Diensvergaderinge vir November
Week wat begin met 3 November
10 min: Plaaslike aankondigings. Gekose Aankondigings uit Ons Koninkryksbediening. “Goeie nuus op die Internet.” Lewer kommentaar oor die land en die plaaslike gemeente se jongste velddiensrapport. Herinner verkondigers daaraan om hulle velddiens vir Oktober stiptelik te rapporteer.
15 min: “Die groot deur wat tot bedrywigheid lei, is oop.” Toespraak deur ’n ouer man, met gehoordeelname. Moedig almal aan wat kan om te strewe na ’n groter deelname aan die predikingswerk. Sluit raad in wat aangebied word in Die Wagtoring van 15 Augustus 1988, bladsy 22.
20 min: “Kweek verdere belangstelling in die Koninkryksnuus.” Vrae en antwoorde. Demonstreer aanbiedings in paragraaf 6. Toon in een van hulle hoe ’n Bybelstudie begin word.
Lied 144 en slotgebed.
Week wat begin met 10 November
10 min: Plaaslike aankondigings. Rekeningverslag. Lig gemeente in oor watter gebied nog met Koninkryksnuus Nr. 35 gedek moet word. Moedig almal aan om ’n volle deelname gedurende hierdie laaste week van die spesiale kampanje te hê.
15 min: Plaaslike behoeftes.
20 min: “Betrek ongelowige huweliksmaats.” Bespreking tussen twee ouer manne wat graag meer van die ongelowige huweliksmaats persoonlik wil leer ken. Hulle bespreek ook wenke in Die Wagtoring van 15 Mei 1989, bladsy 17, paragrawe 6-9. Sluit ondervindinge in wat gevind kan word in Die Wagtoring van 1 Oktober 1995, bladsy 10, paragrawe 11-12.
Lied 148 en slotgebed.
Week wat begin met 17 November
10 min: Plaaslike aankondigings. Meld ’n paar plaaslike ondervindinge van die Koninkryksnuus-kampanje.
20 min: Gryp hierdie unieke geleentheid aan! ’n Toespraak gebaseer op Die Wagtoring van 15 November 1996, bladsye 21-3.
15 min: “Wat gaan ek sê?” Gehoorbespreking. Lees die eerste paragraaf op bladsy 8 van die Redenering-boek wat verduidelik hoe die boek saamgestel is om ons te help om met welslae oor ’n verskeidenheid Bybelonderwerpe te getuig. Lig dit toe met een of twee goed voorbereide demonstrasies.
Lied 151 en slotgebed.
Week wat begin met 24 November
10 min: Plaaslike aankondigings. Gee verslag van ontoegekendegebied-kampanje.
15 min: Goeie maniere by die Gemeentelike Boekstudie. Ons waardeer die gasvryheid van gesinne wat hulle huis vir ’n boekstudiegroep beskikbaar stel. Dit behels moontlik heelwat voorbereiding en ongerief. Wanneer ons die studie bywoon, moet ons goeie maniere aan die dag lê en respek en bedagsaamheid toon, wat die volgende sal insluit: (1) Ons moet ons voete deeglik afvee voordat ons ingaan sodat ons nie die vloere of matte vuiltrap nie. (2) Ouers moet ’n oog hou op hulle kinders en seker maak dat hulle hulle goed gedra en in dié deel van die huis bly waar die boekstudie gehou word. (3) Hoewel die groep dalk klein en die atmosfeer ietwat informeel is, is dit ’n gemeentelike vergadering en moet ons aantrek soos wanneer ons na die Koninkryksaal toe gaan. (4) Assosiasie ná die vergadering moet kort gehou word sodat die huisgesin tyd vir persoonlike dinge kan hê. (5) Hoewel die huisbewoner by wie die studie gehou word soms sal besluit om ligte verversings te bedien, moet almal besef dat dit nie verwag of vereis word nie.
20 min: Maak dissipels, leer hulle. Ouer man hou bespreking met ’n groep van drie of vier verkondigers wat vrae beantwoord, gebaseer op Ons Bediening-boek, bladsye 88-92: (1) Waarom is herbesoeke noodsaaklik vir ’n doeltreffende bediening? Hoe kan ’n mens die uitdaging van die herbesoekwerk die hoof bied? (2) Waarom plaas ons soveel klem daarop om Bybelstudies te begin? Hoe kan ons bekwame studiehouers word? (3) Waarom is dit belangrik om die studente na die organisasie te rig? Hoe kan ons dit doen? Groep vertel ook hoe die onlangse byvoegsels tot Ons Koninkryksbediening vir Junie 1996 en Maart en April 1997 hulle op hierdie gebiede gehelp het.
Lied 160 en slotgebed.