ISIFUNDO 11

Intshiseko

Roma 12:11

OKUFANELE UKWENZE: Khuthaza izilaleli zakho ngokukhuluma ngentshiseko.

Qale ukuqonde wena ozokusho. Njengoba ulungiselela, cabanga ngokuthi kungani indaba ozokhuluma ngayo ibalulekile. Yazi kahle indaba ozokhuluma ngayo, ukuze ukhulume ngokusuka enhliziyweni.
Cabanga ngezilaleli zakho. Cabangisisa ngokuthi lokho ozokufunda noma ozokufundisa kuzobasiza kanjani abanye. Cabanga ngendlela ongayethula ngayo indaba yakho, ezokwenza izilaleli zakho ziyithande kakhulu.
Yiba nomdlandla. Khuluma ngentshiseko. Nyakazisa umzimba ngendlela engokwemvelo futhi ubuso bakho abubonise indlela ozizwa ngayo.

Qaphela ukuba ungaphazamisi izilaleli zakho ngokulokhu unyakaza ngendlela efanayo njalo. Gwema nokunyakazisa umzimba ngokungadingekile. Bonisa umdlandla ikakhulu lapho ufundisa amaphuzu abalulekile noma ukhuthaza izilaleli zakho ukuba zenze okuthile. Ungakhathazi izilaleli zakho ngokuba nentshiseko kusukela ekuqaleni kuze kube sekupheleni kwenkulumo yakho.