Koninkryksnuus Nr. 38 sal in November versprei word!
1. Watter vrae het mense oor die dooies, en wat sal in November gedoen word om dit te beantwoord?
1 Die dood is ’n vyand van alle mense, ongeag hulle godsdiensoortuigings (1 Kor. 15:26). Baie wonder waar die dooies is en of hulle hulle ooit weer sal sien. Daarom sal gemeentes regoor die aarde deelneem aan ’n maand lange verspreiding van Koninkryksnuus Nr. 38, met die titel “Kan die dooies werklik weer lewe?” Hierdie spesiale kampanje sal op 1 November begin. Ná die spesiale kampanje sal Koninkryksnuus Nr. 38 in die bediening as ’n traktaat gebruik word.
2. Hoe is Koninkryksnuus Nr. 38 saamgestel?
2 Hoe dit saamgestel is: Koninkryksnuus Nr. 38 is saamgestel sodat dit in die lengte gevou kan word en die interessante titel en die woorde “Wat dink jy? Ja; Nee; Miskien” op die voorkant gelees kan word. Wanneer die leser die Koninkryksnuus oopmaak, sal hy sien wat die Bybel se antwoord op die titelvraag is en wat die Bybel se belofte vir hom kan beteken. Hy sal ook redes sien waarom hy die Bybel kan glo. Die agterkant van die Koninkryksnuus bevat ’n interessante vraag vir hom om oor te dink en nooi hom om meer te leer.
3. Hoe sal Koninkryksnuus Nr. 38 versprei word?
3 Hoe dit versprei sal word: Hierdie kampanje sal wees soos die kampanjes vir die verspreiding van uitnodigings vir die Gedenkmaal en streekbyeenkoms. Die ouer manne sal riglyne voorsien oor hoe die plaaslike gebied gedek sal word, in ooreenstemming met die brief van 1 April 2013 aan alle ouer manne. Gemeentes wat min gebied het, kan aanbied om nabygeleë gemeentes te help wat meer gebied het. Wanneer jy jou voorraad van Koninkryksnuus Nr. 38 neem, moet jy onthou dat jy net soveel moet neem as wat jy vir ’n week nodig sal hê. Gedurende die kampanje kan eksemplare in die openbare getuieniswerk versprei word nadat al die huis-tot-huis-gebied gedek is. As al die eksemplare voor die einde van die maand versprei is, moet die lektuuraanbod gebruik word. Op die eerste Saterdag sal ons eerder aan die spesiale kampanje deelneem as om Bybelstudies aan te bied. Gedurende die naweke moet ons ook die tydskrifte aanbied wanneer dit gepas is. Tref jy reëlings om ’n volle aandeel aan hierdie spesiale kampanje te hê?