IGEORGIA
Ngangifuna Ukushintsha Ukuphila Kwami
UDavit Samkharadze
UNYAKA AZALWA NGAWO 1967
UNYAKA ABHAPATHIZWA NGAWO 1989
UMLANDO WAKHE OMFUSHANE Wakhonza njengombonisi wesigodi. Kusukela ngo-2013, ubelokhu efundisa ezikoleni zeBhayibheli.
NGO-1985, ngineminyaka engu-18, iziphathimandla zeSoviet zangibuthela empini. Ukungabi nabulungisa nokucindezelwa empini kwakungikhathaza kakhulu kangangokuthi ngacabanga: ‘Angifuni ukufana nabo. Ngifuna ukwehluka.’ Nokho, ngabona ukuthi ngangingeke ngenze izinto ngendlela engangifisa ngayo ngaso sonke isikhathi. Ngangifuna ukushintsha ukuphila kwami.
Ngemva kokuphothula inkonzo yami yezempi, ngabuyela ekhaya. Ngobunye ubusuku, ngibuya emcimbini, ngathandaza kuNkulunkulu, ngimcela ukuba angisize ngibe umuntu ongcono. Ngosuku olulandelayo ngiya emsebenzini, ngavakashela u-anti, owayengomunye woFakazi BakaJehova. Lapho ngingena kwakhe, ngazithola ngimi phambi kweqenjana loFakazi BakaJehova elaliqhuba umhlangano. Langamukela ngemfudumalo ngakho nganquma ukuhlala ngilalele.
Ngavuma ukufundelwa iBhayibheli futhi ngemva kwezinyanga eziyisithupha, ngabhapathizwa. UJehova wangisiza ngaba umuntu ongcono, into engangingeke ngizenzele yona.