Kan jy hulppionierdiens doen?
1 Georganiseer om ons bediening te vervul sê onderaan bladsy 113: “As jy, ongeag jou persoonlike omstandighede, gedoop is, ’n goeie morele reputasie het, reëlings kan tref om die vereiste 60 uur per maand aan die veldbediening te wy en meen dat jy een of meer maande lank as hulppionier kan dien, sal die gemeente se ouere manne jou aansoek om hierdie diensvoorreg met graagte oorweeg.” Hulppionierdiens die een of ander tyd gedurende die jaar is dus binne die bereik van die meeste gedoopte verkondigers. Kan jy van hierdie voorreg gebruik maak?
2 Moenie die moontlikheid dat jy kan dien summier uit jou gedagtes sit nie. Oud en jonk—party met goeie gesondheid en ander met swak gesondheid—het al blymoedig een of meer maande aan die hulppionierdiens deelgeneem. Dit verg opoffering en inspanning, maar die seëninge wat jy sal geniet, maak dit die moeite werd.—Luk. 13:24, vgl. NW; IKor. 9:16.
3 Jy sal dit nuttig vind om ’n rooster op te stel wat by jou omstandighede pas en jou sal toelaat om gemiddeld minstens twee uur elke dag te werk. Maak dit ’n saak van gebed tot Jehovah, en moenie huiwer om ander te nooi om saam met jou te werk nie. Dit alles sal jou help om die uurvereiste van 60 uur na te kom.
4 As jy wil aansoek doen, kan jy die presiderende opsiener in jou gemeente om ’n aansoekvorm vra. Dit moet lank voor die tyd wat jy as hulppionier wil dien, gedoen word. As die Gemeentelike Dienskomitee jou aansoek goedkeur, sal die gemeente van jou aanstelling in kennis gestel word. Dit sal ander bewus maak van die geleentheid om saam met jou te werk wanneer hulle omstandighede dit toelaat, en jou voorbeeld kan hulle aanmoedig. Ons nooi jou hartlik uit om aan te sluit by die talle wat gereeld aan die hulppionierdiens deelneem.