Ongakusho Ngomagazini

INqabayokulinda Aug. 15

“Ngemva kosizi lokushonelwa othile, abaningi baye bazibuze ukuthi kwenzekani lapho umuntu efa. Ucabanga ukuthi kungenzeka ukuba umuntu aqonde indaba yokufa? [Lindela impendulo.] Lo magazini uchaza lokho iBhayibheli elikushoyo ngesimo sabafileyo. Ukhuluma nangesithembiso sikaNkulunkulu sokuvusa izihlobo zethu ezithandekayo esezashona.” Funda uJohane 5:28, 29.

INqabayokulinda Sept. 1

“Ezweni lanamuhla, ukwethembeka kuyimfanelo abantu abayincomayo nje esikhundleni sokuba bayibonakalise. Bekungeke yini kube kuhle ukube abantu abengeziwe bebefana nomngane ochazwe lapha? [Funda izAga 17:17 bese ulindela impendulo.] Lo magazini uchaza izinzuzo esizithola ngokwethembeka emkhayeni nakubangane.”

Phaphama! Sept. 8

“Uthi bewazi nje ukuthi imboni yezokuvakasha iye yabizwa ngokuthi umqashi ophuma phambili emhlabeni wonke? [Lindela impendulo.] Ukuchuma kwemboni yezokuvakasha kuye kwaletha kokubili, izinzuzo nezinkinga. Lo magazini uhlola izici ezinhle nezimbi zale mboni yanamuhla yezokuvakasha. Uqukethe namacebiso awusizo kubantu abavakashela kwamanye amazwe.”

“Mhlawumbe ukuthola kumangalisa ukubambisana kwendalo. [Yisho isibonelo esisodwa okukhulunywe ngaso esihlokweni.] Akudabukisi yini ukuthi asikuboni lokhu kubambisana phakathi kwabantu? [Lindela impendulo.] Lo magazini uchaza indlela uNkulunkulu azoletha ngayo ukuthula nobumbano emhlabeni wethu maduze.” Funda u-Isaya 11:9.