaphele yini ukuthi ukukhulekela kwethu kufanele kuhlanzeke kungabi nakungcola? Lesi sihloko esithi ‘Okufanele Ukwazi NgoKhisimusi’ sidingida amanye amaqiniso athakazelisayo ngomsuka kaKhisimusi, futhi sisinikeza umbono weBhayibheli ngemikhosi enjalo.”

INqabayokulinda Dec. 15

“Ngalesi sikhathi sonyaka, abantu abaningi bacabanga ngokuzalwa kukaJesu. Bewazi yini ukuthi kunezifundo ezibalulekile esingazithola kulokho okushiwo yiBhayibheli ngokuzalwa kwakhe? [Mvumele aphendule. Yibe usuvula ekhasini 5, ufunde eyesi-2 Thimothewu 3:16.] Le Nqabayokulinda idingida ezinye zalezi zifundo.”

INqabayokulinda Jan. 1

“Lapho abantu beshonelwa othandekayo wabo noma lapho begula, bavame ukuzibuza ukuthi, ‘Kungani uNkulunkulu ekuvumele lokhu?’ Mhlawumbe nawe uye wabuza umbuzo ofanayo. IBhayibheli libonisa ukuthi uNkulunkulu uyazwelana nabahluphekayo. [Funda u-Isaya 63:9a.] Lo magazini uchaza ukuthi kungani singaqiniseka ukuthi uNkulunkulu uyokuqeda ukuhlupheka.”

Phaphama! Jan. 8

“Ingabe ucabanga ukuthi uhulumeni kufanele angenele enkululekweni yokukhuluma? [Mvumele aphendule.] Kuthiwani uma leyo nkululeko ihilela ukukhuluma nabanye ngenkolo, njengoba sifunda kulo mbhalo? [Funda izEnzo 28:30, 31.] Lo mbuzo usanda kwethulwa phambi kweNkantolo Ephakeme yase-United States. Ngicela ukuba ufunde ngale ndaba kule-Phaphama!”