Diensvergaderingrooster
Week wat begin met 12 Mei
10 min: Plaaslike aankondigings. Gekose Aankondigings uit Ons Koninkryksbediening. Gebruik die wenke op bladsy 8 en hou twee afsonderlike demonstrasies van hoe Die Wagtoring van 15 Mei en die Ontwaak! van 22 Mei aangebied kan word. In elke demonstrasie moet albei tydskrifte as ’n stel aangebied word, al word die aandag net op een gevestig. Meld ook die bydraereëling.
20 min: Ouers—Help julle kinders om vordering te maak. ’n Toespraak waarin glanspunte uit die Bedieningskool-boek, bladsye 9-12 en 21-38 bespreek word. Spoor ouers aan om van hierdie materiaal in hulle gesinstudie te gebruik, met die doel om hulle kinders op te lei sodat hulle in die bediening vordering kan maak. Beklemtoon spesifieke punte wat gebruik kan word om kinders te help om die nodige vaardighede te ontwikkel.
15 min: “Toevertrou met die goeie nuus.”a Reël vooraf dat een of twee verkondigers kortliks verduidelik hoe hulle hulle persoonlike omstandighede aangepas het sodat hulle meer in die predikingswerk kon doen.
Lied 46 en slotgebed.
Week wat begin met 19 Mei
15 min: Plaaslike aankondigings. Rekeningverslag. Bespreek “Internasionale Koninkryksaalbouwerk in sommige Europese lande”. Meld dat die bou van Koninkryksale in lande met beperkte middele sowel as in die plaaslike gebied van die takkantoor deur bydraes tot die Koninkryksaalfonds ondersteun word.
15 min: Plaaslike behoeftes.
15 min: “Loof Jehovah deur informeel te getuig.” Toespraak en gehoorbespreking. Vra die gehoor, wanneer paragraaf 3 bespreek word, wat ’n mens kan sê om ’n Bybelbespreking in party van die volgende situasies te begin: (1) wanneer jy in ’n tou wag om vir inkopies te betaal, (2) wanneer jy openbare vervoer gebruik. Wanneer jy gesels met (3) ’n buurman wat in sy tuin werk, (4) ’n werksmaat, (5) ’n skoolmaat. Reël vooraf dat ’n plaaslike ondervinding vertel word wat toon hoe die verkondiger daarin geslaag het om informeel te getuig.
Lied 135 en slotgebed.
Week wat begin met 26 Mei
10 min: Plaaslike aankondigings. Herinner almal om hulle velddiensrapporte vir Mei in te gee. Gebruik die wenke op bladsy 8 en hou twee afsonderlike demonstrasies van hoe Die Wagtoring van 1 Junie en die Ontwaak! van 8 Junie aangebied kan word. In elke demonstrasie moet albei tydskrifte as ’n stel aangebied word, al word die aandag net op een gevestig. Aan die einde van een van die aanbiedings moet die traktaat Wil jy graag die Bybel beter leer ken? by ’n huisbewoner gelaat word wat nie die tydskrifte wou neem nie.
10 min: Vraebus. ’n Toespraak. Hersien kortliks van die aanbiedings vir telefoongetuieniswerk wat verskyn het in Ons Koninkryksbediening vir Februarie 2001, bladsy 6, paragrawe 12-15, of ander aanbiedings wat in die plaaslike gebied doeltreffend was.
25 min: “God se Woord is waarheid.”b Gebruik die vrae wat voorsien word. Nooi gehoor om kommentaar te lewer oor hoe dit hulle gehelp het om die waarheid te leer toe verkondigers die Bybel gebruik het om hulle vrae te beantwoord. Wanneer paragraaf 4 bespreek word, laat ’n bekwame verkondiger demonstreer hoe die Bybel tydens die eerste besoek gebruik kan word deur party van die wenke in die artikel “Hanteer God se Woord reg” te gebruik.—km-AF 12/01 bl. 1 par. 3-4.
Lied 188 en slotgebed.
Week wat begin met 2 Junie
10 min: Plaaslike aankondigings. Teokratiese nuus. Hersien een of twee wenke om die Vereis-brosjure en die Kennis-boek aan te bied in die byvoegsel tot Ons Koninkryksbediening vir Januarie 2002.
20 min: ’n Eerbare huwelik—’n Goddelike vereiste. Toespraak en gehoorbespreking. In baie lande is dit algemeen vir paartjies om saam te bly sonder om wettig getroud te wees. Party beweer dat dit praktiese voordele inhou. Vestig die aandag op die Bybel se beskouing en beklemtoon dat die huwelik ’n Goddelike instelling is (rs-AF bl. 201-202). Paartjies wat saambly sonder om getroud te wees, pleeg hoerery (fy-AF bl. 17). In teenstelling met wat baie glo, toon studies dat die kanse op ’n suksesvolle huwelik kleiner is as paartjies saambly voordat hulle trou (g02-AF 3/8 bl. 29; g92-AF 9/8 bl. 28; g91-AF 5/8 bl. 28). Christene eer Jehovah deur by sy standaarde te bly. Sodoende bevoordeel hulle ook hulleself.—Jes. 48:17, 18.
15 min: Hoe vind jy baat? Gehoorbespreking wat deur die skoolopsiener behartig moet word. In Januarie het ons met die nuwe Teokratiese Bedieningskool begin. Hersien kortliks ’n paar van die nuwe kenmerke van die skool. Beklemtoon die positiewe resultate wat tot dusver gesien is. Het meer by die skool aangesluit? Is daar ’n groter bereidwilligheid om deel te neem? Hoe vind die studente baat by die nuwe reëlings waarvolgens daar raad gegee word? Nooi gehoor om te vertel hoe hulle tot dusver persoonlik baat gevind het en hoe hulle meen dat die nuwe program hulle in die toekoms sal help.
Lied 225 en slotgebed.
[Voetnote]
a Die inleiding moet korter as ’n minuut wees, gevolg deur ’n vraag-en-antwoord-bespreking.
b Die inleiding moet korter as ’n minuut wees, gevolg deur ’n vraag-en-antwoord-bespreking.