Geen geld vir die blindes nie

Tagtig persent van die wêreld se blindes woon in ontwikkelende lande. Die grootste konsentrasie is in Suidoos-Asië. Die WGO (Wêreldgesondheids-organisasie) berig dat een uit elke 25 mense daar blind of halfblind is. Wat is die hoofoorsake? Ondervoeding en infeksies vanweë onhigiëniese toestande.

Volgens die Nederland-se tydskrif Internationale Samenwerking beweer die WGO dat hulle met tweemiljard dollar ($1=R2,60) per jaar ’n doeltreffende veldtog teen blindheid in die ontwikkelende lande kan voer. Hoewel hierdie bedrag kleiner is as dié wat die wêreld se regerings per dag aan militêre doeleindes bestee, sê die WGO dat hulle nie in staat is om die nodige fondse te kry nie.

Al wat hulle dus nou weens hulle tekort aan geld kan doen, is om blindheid te probeer voorkom deur vitamien A-kapsules onder kinders te versprei. Ongeveer 400 000 kinders in Indië, Indonesië, Bangladesj en die Filippyne ly aan oogsiektes wat deur ’n gebrek aan vitamien A veroorsaak word. Maar die WGO se sombere voorspelling is dat daar, teen die huidige tempo, teen die jaar 2000 84 miljoen blindes en halfblindes in die wêreld sal wees.